Hvar fær maður Borescope myndavél ?

[GuðjónR]

Á einhver hér Borescope myndavél sem er til í að lána eða getur bent mér á hvort það sé hægt að leigja einhvers staðar?
Hef ekki tíma í að kaupa að utan og bíða eftir því.

Ég fékk hringingu frá bifvélavirkja sem var að skipta um koparþéttihringi í kringum dísel-spíssinn þegar hann sá brot af koparhringnum detta ofan í sílenderinn. Hann náði að ryksuga það upp með röri framan á ryksugu, en þetta var bara hluti af hringnum, kannski 1/4, og hann veit ekki hvort restin fór ofan í eða ekki.

Þetta skapar hættu á að koparinn komist í ventlana og skemmi vélina. Það er svolítið öfgakennt að fara í það að rífa ofan af vélinni til að skoða og svo er kannski ekkert, en það er líka áhætta að loka þessu og taka sénsinn á að eitthvað sé ofan í og fari í ventlana. Þetta er frekar slæm staða.

[linked]

Verkfæralagerinn smáratorgi líklegast ódýrastur í svona. Færð einhverja kínagræju þar á undir 20þ.

[dadik]

Ég á svona kínagræju sem þú tengir við síma ef þú vilt fá lánað

[GuðjónR]

Ég á svona kínagræju sem þú tengir við síma ef þú vilt fá lánað

Heyrðu, það hljómar mjög vel!
Þá er hægt að kíkja í holuna og sjá hvort það sé eitthvað kopardrasl ofan á stimpli!!

[GuðjónR]

Uppdate:
Ég ætlaði að fara að sækja boroscope hjá dadik þegar viðgerðarmaðurinn hringdi. Hann kláraði þetta í gærkvöldi.
Hann tók bara sénsin...

En nú er komið nýtt vandamál. Bíllinn fór í gang en hefur ekkert afl, svo lítið að hann kemst ekki út af verkstæðinu.
Hann drepur bara á sér um leið og það kemur smá álag. Viðgerðarmaðurinn segir að hann heyri skrítið vindhljóð frá túrbínunni.
Ég er alveg hættur að skilja þetta. Hann prófaði bílinn áður en hann skipti um koparþéttinguna á spíss 3 og 4, og eftir það er ekkert afl?

[netkaffi]

Damn, frekar súrrealískt þegar bíllinn manns er að bila hjá viðgerðarmanni.

[Baldurmar]

"Tók sénsinn", hann eyðilagði mögulega mótorinn.
Smá kopar brot getur alveg skemmt stimpla/ventla og svo eyðilagt túrbínuna á leiðinni út.

[Viktor]

Eigum við ekki að fara að búa til event þar sem allir Vaktarar mæta og votta virðingu sýna þegar þessi blessaði bíll þinn fer í pressuna?

[GuðjónR]

"Tók sénsinn", hann eyðilagði mögulega mótorinn.
Smá kopar brot getur alveg skemmt stimpla/ventla og svo eyðilagt túrbínuna á leiðinni út.

Ooogggg það gerðist (líklega)

[GuðjónR]

Eigum við ekki að fara að búa til event þar sem allir Vaktarar mæta og votta virðingu sýna þegar þessi blessaði bíll þinn fer í pressuna?

Well...taka frá 8.11.2034 og hittast við pressuna?

[rostungurinn77]

F