hvar fær maður góða borðplötu ?

[AndriíklAndri]

er að upfæra allt setupið og vantar að finna góða sterka borðplötu! einhverjar tillögur ?

[Frussi]

Ég hef keypt góðar borðplötur í ikea og svo bara einhverja næs fætur

[AndriíklAndri]

Ég hef keypt góðar borðplötur í ikea og svo bara einhverja næs fætur

ja það er það sem eg var að pæla en væri til i að skoða meira

[jericho]

Ég hef keypt góðar borðplötur í ikea og svo bara einhverja næs fætur

Þetta er það sem ég gerði líka

[appel]

Ég skoðaði þetta á sínum tíma, svona borðplötu og svo einhverskonar fætur, skúffueiningar eða þvíumlíkt.

Þetta er bara spurning um hvað þú ert að leitast eftir. Stærð skiptir máli. En ég nennti ekki að eyða tíma í þetta og pantaði borð hjá fyrirtæki.

Keypti nova skrifborð í syrusson.is, 240x80 borðplata (amber eik, nokkuð flott) og svört stálgrind sem er fyrir 180x80 skrifborð (þannig að borðplatan er oversized). Held að allur pakkinn hafi kostað um 70-80 þús.

Ég sá það að ef ég vildi kaupa borðplötu sjálfur, láta saga, og svo kaupa skúffueiningar undir og svona, þá hefði það kostað nærri svipað.

IKEA er held ég ekki með 80cm borðplötur, bara þessar 60cm borðplötur. Þannig að ég þurfti að kíkja í BYKO eða Bauhaus, og þá var verðið á borðplötunni með sögun komið alveg í 50-60 þús.
En þeir í syrusson leyfðu mér að panta oversized borðplötu. Það er kostur að fá bara allt tilbúið.

[ElvarP]

Smíðaði skrifborð sjálfur með pabba, átti ikea bekant rafmagnsgrind og fórum í Bauhaus og keyptum tvær eikar plötur (200x80cm) á minnir sirka 50k. Það var alveg slatta mikið úrval af borðplötum hjá Bauhaus.

[ekkert]

Er Bauhaus enþá málið fyrir borðplötur? Er að leita eftir heilum viði sem er solid og hljóðdempandi. Held að það útiloki alveg IKEA.

[KaldiBoi]

Er Bauhaus enþá málið fyrir borðplötur? Er að leita eftir heilum viði sem er solid og hljóðdempandi. Held að það útiloki alveg IKEA.

Skilst að Bauhaus sé með virkilega gott efni.

[danniornsmarason]

Er Bauhaus enþá málið fyrir borðplötur? Er að leita eftir heilum viði sem er solid og hljóðdempandi. Held að það útiloki alveg IKEA.

Gott úrval og gegnheilar flottar borðplötur í Bauhaus. Verðið nokkuð gott miðað við það.

Ikea er með eldhúsborðplötur sem eru gegnheilar spónarplötur með þunnum álímdum spónn. Ódýrara en Bauhuas enda spónarplata í grunninn.
Ég endaði með að velja frá Ikea þar sem ég var ekki tilbúinn að fara all inn og kaupa dýra plötu.
Eldhúsborðplöturnar eru mjög solid og flottar. En mæli alls ekki með pappa plötunum sem kallast skrifborðsborðplötur hjá þeim. Skemmist fljótt, bognar og engin gæði í þessu, Amk þegar ég keypti þannig fyrir þó nokkrum árum.

[Viktor]

Bauhaus er með gegnheilan við

Ikea er með fínar spónaplötur í eldhúsdeildinni og besta verðið

Bæði er mjög “solid” hvort sem þú ferð í gegnheilan við eða eldhúsborðplötu frá IKEA

Hins vegar eru skrifborðsplötur í IKEA oft fylltar með honeycomb pappa

Getur bara skoðað þyngd plötunnar

[Gunnar]

https://ikea.is/is/products/heimaskrifs ... t-50511329

[Manager1]

Fanntófell sérsmíðar borðplötur, en eru örugglega í allt öðrum verðflokki en IKEA og Bauhaus.

[Hjaltiatla]

er að upfæra allt setupið og vantar að finna góða sterka borðplötu! einhverjar tillögur ?

Gætir skoðað https://www.sorpa.is/um-sorpu/starfsstodvar/efnismilun-goa-hirisins/

[ekkert]

Verð að lasta Bauhaus fyrir hörmulega þjónustu. Fór í verslunina til að kaupa þessa plötu: https://www.bauhaus.is/bordplata-800x15 ... dlh-mahoni en hún var hvergi að finna og starfsmaður taldi þetta vera mistök á vefnum, hann kannaðist ekki við þessa vöru.

Þá sendi ég tölvupóst til að spyrjast fyrir um þetta en hef enn ekki fengið svar. Ég hef líka þrisvar a mismunandi dögum hringt í þjónustuverið en aldrei var svarað. Að lokum ákvað ég bara að panta af vefnum og sjá hvað gerist. Tveimur dögum seinna fæ ég SMS og platan er tilbúin til afhendingar, en lítur ekki út eins og á myndinni, en samt í réttri stærð. Kannski getur hún verið í mahoní lit ef borið er eitthvað á hana.

En platan sem ég fékk er samt þrusu fín. Þarfnast pússunar á köntunum og yfirborðinu, þetta er meira hugsað sem hráefni fyrir það sem vantar borðplötu. Það er til dæmis heftað í kantana og prentað, en það er nokkuð auðvelt að fixa með sandpappír.

Hér er frekar léleg mynd af afurðinni með spraylitaða torrent turninum mínum. Ákvað að bera ekkert á viðinn enda var ég ekki endilega að leitast eftir mahóní lit.

[G3ML1NGZ]

bara svo ég bergmáli það sem aðrir hafa sagt. Bauhaus reyndist mér vel.




Litli endinn af borðinu er 4 árum eldri en sá lengri og það er enginn sjáanlegur munur á þeim. Muna svo bara að bera reglulega á plötuna

Parket undirlag milli borðplötu og skúffueininga til að minnka hljóðbærni frá prenturunum og platan snertir vegginn hvergi fyrir utan að liggja á einum þverbita í horninu.