Langar að deila þessu með ykkur.
Konan keypti sér þessa fínu diesel Toyotu corollu í fyrra.. eins og alltaf byrja ég á því að setja bíla sem ég kaupi notaða beint í smur, þótt það séu 3þkm í næstu smurþjónustu bara til að sjá hvort það sé vatn/eldsneyti í olíunni eða hvort það séu einhverjir olíukögglar í vélinni. Í þessu tilviki átti ég ekki smurbollan fyrir þessa tilteknu síu svo ég fer bara með bílinn á vel þekkta smurstöð hérna á höfuðborgarsvæðinu.
Ég mætti á smurstöðina snemma morguns þegar ekkert er að gera, samt byrjar smurferlið ekkert sérlega vel, því ég tek eftir um leið að kauði sem er að smyrja bílinn gerir sér ekki grein fyrir því að þetta er diesel bíll með sótagnasíu. Og á bílinn þarf að setja spes olíu sem er uppgefin af framleiðanda ACEA C2 olíu sem stíflar sótsíuna ekki eins hratt og þessi venjulega "full saps" olía með óbrennanlegum viðbótarefnum.
Kauði reddar þessu með að setja "rétta" olíu sem hann segir að sé fyrir Landrover. Líklega ACEA C1 olía sem er ekki rétt olía en amk low saps olía með sama HTHS spec.
Allavegana þá borga ég 28 þúsund fyrir þessa glimrandi þjónustu og sé að ég er rukkaður 1000kr fyrir rúðuvökvaáfyllingu. Ég hafði fyllt á rúðuvökvann kvöldið áður en nennti ekki að röfla yfir því. Og rukkaður 500kr fyrir pakningu á olíutappann sem ég keypti nokkur hundruð stykki af á 1500kr í den.
Uþb tveimur og hálfum mánuði eftir þessa gullnu þjónustu fæ ég á tilfinninguna að corollan sé að fara oftar í active regen, eða þegar bíllinn sprautar diesel í pústlögnina til að hreinsa sótsíuna og hafði ég verið að logga tölvuna í bílnum í þónokkurn tíma áður. Og sé að regen er byrjað á 500km fresti í stað kannski 1000km áður. Þetta ferli fer ekki framhjá öllum ökumönnum þar sem bíllinn missir kraft og virkar eins og túrbínan sé farin.
Allavegana byrja ég á að lesa mig til um sótsíuvandamál eða DPF á ensku (dust particulate filter) og eftir mikla leit af gagnlegum upplýsingum á netinu og lestur á ritrýndum fræðigreinum kemst ég að þeirri niðurstöðu að oft liggi vandamálið í vélinni sjálfri eða vacuum leiðslum en oftast útaf leka á loftinntaki vélarinnar eða leka á turbo greininni.
Svo ég opna húddið til að skoða hvort hosur og annað lýti ekki ágætlega út.
En eftir ca3 mínútur með vasaljósið sé ég að #%"$ gæjinn á smurstöðinni hafði ekki lokað #"%"%" loftsíuboxinu, því var þjösnað í bara og ein festing af fjórum var laus ! Og bíllinn hafi verið að sjúga að hluta ÓSÍAÐ loft að hluta í 3500km!
Fyrir þá sem ekki vita getur þetta skrapað borurnar í strokkstykkinu og látið vélina fara brenna olíu, skemmt ventla og stíflað DPF með sílikötum og öðru ryki og drullu úr umhverfinu sem sótsían getur ekki brennt úr sér.
Ég hringi í þá og fæ bara svör að eigandinn sé í fríi.. og þetta sé örugglega bara drulla úr túrbínunni án þess að sýna nokkurn áhuga á að sjá loftsíuna eða finna út hvaða starfsmaður klúðraði þessu
(ég er með spes túrbínu sem ælir mold)Það er eitt að gera mistök en annað að taka enga helvítins ábyrgð á mistökum sínum!
Eigandinn kemur í fríi eftir fljótlega eftir næstum mánaðar bið fyrir mig, og læt ég ykkur vita hvernig fer. Og upplýsi hvaða staður þetta er hugsanlega, ef eigandinn svarar mér með einhverri vandlætingu.
Hafði samband við FÍB sem var mjög hjálplegt, og veita þeir góða aðstoð í svona leiðindar málum. Þeir mæla með að ég fylgist núna með hvort bíllinn sé farinn að brenna olíu.
