Tölvutek lokar verslunum

[FuriousJoe]

Sælir/Sælar, ég las rétt í þessu að tölvutek væri farið á hausinn/lokað af óviðráðanlegum ástæðum

Tekið af facebook tölvutek

Kæru viðskiptavinir,

Eftir 12 ár í rekstri þykir okkur leiðinlegt að tilkynna að af óviðráðanlegum ástæðum verða verslanir Tölvutek lokaðar frá og með 24.júní 2019.

Viðgerðir:

Starfsfólk Tölvutek verður í símasambandi næstu daga við þá viðskiptavini sem eiga Tölvubúnað í viðgerð og sér um að koma búnaði til þeirra viðskiptavina.

Pantanir:

Pantanir sem hafa verið greiddar með greiðslukorti eða Greitt.is en ekki afhentar, viðskiptavinur skal setja sig strax í samband við viðkomandi greiðsluaðila og fá færsluna fellda niður ef vara hefur ekki verið afhent eða greiðsla þegar verið felld niður.

Pantanir sem hafa verið greiddar með innleggi en ekki afhentar, eigum við von á að verði ýmist afgreiddar eða endurgreiddar inn á reikning viðkomandi. Kannaðu hvort ekki hafi verið endurgreitt nú þegar.

Ábyrgðamál:

Verið er að vinna í ferli ábyrðgarmála og verður ferli fyrir öll vörumerki tilkynnt fljótlega.

Skilaboð:

Næstu daga verður hægt að senda skilaboð í spjalli á Facebook og gerum við okkar besta til að leysa úr öllum málum.

Þetta er búið að vera einstakt ferðalag og við þökkum viðskiptavinum okkar fyrir viðskiptin og einstaka velvild í okkar garð frá upphafi, takk fyrir okkur.

Starfsfólk Tölvutek

Leiðinlegar fréttir, þekkti fólkið á bakvið þetta back in the day allt topp fólk, vann þarna í nokkur ár á Akureyri í viðgerðum.

Gangi ykkur sem best, starfsfólk Tölvutek.



Ykkar hugsanir?

[pepsico]

Ég hef aldrei verslað við verra fyrirtæki og sé heldur betur ekki eftir þeim.

[DanniStef]

Held að helsta ástæðan hafi verið að þeir hafi runnið út á v.v. auglýstu sig alltaf svo vel að þeir fengu alltaf nýja v.v. en aldrei "returning customer"
ég og flestir sem ég þekki sem hafa verslað þarna hafa aldrei farið aftur vegna shitty þjónustu.

en það er bara mín kenning og reynsla!

[SolidFeather]

Damn og ég sem er búinn að bíða eftir því að þeir fengju Fractal Design R6 gluggalausan aftur !!!

[Alfa]

En hvað verður um "Ódýrið"? Er það ekki sömu eigendur ?

[rapport]

Ég verslaði ekki mikið við þá en mun dauðsjá eftir þeim á markaðinum, er þá Ódýrið ekki farið líka?

Mig grunar að við séum að leið inn í tvísýna tíma og að mörg fyrirtæki muni sigla í strand á komandi ári.

Hugsanlega og vonandi voru forráðamenn Tölvutek með nægt vit til að skilja ekki eftir sig slóð skulda og hættu á réttum tímapunkti.

[Tbot]

Því miður héld ég að þeir hafi komið sér sjálfir í þessa stöðu.

Verslaði nokkrum sinnum hjá þeim þegar þeir voru í Borgartúni og ekkert nema fint.
Þegar þeir fluttu sig Hallarmúlann fannst mér þjónustan versna ansi hratt svo ég hætti að fara til þeirra.
Ákvað þó í fyrra að koma við til að kaupa hlut sem var til samkvæmt vefsíðu þeirra. Þegar ég kom á staðinn var hluturinn ekki til og fékk bara lélegar afsakanir vegna þessa misræmis.
Þannig að ég sá að ekkert hafði breyst og fór annað.

[brynjarbergs]

Tölvutek sáu að hin tæknifyrirtækin* voru að loka verslunum og vildu ekki vera minni menn svo þeir skelltu bara öllu klabbinu í lás!

*Advania í RVK og Origo á Akureyri

[russi]

Þetta eru leiðinlegar fréttir, við hljótum að vilja virka samkeppni og með þessu minnkar hún töluvert.
Óháð því hvað fólk segir um þá, þá hef ég bara gott um þá að segja. Verslaði töluvert við þá í gegnum vinnuna hjá mér og aldrei verið neitt vesen, það kannski hjálpar í mínu tilfelli að ég er fær að gera við allt sjálfur ef eitthvað kom uppá

[lukkuláki]

Ætli þeir skipti ekki bara um kennitölu og haldi áfram eftir nokkra daga undir nýju nafni ... það kæmi allavega ekki á óvart.

[brynjarbergs]

Ætli þeir skipti ekki bara um kennitölu og haldi áfram eftir nokkra daga undir nýju nafni ... það kæmi allavega ekki á óvart.

Alveg bókað mál!
Spurning um að henda í nafna-gisk-keppni?

[rapport]

Ætli þeir skipti ekki bara um kennitölu og haldi áfram eftir nokkra daga undir nýju nafni ... það kæmi allavega ekki á óvart.

Við ættum að sjá það strax, ef þessi vörumerki verða auglýst annarstaðar fljótlega þá er þetta for realz

[Mossi__]

Síðast þegar ég átti viðskipti við Tölvutek þurfti ég að siga Neytendasamtökunum á þá til að fá vöruna afgreidda. Þetta voru 3 mánaða barátta árið 2012 um vöru sem kostaði þá um 300.000 og tæki ætlað í vinnu.

Ég græt þá seint.

[Benzmann]

hvaða Ragequit er þetta ?

[Tbot]

Mundi segja að þetta sé hálf hallærislegt. Undir laus störf á síðunni hjá þeim.

Laus störf

Reykjavík
Sölumaður í verslun - Fullt starf eða Hlutastarf
Fjölbreytt starf sem felst í ráðgjöf við val á tölvubúnaði til viðskiptavina auk tilfallandi starfa í verslun en starfið hentar jákvæðum og þjónustulunduðum einstakling sem hefur gaman af mannlegum samskiptum.
Nýleg og góð þekking á helstu tölvuíhlutum og tölvubúnaði æskileg.
Sendið tölvupóst á starf@tolvutek.is með ferilskrá og tölvuþekkingu.


Akureyri
Tæknisinnaður sölumaður - Fullt starf eða Hlutastarf
Óskum eftir tæknisinnuðum sölumanni í tölvuverslun okkar á Akureyri í hluta eða fullt starf.
Fjölbreytt starf sem felst í ráðgjöf við val á tölvubúnaði til viðskiptavina auk tilfallandi starfa í verslun og verkstæði en starfið hentar jákvæðum og þjónustulunduðum einstakling sem hefur gaman af mannlegum samskiptum.
Nýleg og góð þekking á helstu tölvuíhlutum og tölvubúnaði æskileg.
Sendið tölvupóst á starfak@tolvutek.is með ferilskrá og tölvuþekkingu.

[akarnid]

Mér skildist að það hefðu líka verið teknar vafasamar bisness ákvarðanir, ein var að þeir hefðu verið svo vissir um að selja vel af þessum ódýru Star Wars drónum að þeir hefðu pantað gríðarlegt magn af þeim, og svo setið uppi með þá.

[techseven]

Held að helsta ástæðan hafi verið að þeir hafi runnið út á v.v. auglýstu sig alltaf svo vel að þeir fengu alltaf nýja v.v. en aldrei "returning customer"
ég og flestir sem ég þekki sem hafa verslað þarna hafa aldrei farið aftur vegna shitty þjónustu.

en það er bara mín kenning og reynsla!

Ég fékk alltaf frábæra þjónustu þarna.

[rapport]

https://odyrid.is/

Ódýrið skrapp í sumarfrí?

Er verið sé að breyta þessu í 100% netverslun?

Sé að það er ekki rekið á sömu kennitölu.

[Televisionary]

"Stærstu hluthafar Tölvuteks eru Hafþór Helgason framkvæmdastjóri með 24 prósent, Þórdís Guðmundsdóttir með níu prósent, Bragi Haraldsson með sjö prósent og Halldór Hrafn Jónsson með sex prósent."

Hver átti 54% á móti þeim?

[Dúlli]

Komin tími til, handónýtt keðja með allt of há verð og slappa þjónustu.

[Emarki]

Þetta er allt "part of the plan".

Það verður græjuð ný kennitala innan skamms og nýjir bæklingar með svaka opnunartilboð á næstunni. Þetta hefur verið rekið á mörgum kt.

Síðan þetta var Tölvulistinn fyrir mörgum árum, sem er ein snilldin þegar það var selt til heimilistækja og svo stofnaði hann annað nákvæmlega eins sem var Tölvutek. Það gæti vel verið að Ódýrið verði plan B.

Annars eru bara 3 sjálfstætt starfandi tölvuverslanir á íslandi, Tölvutækni, computer.is og Kísildalur. Tölvulistinn og att.is er sama. Tölvutek og Ódýrið það sama einnig. Ég hef alltaf stutt "litla gæjan" og hef bara verslað við þessa 3 sjálfsstætt starfandi, persónulega finnst mér Kísildalur persónulegasta verslunin þar sem að eigandinn sjálfur getur verið að afgreiða þig og tekið þig í stutt spjall.

Kv. Einar

[DaRKSTaR]

fínasta verslum, ég hef verslað allt við þá hérna á akureyri og aldrei lent í veseni.

ömurlegt að sitja eftir bara með tölvulistann, finnst það vera ein mesta drullu búð íslands og verðin þar á pari við tíu 11.

[Alfa]

Síðan þetta var Tölvulistinn fyrir mörgum árum, sem er ein snilldin þegar það var selt til heimilistækja og svo stofnaði hann annað nákvæmlega eins sem var Tölvutek. Það gæti vel verið að Ódýrið verði plan B.Kv. Einar

Skil ekki alveg hvernig þú ert að orða þetta en Tölvulistinn og Tölvutek var aldrei það sama allavega. Einn af stofnendum Tölvutek er einn af fyrrverandi eigendum Tölvulistans aftur á móti.

[Sydney]

Þetta er allt "part of the plan".

Það verður græjuð ný kennitala innan skamms og nýjir bæklingar með svaka opnunartilboð á næstunni. Þetta hefur verið rekið á mörgum kt.

Tölvutek hefur keyrt á sömu kennitölu frá stofnun 2007 til dagsins í dag as far as I know.

[GuðjónR]

Þetta kom mér verulega á óvart.