Hjólbarðaverkstæði sem herða felgubolta of mikið

[gRIMwORLD]

Sæl verið þið,

langar að athuga hjá ykkur hvort þið hafið einhvern tíman lent í veseni með að losa dekk undan bílum.

Mál með vexti að bíllinn fór í dekkjaskipti í haust og nú í dag ætlaði ég að fara í nokkrar viðgerðir á honum. Lenti í því rugli að geta með engu móti losað boltana nema með átaksskafti og eftir að hafa losað 4 bolta með þvílíkum smellum (og fengið næstum 4 hjartaáföll) þá kom að því að sá fimmti gaf sig að einhverju leiti. Náði mér í loftlykil sem hékk á boltanum en náði ekki að losa.

Skoðaði boltana sem ég náði úr og þeir voru löðrandi í feiti en engin feiti sýnileg á hausnum sjálfum. Þeir hafa því grafið sig ærlega í álfelguna.
Var að lesa mig til um þetta og á þrátt fyrir mismunandi aðferðir þá virðist almenna reglan vera sú að það er algjört NO-NO! að herða felgubolta með feiti og öflugum loftlykli.

Eru vinnubrögðin að slappast á hjólbarðaverkstæðunum?

Ég reyndi á öðru dekki og þegar ég gat ekki losað fyrsta boltann með loftlyklinum þá hætti ég.
Ætla að fara með bílinn á sama verkstæðið á mánudaginn og biðja þá fallega að losa öll dekkinn undan og gera þetta svo almennilega.

[MatroX]

ég veit t.d að N1 fer eftir michelin stöðlum og herða allt eftir herslutölum en eitt hvernig bíll er þetta sem þú ert með?

[gRIMwORLD]

ég veit t.d að N1 fer eftir michelin stöðlum og herða allt eftir herslutölum en eitt hvernig bíll er þetta sem þú ert með?

Kannski ég opni spjallið á þessari spurningu.

Með Skoda Octaviu 2002 módel. Aldrei verið vesen að losa felgurnar af áður.

[MatroX]

ég vann á dekkjaverkstæði í 6 ár og það var oft ógeðslega mikið vesen með bolta á vw og skoda oftar en ekki þurfti maður átaksskaft og hoppa á því hvort sem boltarnir voru hertir með loftlykli eða herslumælir þannig að það er því miður mjög lítið sem verkstæðið getur gert þar sem þetta er nánast alltaf svona með skoda, vw og audi, þótt það eigi ekki að botn herða bara með loftlykli þá hef ég líka séð þetta gerast þegar hert var eftir réttum herslum með mælir

[beatmaster]

Helvítis boltakjaftæði, þetta er eiginlega það minnsta sem að ég sé eftir á Skodanum mínum, þetta bítur sig alltaf rammfast, svo var ég með original álfelgur og þurfti alltaf að berja þær af með gúmmíhamri því að þær sátu líka pikkfastar á miðjunnni.

[gRIMwORLD]

Ég get skilið að þetta sæti fast eftir eitt ár eða lengur en bíllinn var í dekkjaskiptum fyrir 3 mánuðum. Auk þess eru þeir boltar sem ég náði úr löðrandi í feiti. Þar sem þetta hefur aldrei verið vandamál áður á þessum bíl áætla ég að þeir hafi verið hertir OF mikið.
Sjáum hvað þeir segja á verkstæðinu.

[rapport]

Þetta er a.m.k. góð ástæða til að fá sér Fiat, sama hvað þú reynir þá tolla þeir víst ekki saman...

Ef það er það sem þú ert að leita eftir þegar þú velur þér bíl ;-)

[Akumo]

Þetta er einfaldlega bara leti hja sumum dekkjaverkstaedum ad sleppa thvi ad nota herslulykil og nota bara loftid a thetta, ekki gott ad lenda i thessu ef thad springur hja manni.

[littli-Jake]

Ég hef nú ekki verið á mörgum verkstæðum (þrem) en ég hef nú ekki orðið mikið var við að menn séu mikið að nota herslumæla á felgurærnar neinstaðar. Vandamálið við þessa herslumæla er að þú þarft að stilla þá í hvert skipti. Ef þú skilur hann eftir í stillingu, seigjum 160N sem að mig minnir að sé fín herlsa á álfelgu, þá slappast hann og fer að sýna vitlaust, held að hann mundi þá smella úr við minna átak með tímanum en það sem hann væri beðinn um. Þetta tekur líka allt auka tíma. Hugsa að fæstar loftbissur fari mikið yfir 180N. Það bara kemur fyrir að þetta dót bíti sig fast. Ef að það á að fara að mæla allar 18-32 rærnar sem halda dekkjunum undir bílnum þarf að fara að þróa þessa felgutopa með innbigðum herslumæli (slá út í held ég 170N) þannig að það sé hægt að treysta á þá.

Menn meiga kalla þetta fúsk ef þeir vilja en ég hugsa að staðreynin sé sú að 95% af þeim felgum sem eru hertar undir séu settar á með loftbyssu og ekkert spáð meira í því en að þetta sé fast á. Og fjöldi þeirra sem lenda í teljandi vandræðum með þetta sé ekki gífurlegur. En tek það aftur fram að þetta eru bara áætlanir.

[Snorrmund]

Í þau skipti sem ég hef farið með minn bíl í Dekkjahöllina þá hafa þeir bara tillt rónnum á með lofti og tekið svo hersluna eftir mæli. Og littli-Jake það er ekki 100% rétt hjá þér með að allir átaksmælar slappist ef þeir eru skildir eftir með stillinguna "á". Mig minnir að það sé Stahlwille sem að framleiða átaksmæla þar sem að mælarnir eru ekki "spenntir" þó þeir séu skildir eftir með stillinguna á, og þar af leiðandi eiga þeir ekki að slappast með aldrinum.

[urban]

Hugsa að fæstar loftbissur fari mikið yfir 180N.

Ég hgugsa einmitt að langflestar þeirra fari langt langt yfir það.
Einhverjar eru reyndar stillanlegar, en langflestar þeirra eru að fara mun ofar en 180N

[vesley]

Hugsa að fæstar loftbissur fari mikið yfir 180N.

Ég hgugsa einmitt að langflestar þeirra fari langt langt yfir það.
Einhverjar eru reyndar stillanlegar, en langflestar þeirra eru að fara mun ofar en 180N

Hugsa að flestir ef ekki allir loftlyklar hér eru að fara yfir 180n þar sem þeir nota sama tólið til að herða og losa felguboltann.

Þau eru nú ekki mörg verkstæðin hér sem herslumæla boltana en þeim fer nú samt fjölgandi, ekki má gleyma því að ef boltinn er hertur of mikið er alveg eins góðar líkur á að búið sé að snúa gengjuna í sundur og þá getur felgan þess vegna ákveðið að yfirgefa bílinn á ferð.

[Frussi]

Ég vann á frekar stóru dekkjaverkstæði og þar var þetta alltaf hert með herslumæli

[MatroX]

Ég hef nú ekki verið á mörgum verkstæðum (þrem) en ég hef nú ekki orðið mikið var við að menn séu mikið að nota herslumæla á felgurærnar neinstaðar. Vandamálið við þessa herslumæla er að þú þarft að stilla þá í hvert skipti. Ef þú skilur hann eftir í stillingu, seigjum 160N sem að mig minnir að sé fín herlsa á álfelgu, þá slappast hann og fer að sýna vitlaust, held að hann mundi þá smella úr við minna átak með tímanum en það sem hann væri beðinn um. Þetta tekur líka allt auka tíma. Hugsa að fæstar loftbissur fari mikið yfir 180N. Það bara kemur fyrir að þetta dót bíti sig fast. Ef að það á að fara að mæla allar 18-32 rærnar sem halda dekkjunum undir bílnum þarf að fara að þróa þessa felgutopa með innbigðum herslumæli (slá út í held ég 170N) þannig að það sé hægt að treysta á þá.

Menn meiga kalla þetta fúsk ef þeir vilja en ég hugsa að staðreynin sé sú að 95% af þeim felgum sem eru hertar undir séu settar á með loftbyssu og ekkert spáð meira í því en að þetta sé fast á. Og fjöldi þeirra sem lenda í teljandi vandræðum með þetta sé ekki gífurlegur. En tek það aftur fram að þetta eru bara áætlanir.

þetta er samt svo vitlaust hjá þér flest allir loft lyklar fara frá 230 til 1000 nm t.d þeir sem ég hef notað mest frá wurth fara yfir 1000nm.

svo líka þetta með að það þurfi alltaf að stilla mælana aftur ef þú ætlar að gera þetta almennilega þá færðu þér bara sett af svona forstilltum mælum

[ljoskar]

Á verkstæðinu sem Afi átti var mér kennt að tilla bara með loftlykli, sem stilltur var á minnstu herslu (Það var hægt að stilla hersluna á honum) og svo þegar bíllinn var kominn niður var hert með alveg eldgömlum herslumæli (Sem var þó enn réttur miða við samanburð á öðrum nýjum mæli).
Hálftommu loftlyklar eru að fara upp í 400Nm (of það er sá kraftminnsti sem fæst hjá Sindra) sem er of mikið.
Hef bara áhyggjur af því að þeir sem eru að vinna á verkstæðnunum séu ekkert mikið að spá í þetta og þeim sé ekki kennt nógu vel, og að yfirmenn viti þetta jafnvel ekkert heldur.

[gRIMwORLD]

Gætum reiknað út hersluna út frá td hvað ég setti á boltana sem ég náði að losa. 70cm átaksskapt og næstum öll mín þyngd, ca 60-70 kg (ég er 75kg)

Var með þessa fínu formúlu sem reiknaði þetta fyrir mig en týndi henni svo.

[linenoise]

Sýnist þetta gætu verið auðveldlega rúmlega 400nm (0.7m x 60kg x 9.8 m/s^2).
Fer reyndar svoldið eftir því hversu mikill halli var á skaftinu. Ef hallinn var í allra mesta lagi segjum 30 gráður þá er þetta nær 350 nm.

Þetta þýðir samt ekki endilega að það hafi verið hert á verkstæðinu upp að þessu marki, eins og MatroX benti á.

[halli7]

Flestir alvöru loftlyklar í dag eru 700nm og uppúr
Hér er tildæmis einn á fínu verði
http://www.sindri.is/loftlykill-12-ibtkaac1660

[Danni V8]

Voð erum með á verkstæðinu sem ég vinn á spes framlengingar sem eru merktar eftir því hversu mikla herslu þær geta gefið. 110-120 Nm er algengasta herslutalan fyrir felgurær og bolta. Við gerðum test á þessum framlengingum með álfelgum og á þeim þurftum við að fara niður í framlenginguna merkta 100 Nm til að fá 120 Nm herslu. Á stálfelgum stemmir herslutalan við það sem er merkt á framlengingunni.

Við tókum líka test á að herða bara með loftinu en samt ekki eins mikið og það gat heldur bara eina og við héldum að væri nóg og herslumælirinn okkar sem nær uppí 250 Nm var ekki enn farinn að snúa boltanum þegar klikkið kom sem þýðir að herslan á boltanum var meira en 250 Nm eða meira en tvöfalt það sem á að vera.