Ég ákvað að senda þetta hérna inn á Koníaksstofuna strax þar sem ég var ekki að sjá frekar auðveldlega í hvaða flokki þetta ætta að vera - vona að það verði séð í gegnum fingur með það ef það var ekki rétt ákvörðun hjá mér, og að þráðarstjóri færi þennan þráð þá á viðeigandi stað.
Mig langar til að komast að því hvaða/hvernig tölvustóla þið eruð að nota, og hvernig stólum þið mælið með.
Þannig er mál með vexti að ég er að hugsa um að fjárfesta í einum almennilegum, endingargóðum og umfram allt þægilegum og "ergónómískum" tölvustól.
Sjálfur er ég með mjóbaks- og hálsvandamál, þannig að hann verður fyrst og fremst að styðja vel við þessi svæði, og helst með stillanlegum höfuðpúða.
Gott væri ef hann væri á hjólum (með bremsu, ef til er), með stillanlegu skammeli/fótahvílu, stillanlegum örmum, gott að liggja í honum og horfa á kvikmyndir/þætti, gott að sitja í honum langtímum saman og browsa/skrifa, en samt helst ekki leður-áklæðis stól. Þetta er svona það helsta sem ég er að sækjast eftir.
Ég skoða þó vissulega allt sem að varpað er fram.
Verð er ekkert atriði ( eða mjög, mjög lítið atriði ) þar sem að ég þarf að hugsa vel um hálsinn og bakið á mér ef ég á ekki að verða öryrki fyrir aldur fram.
Endingargæði og þægilegheit eru hinsvegar mikið atriði.
Spurning hvort maður þurfi "medical grade" stól ?
Með þökkum fyrirfram fyrir hvaða svör/ábendingar/linka sem að veitt eru,
LaXi
