Datt allt í einu í hug spil sem ég átti þegar ég var yngri, var nokkuð vinsælt a.m.k meðal minna vina/félaga.
Þetta voru semsagt spil í sömu stærð og venjulegur spilastokkur, en voru með myndum af farartækjum, semsagt eitt farartæki á hverju spili/spjaldi. Fyrir neðan myndina voru svo tæknilegar upplýsingar, t.d hestöfl, breidd, lengd, hámarkshraði, hröðun etc. etc.
Við strákarnir spiluðum með þetta og það virkaði þannig að maður spurði um eitthvert eitt tæknilegt atriði af hverju spili, t.d hámarkshraða og ef þitt farartæki var betra þá fékkst þú spilið hans. Sá sem endaði með öll spilin vann
Hver svona spilapakki innihélt bara ákveðinn flokk af farartækjum. Ég man að ég átti svona með F1 bílum, vörubílum, rútum, mótorhjólum ofl. ofl. Var líka hægt að fá svona með orrustuþotum og hvað eina.
Ég man ekki nákvæmlega hvenær þetta var vinsælt, líklega hef ég verið svona 10-15 ára (er '80 módel). Þetta fékkst í öllum bókabúðum og leikfangabúðum.
Ég er náttúrulega löngu búinn að glata þessu og var að reyna að rifja upp núna hvað þetta hét, man það engan veginn. Finn ekki neitt heldur á netinu með þeim leitarorðum sem mér dettur í hug ....
Kannski langsótt, en man einhver hérna eftir þessum spilum ???
