Grafa út uppfyllt rými

[g0tlife]

Sælir,

Ég hef verið að skoða teikningar af húsinu sem er á tveimur hæðum og það er þannig að 50% af neðri hæðinni er uppfyllt rými, plata á fyllingu skv. teikningu.

Ég hef enga reynslu og langaði því bara að forvitnast hvort eitthvað sé hægt að gera til þess að stækka aðeins húsið eða hvort þetta sé biluð vinna og kostnaður sem er ekki að fara skila sér þar sem þarna væru engir gluggar og mögulega lægri lofthæð.

Ef einhver hefur reynslu þá endilega deila.

[Hrotti]

Áttu teikningar af húsinu? það eru allskonar hlutir sem skipta máli í þessu, hversu mikið svæði vantar þig, hvernig er að koman fyrir vinnuvélar, liggja lagnir (skolp ofl) niður í svæðinu sem þú vilt nota, hversu þykk er steypan í plötunni yfir svæðinu ofl ofl?
Hvort þetta borgi sig fer líka eftir á hvaða svæði húsið er og hvort þú viljir búa þarna að "eilífu." Stundum er ódýrara að kaupa stærra frekar en að standa í þessu.

[vesley]

Ef að það er steypt plata þarna fyrir innan gæti jafnvel verið að rýmið sé ekki uppfyllt heldur sé það bara tekið fram.

[Langeygður]

Í flestum tilfellum er ekki hátt til lofts í svona rýmum, hef séð þau notuð sem verkfæra geymslur, pool room og svo framvegis.

[Gunnar]

veit um einstakling sem hreinsaði undan öllu einbýlishúsinu sínu og tvöfaldaði plássið sitt en það var gert í byrjun með rassgatinu og ég tók þátt þegar þetta var svona hálfnað en kláraði ekki svo ég veit ekki hvernig enda útkoman var.

Húsið var ofaná mold svo það var auðvelt fyrir hann að grafa niður nema hann hefði átt að halda áfram neðar. hann þurfti að taka niður loftið og setja falskloft til að koma rafmagni á milli og skolpi, já hann setti skolpið í loftið.
hefði þetta ekki verið gert með rassgatinu hefði hann átt að fara neðar og setja einangrun ofaná moldina svo hitinn í gólfinu væri ekki að hita upp jörðina undir plötunni og hann hefði átt að setja skolpið í plötuna líka með brunn. jafnvel eitthvað af rafmagninu en nei hann steypti hita beint ofaná mold með hitalögnum í steypunni.
svo steypti hann líka veggina beint á moldina að utan svo það er engin einangrun svo það lekur inn um veggi og þótt hann fylli uppi sprungur koma alltaf fleyri svo hann verður að elta það endalaust.
annars flott. pool herbergi, bar herbergi, bíosalur, lítil studioíbúð.

[C3PO]

Sælir,

Ég hef verið að skoða teikningar af húsinu sem er á tveimur hæðum og það er þannig að 50% af neðri hæðinni er uppfyllt rými, plata á fyllingu skv. teikningu.

Ég hef enga reynslu og langaði því bara að forvitnast hvort eitthvað sé hægt að gera til þess að stækka aðeins húsið eða hvort þetta sé biluð vinna og kostnaður sem er ekki að fara skila sér þar sem þarna væru engir gluggar og mögulega lægri lofthæð.

Ef einhver hefur reynslu þá endilega deila.

Þarft að hafa í huga að plata à fyllingu er almennt ekki sjàlfberandi. Það þíðir að það þarf að fara varlega þegar grafið er undan plötunni og stoða með reglulegu millibili og svo mögulega að styrkja plötuna. Best að fà fagman til að skoða með þér teikningar og fara yfir mögulegan kostnað.

[Uncredible]

Getur byrjað að bora inní rýmið og athuga hvort það sé fyllt með því að nota sérstaka myndavél. Það þarf ekki að hafa verið fyllt og það gæti einnig bara verið fyllt að hluta.

Til þess að vera öruggur er samt best að fá fagmenn með sér í lið þeir sem hafa reynslu af þessu.

[gRIMwORLD]

Ekki gleyma því að svona breyting á húsnæði þarfnast samþykkis og líklega þarf að borga eitthvað fyrir stækkun á pappír.
Ef þú byrjar án þess að fá samþykki gætir þú í worst case scenario þurft að fylla í aftur.

[rapport]

Er ekki fagmaður en sé fyrir mér:

1) Fá hönnuð til að meta hvort að núverandi hönnun plötu sé nægileg m.t.t. burðar (held að það hljóti að vera) sökkull nýtir ekki púða sem burð (held ég).

2) Hanna breytinguna, sækja um byggingarleyfi og finna byggingarstjóra (sem getur líka verið verktakinn á svona litlu verki .. held ég)

3) Uppfæra skráningu (eru sér vísindi) - https://www.skra.is/library/Samnyttar-s ... ,00_v2.pdf

4) Lifa og njódda.


Hef heyrt af fólki sem hefur gert virkilega góða hluti úr svona í húsum frá c.a. 60-70, jafnvel uppundir 80. Sagan segir að það var eitthvað "lánahámark" tengd rúmmetrum og útsjónarsamt fólk byggði með þessum hætti með það að markmiði að geta stækkað húsið seinna, grafið út rými sem höfðu verið fyllt og þá ekki verið talin með í lántökudæminu.