Acer enn að selja Rússum

[rapport]

https://www.ukrinform.net/rubric-econom ... uters.html

Þetta þykir mér einstaklega lélegt og líklegt til að koma fyrirtækinu í bobba.

[Trihard]

Þeir flytja inn allt draslið sitt í gegnum öll lönd sem eru ekki í Evrópu.
Þeir eru með aðgang að öllum helstu vestrænu merkjunum, eitt land sem er hliðhollt Evrópu og Rússum undir borðinu nægir til að halda þessu gangandi.

[appel]

Heimskulegt. Acer er svona dæmigert fyrirtæki sem gæti verið stútað á einum degi, að þeir séu að selja rússum er einsog að taka inn eitur. Ef BNA og Evrópa bannar Acer, í öllu, í fjármálakerfinu, í innflutningi, í tækni, í öllu, þá er þetta fyrirtæki ekki til daginn eftir.
Aldrei keypt Acer vörur, mun aldrei gera það.

[bigggan]

I Evropu er farið að hætta að selja vörur frá Mondelez, mikið af salgæti og matvæli herna er framleit undir þeim. Og þau eru á fullu að selja vörur til Ruslandi...

[rapport]

Þeir flytja inn allt draslið sitt í gegnum öll lönd sem eru ekki í Evrópu.
Þeir eru með aðgang að öllum helstu vestrænu merkjunum, eitt land sem er hliðhollt Evrópu og Rússum undir borðinu nægir til að halda þessu gangandi.

Fréttin er um að Acer sé að selja beint til Rússlands, ekki einhverjir heildsalar.

M.v. að Rússa sárvantar örgjörva ofl. til að nota í alskonar vopn þá finnst mér þetta á öðru leveli ömurlegt af þessu fyrirtæki.

Hef sjaldan orðið jafn pirraður að lesa frétt um aðila hliðholla Rússum.

[GuðjónR]

I Evropu er farið að hætta að selja vörur frá Mondelez, mikið af salgæti og matvæli herna er framleit undir þeim. Og þau eru á fullu að selja vörur til Ruslandi...

https://www.mbl.is/frettir/erlent/2023/ ... i_kuldann/

[agnarkb]

I Evropu er farið að hætta að selja vörur frá Mondelez, mikið af salgæti og matvæli herna er framleit undir þeim. Og þau eru á fullu að selja vörur til Ruslandi...

Er kvart-norskur og hef verið að fylgjast með boycottinu á Freia (sem er í eigu Mondelez) og fleiru í Noregi. Bara þar eru risafyrirtæki á borð við SAS og Norwegian að slíta öllum viðskiptum við þá, og það munar um það svo þetta er ekkert aumingja boycott eins og oft er.
Ef svipuð fyrirtæki í EU eða USA hætta viðskiptum við Acer þá eru þeir í miklum vandræðum. Annar vinkill er svo að Acer er í Taiwan - sem er í miklum ágreiningi við Kína sem er mjög pro Putin. Spurning hvort yfirvöld þar grípi inn í?

[nidur]

Skil ekki svona boycott aðgerðir sem beinast að almennum borgurum í Rússlandi.
Af hverju er svona mikið hatur á einstaklinga sem fæðast í Rússlandi.

[Gunnar]

Skil ekki svona boycott aðgerðir sem beinast að almennum borgurum í Rússlandi.
Af hverju er svona mikið hatur á einstaklinga sem fæðast í Rússlandi.

Þetta er ekki ætlað til að beinast að almennum borgara í Rússlandi heldur að ríkisstjórn Rússlands.
Og þar sem þetta hefur áhrif á almennan borgara lætur þau ekki vera hrifin af ríkisstjórninni sinni sem lætur þau þrýsta á ríkisstjórnina sína.

[appel]

Skil ekki svona boycott aðgerðir sem beinast að almennum borgurum í Rússlandi.
Af hverju er svona mikið hatur á einstaklinga sem fæðast í Rússlandi.

Rússar eru að nota svona tölvubúnað til að framleiða vopn, t.d. dróna. Finnst mjög eðlilegt að loka á það.

[Dr3dinn]

Rólegir á æsingnum, enn íslensk fyrirtæki að selja fisk, búnað og skip í gegnum Tyrkland, kýpur og möltu til Rússlands.

Það verða alltaf til nóg af fyrirtækjum sem fara bakdyraleiðir.

Þessar takmarkanir eru bara loftið.

[Njall_L]

Rólegir á æsingnum, enn íslensk fyrirtæki að selja fisk, búnað og skip í gegnum Tyrkland, kýpur og möltu til Rússlands.

Það verða alltaf til nóg af fyrirtækjum sem fara bakdyraleiðir.

Þessar takmarkanir eru bara loftið.

Source? Eða er þetta bara ég heyrði og held?

[nidur]

Og þar sem þetta hefur áhrif á almennan borgara lætur þau ekki vera hrifin af ríkisstjórninni sinni sem lætur þau þrýsta á ríkisstjórnina sína.

Þessi setning staðfestir það sem ég var að benda á.

Rússar eru að nota svona tölvubúnað til að framleiða vopn, t.d. dróna

Almenningur í Rússlandi notar pottþétt eitthvað af vestrænum tölvubúnaði og eflaust yfirvöld, en þeir eru með sína eigin cpu/mb sem eru notuð í tölvur og vopnaframleiðslu.

Þið eruð allavega ekki búnir að sannfæra mig um að þetta sé ekki gegn almenning.
Viðskiptabönn hafa alltaf mest áhrif á almenning, alveg sama hvaða land það er.

Svo er í lagi að kaupa uranium og demanta frá Rússlandi þrátt fyrir 11-12 viðskiptabannspakka. Þetta er bara djók.

[Nariur]

Rússneska ríkisstjórnin starfar í umboði almennings. Stríðið í Úkraínu er á ábyrgð Rússa sem þjóðar.

[nidur]

Rússneska ríkisstjórnin starfar í umboði almennings. Stríðið í Úkraínu er á ábyrgð Rússa sem þjóðar.

Rússland er þá eina ríkið sem er ábyrgt fyrir stríðinu og það réttlætir efnahagsstríð vestrænna landa gegn almenningi þar.

[Moldvarpan]

Rússneska ríkisstjórnin starfar í umboði almennings. Stríðið í Úkraínu er á ábyrgð Rússa sem þjóðar.

Rússland er þá eina ríkið sem er ábyrgt fyrir stríðinu og það réttlætir efnahagsstríð vestrænna landa gegn almenningi þar.

Hver annar er ábyrgur fyrir að ráðast inn í nágrannaríkið Úkraínu?

Ég hafði enga sérstaka skoðun á rússum fyrir þetta stríð, en mér finnst þetta stríð hafa afhjúpað hversu villimannslegt rússneskt eðli er.

Mér finnst rétt að einangra þá, því með þessari villimannslegu hegðun á þetta land lítið sameiginlegt með öðrum siðmenntuðum þjóðum.

[Moldvarpan]

æjj kom double post.

[Dr3dinn]

Rólegir á æsingnum, enn íslensk fyrirtæki að selja fisk, búnað og skip í gegnum Tyrkland, kýpur og möltu til Rússlands.

Það verða alltaf til nóg af fyrirtækjum sem fara bakdyraleiðir.

Þessar takmarkanir eru bara loftið.

Source? Eða er þetta bara ég heyrði og held?

Án þess að ætla bera ábyrgð eða fá dv til að hringja í mig, þá veit ég eitt af þessum atriðum 100%.

Svara ekki fleiri commentum.

[nidur]

enn íslensk fyrirtæki að selja fisk, búnað og skip í gegnum Tyrkland, kýpur og möltu til Rússlands.

Fyrir þá sem fylgjast með þá er þetta alveg vitað. Viðskipti í báðar áttir.
Grikkland t.d. mjög duglegir að selja 49% blandaða rússneska olíu til evrópu.

Það er til svo mikið af Iphone í Rússlandi að hann er 10-15% ódýrar þar en í evrópu í mai.

[Nariur]

Rússneska ríkisstjórnin starfar í umboði almennings. Stríðið í Úkraínu er á ábyrgð Rússa sem þjóðar.

Rússland er þá eina ríkið sem er ábyrgt fyrir stríðinu og það réttlætir efnahagsstríð vestrænna landa gegn almenningi þar.

Já.

Á meðan rússneskur almenningur stendur á bak við stríðsglæpi og þjóðarmorð á hann mun meira skilið en efnahagslegan þrýsting.
Þau ættu mögulega að fá sýnishorn af því sem þau eru að gera nágrönnum sínum.

[rapport]

Ég er a.m.k. á þeirri skoðun að stjórnvöld versli ekki vörur frá fyrirtækjum sem verða uppvís að svona spillingu.

Það væri ömurlegt ef íslenskt skattfé færi í að aðstoða Rússland í þessu stríði.

Skiljanlega þarf að eiga einhver viðskipti við Rússland með nauðsynjavörur, lyf, matvörur og einhverja orku EN að sjálfsögðu ætti að reyna að versla annarstaðar fyrst.

Í Írak á sínum tíma var innflutningur á lyfjum bannaður og þær hörmungar ættu aldrei nokkurntíman að endurtaka sig í mannkynssögunni, að það hafi þurft að gera skurðaðgerðir án svæfingar á almennum borgurum, að almennar sýkingar sem einfalt hefði verið að meðhöndla með sýklalyfjum hafi valdið dauða og örkumlun o.s.frv.

Það voru ein verstu mannréttindabrot á síðari tímum en ágreiningur er um hvort að það hafi verið USA að kenna eða þeim stjórnvöldum sem vildu ekki sleppa tökum á landinu og héldu stríðinu endalaust gangandi með tilheyrandi hörmungum fyrir þjóð sína.

[GuðjónR]

Ég veit ekkert hvað er að marka enda áróður allsstaðar og það fyrsta sem fer í stríði er sannleikurinn.
En maður hefur ítrekað lesið að olía flæði frá Rússlandi sem aldrei fyrr til Saudi Arabíu og þaðan aftur til Evrópu og annað á margfalt hærra verði.
Einnig sé rússneskt gas ennþá flutt í stórum stíl í gegnum Úkraínu og þeir þar með að styðja við rússa gegn sér.
Svo veit maður ekkert hvað er til í hverju, hver sprengdi Nordstream? Hver sprengdi stífluna um daginn?
Eftir Covid þvæluna og bóluefnasblekkingarnar þá er maður hættur að gleypa vestrænan áróður án gangrýnar hugsunar eins og úlfur gleypir hrátt kjöt.

https://www.euronews.com/my-europe/2023 ... -naftogaz-

https://www.hellenicshippingnews.com/ru ... to-europe/

[rapport]

Eftir Covid þvæluna og bóluefnasblekkingarnar

Úff... efni í annan þráð en covid sannarlega drap fólk í hrönnum og bóluefnin sannarlega virka...

Það væri draumur að geta sleppt öllum viðskiptum við Rússa en það er ekki hægt en þá er um að gera að eiga sem minnst viðskipti við þá.

Eins og ég sagði áður, að opinberir aðilar ættu að ekki að geta eða í það minnsta forðast það að eiga viðskipti við fyrirtæki sem hafa brotið gegn viðskiptabönnum, sama hvaða viðskiptabönn það eru.

[nidur]

Hugsunin er orðin eitthvað brengluð þegar fólk er sátt við meiri dauðsföll á almennum borgurum í Úkraínu, Rússlandi eða annarstaðar.

Held að það sé nokkuð ljóst að þessar viðskiptaþvinganir eru ekki að virka neitt, rússar höfðu síðan 2014 til að undirbúa sig, sáu í hvað stefndi.
Þeir sem eru með þessar þvinganir tapa.

Evrópa komin í kreppu, USA líklega á leiðinni í kreppu og svo er IMF að gefa út jákvæðar framtíðar horfur á efnahag rússlands.

[appel]

Rússar eru með brenglaða heimsmynd, telja sig stórveldi, en eru ekki það. Einstaklega fámennt land miðað við stærð landssvæðis, lífskjör margra rússa eru enn á 19. öldinni, enginn hátækniiðnaður eða tækniþekking í þessu landi, heibrigðiskerfið einsog í þriðja heims löndum, ekkert vegakerfi af marki (þessvegna flytja rússa allan herbúnað á lestum). Þetta er einstaklega brengluð þjóð með brenglaða leiðtoga.

En ef menn eru að verja rússa þá verða þeir að átta sig á því hvað þeir vilja, þeir vilja alla austur evrópu aftur innan sinna vébanda, stjórna þeim allavega einsog "puppet states". Ef menn hafa samúð með því þá verði þeim að góðu.

Eina sem er hægt að gera er að fara í hart á móti slíku. Þá tel ég að það ætti að hætta að selja rússum allt, lyf og hvaðeina, og hætta einnig að veita þeim þjónustu í gegnum tæknifyrirtæki einsog Microsoft, Apple, Google o.fl., t.d. einsog að veita þeim Windows uppfærslur, veita þeim þjónustu í iCloud, held að það eigi að enforca tech blackout gagnvart rússlandi, slökkva á öllum þessum búnaði. Annað er að veita rússlandi styrk til að halda þessu stríði áfram.
Afhverju má sjávarútvegsfyrirtæki á Íslandi ekki eiga í viðskiptum við rússland en þessi tæknifyrirtæki mega það?