Hreinsa og/eða gera við magnara.

[audiophile]

Gott kvöld!

Þannig er mál með vexti að ég er með tvo magnara í eldri kantinum, einn stereó magnara og einn 5.1 magnara. Þeir hafa verið lítið notaðir síðustu ár og verið í geymslu. Þeir eru báðir með svipað vandamál sem lýsir sér þannig að önnur rásin verður hljóðlátari en hin og stundum smá skruðningur. Þetta er ekki alltaf sama rásin og þetta lagast oftast við að hækka snögglega. Er oftast að hlusta á frekar lágum hljóðstyrk.

Nú þykir mér líklegt að hreinsun og mögulega einföld útskipti á einhverjum íhlutum myndi kannski bjarga þessu eða hvað? Mig minnir að það séu einhverjir fróðir menn hér og jafnvel rafeindavirkjar sem gætu bent mér á einhvern sem gæti tekið að sér að gera upp svona magnara helst fyrir lítinn pening?

Væri allavega til í að koma öðrum magnaranum í gott stand því hann er þrusu góður og keypti mér nýjan ódýran Sony magnara til að koma í hans stað en það er bara steindautt og sterílt hljóðið i nýja magnaranum miðað við gamla kvikindið.

Magnararnir sem um ræðir er Kenwood KA-5090R og hinn er NAD AV-716 og hátalararnir eru Dali 505.

Takk fyrir áheyrnina.

[brain]

Myndi fara með í Són
http://sonn.is/

Þetta ætti að vera hreinsun á stillum og rofum.

[Hauxon]

Það fyrsta sem ég myndir gera er að sprauta contact spreyji inn í pottana (volume/treble/bass/balance osfrv). Miðað við hvernig þú lýsir þessu er það mögulega ástæðan.

Annar möguleiki er að þéttar séu að þorna upp. Til þess að laga það þarftu að hafa smá reynslu með lóðboltann.

Mæli með að taka YouTube rúnt áður en þú ferð að gera eitthvað.

[Viktor]

Þarft að setja nýtt viðnám sem stillir hljóðstyrkinn

https://www.ebay.com/sch/i.html?_nkw=au ... eo&_sop=12

Getur tengt framhjá viðnáminu og haft hæsta styrk þangað til.

Stillir þá hljóðstyrkinn í tækinu sem spilar hljóðið.

[Moquai]

Myndi alls ekki tengja framhjá neinu viðnámi, keyptu contact spray sem er með smá olíu og snúðu stilliviðnámunum í lægsta og hæsta eins oft og þú nennir, klára svo með olíulausu contact sprayi eða bremsuhreinsi af hæstu gæðum(skilur ekkert eftir)

[audiophile]

Takk fyrir góð svör!

Held að ég byrji á að prófa contact spray. Eru einhver sem þið mælið með umfram önnur og hvar myndu þau fást?

Svo á ég lóðbolta einhversstaðar í geymslunni ef kæmi til þess.

Vona allavega að ég komi þessu einhvernveginn aftur í gagnið því mér hreinlega brá hvað Sony magnarinn er þunnur og dapur miðað við NAD magnarann þrátt fyrir að hafa fengið góða dóma og nægt afl samkvæmt speccum. Ætli maður fái ekki það sem maður borgar fyrir

[Sinnumtveir]

Takk fyrir góð svör!

....
Ætli maður fái ekki það sem maður borgar fyrir

Með talsverðum frávikum hér og þar en ekki síst: upp að vissu marki

[Tbot]

Takk fyrir góð svör!

Held að ég byrji á að prófa contact spray. Eru einhver sem þið mælið með umfram önnur og hvar myndu þau fást?

Svo á ég lóðbolta einhversstaðar í geymslunni ef kæmi til þess.

Vona allavega að ég komi þessu einhvernveginn aftur í gagnið því mér hreinlega brá hvað Sony magnarinn er þunnur og dapur miðað við NAD magnarann þrátt fyrir að hafa fengið góða dóma og nægt afl samkvæmt speccum. Ætli maður fái ekki það sem maður borgar fyrir

Getur pantað að utan eða prófað t.d. Íhluti í Skipholti.

[jonsig]

Var mikið að gera upp marantz þegar ég var í skólanum.

Venjulega gerir contact spray eitthvað. En ég færi varlega í að keyra upp gamla magnara nema þú vitir hvað þú ert að gera.
Sérstaklega ef þetta eru magnarar sem þarf að stilla útgangana á magnaranum (Quiescent current)

Annars færðu þetta aldrei vel gert fyrir lítinn pening. Jafnvel sónn geta verið að flýta sér ef þetta á að vera budget.

Ef þú ætlar að gera þetta sjálfur þá er þetta ágætis apparöt til að æfa sig á. Amk auðvelt að ná íhlutum uppúr þessu. Allavegana töluvert skemmtilegra en að draga solid state þétta uppúr 8-10 laga pcb með 0.2mm clearance á víunum sem tht componentarnir lóðast í.

Slæmu fréttirnar eru að flest af þessum lóðboltum, tinsugum og lóðtin á Íslandi eru bölvað sorp. Og auðvelt að skemma treisa með því. En þá lærir þú kannski trace repair.


Alltaf vera með aðra hendina í vasanum ef þú ert að vesenast í bulk þéttunum (afgárunarþéttar) . Bögg að fá í sig 320VDC, þeir geta verið hlaðnir í margar klst. Og ekkert sniðugt að afhlaða þá með skrúfjárni eins og margir proffarnir gera á youtube

[EinnNetturGaur]

[quote="jonsig"]Var mikið að gera upp marantz þegar ég var í skólanum.

Venjulega gerir contact spray eitthvað. En ég færi varlega í að keyra upp gamla magnara nema þú vitir hvað þú ert að gera.
Sérstaklega ef þetta eru magnarar sem þarf að stilla útgangana á magnaranum (Quiescent current)

hverjir eru að selja contact spray? er í sama vandamáli og OP ætla prófa spreyja græuna með contact spreyi til að byrjameð veit bara ekki hverjir eru að selja þetta lengur þar sem það eru þó nokkur ár síðan ég var að læra um rafmagnið.

[hagur]

Þú færð contact sprey á ihlutir.is

[jonsig]

IPA sprey á kúk og kanil í kemi.is IPA er standardinn í framleiðslu á rafeindabúnaði.

Nota oft berner eða wurth bremsuhreinsi á rafbúnað.
Svosem ekkert sniðugt að nota bremsuhreinsi nema maður skilji innihaldslýsinguna. Sumir bremsuhreinsar eru mjög agressívir á plastefni.