Pabbi reynir sitt besta

[Eldvorp]

Ég lofaði tölvum á drengina mína fyrir jólin.
Þeir eru að verða 9 og 10ára.

Þeir hafa spilað soldið með pabba sínum á PC en annars bara console.

Hvorki ég né drengirnir erum vissir hvort þetta ættu að vera fartölvur eða desktop.

Þeir eru að spila Fortnight o.fl

Ég þótti einu sinni kúl með 1070 kort en það segir kannski til um hversu lengi ég er búinn að vera "out of the game".

Fyrir pabba sem er á budget, eru þið með einhverjar tillögur að vélum?

[daremo]

Skv vefsíðu Epic Games (sem bjó til Fortnite) þarf afskaplega lítið afl til að keyra þennan leik.

Þú getur keypt nánast hvað sem er.. Laptop eða turntölvu, svo lengi sem það er AMD eða Nvidia skjákort. Innbyggð Intel skjákort duga því miður skammt fyrir leiki.

Ódýrustu turntölvupakkarnir á t.d. att.is, computer.is eða kisildalur.is ættu að duga.

Svo fer þetta bara eftir því hversu miklir pabbastrákar þeir eru og hve miklu þú vilt eyða í þá..
Dýrari tölvur = betra performance í leikjum og betri pabbi

[Mossi__]

Skvo.

Þegar þú segir budget.. á hvað erum við að horfa samanlagt?

[Eldvorp]

Budget... ég veit ekki hverju ég á að ljúga að sjálfum mér. 150-200k.kr

Ég mætti standa betur fjárhagslega, eins og margir aðrir pabbar.

[blitz]

Þú ættir að geta nælt þér í hörkufína vél ef þú fylgist með notuðum vélum hérna á sölusíðunum fyrir 150-200k.

[TheVikingBear]

Er verið að ræða 150-200k fyrir 2 vélar saman eða fyrir sitthvora vélina ?

[appel]

Sýnist budget fyrir tvær vélar.

[Eldvorp]

Já afsakið, það er því miður magurt budget fyrir tvær vélar. Þakka ykkur.

[Moldvarpan]

Þá er bara eitt í stöðunni, kaupa notað af vaktinni.
Koma reglulega fínar leikjavélar á ca 100k

[appel]

Jamm, færð aldrei neitt ásættanlegt nýtt.

Hérna er dæmi um PC vél sem matchar budgetið, en er því miður seld:
viewtopic.php?f=11&t=92124

Reyndu bara að fylgjast vel með hérna.

[TheVikingBear]

Já afsakið, það er því miður magurt budget fyrir tvær vélar. Þakka ykkur.

Sendu mér PM skal skoða hvort ég finni eitthvað nothæft fyrir þig

[rapport]

Dóttir mín er með PS4 og spilar Fortnite nokkuð easy, er með heyrnatól og maður komst fljótt að því hversu kjaftfort kvikindið var eftir að hún fékk vélina. Hef án djóks farið inn til hennar og sagt henni að tala ekki svona við vini sína eða fólk almennt.

Eitt er að kaupa tölvuna svo er það lvl.2 að gera þetta skemmtilegt fyrir krakkana.

Kaupa leikjaheyrnatól (tengd við fjarstýringuna í PS4) + Auka fjarstýringar, hleðsludokku og Playstation áskrift til að komast í að spila online.

Svo fékk hún 32" Android TV inn í herbergið og þá var allt í einu herbergið líka meira notað með vinum til að chilla, Netflix, Disney+ ofl. sem er svo auðvelt í Android TV

Fyrir þetta budget er hægt að græja 2x tv og PS4 eða 1x PS5 og þá stærra TV.

[Eldvorp]

Jà, mig langar bara að koma strákunum inn í PC frekar. Fyrir mig er PS er ekki ósvipað og skyndibiti, með PC langar mig að halda að ég geti kennt þeim hugtök í matreiðslu. Annars getur verið að það sé rangt.

Þeir hafa bara sýnt PC mikinn áhuga upp á síðkastið og mig langar að rækta það meðan tækifæri gefst. Rækta nýja kynslóð af PC peyjum.

[rapport]

Jà, mig langar bara að koma strákunum inn í PC frekar. Fyrir mig er PS er ekki ósvipað og skyndibiti, með PC langar mig að halda að ég geti kennt þeim hugtök í matreiðslu. Annars getur verið að það sé rangt.

Þeir hafa bara sýnt PC mikinn áhuga upp á síðkastið og mig langar að rækta það meðan tækifæri gefst. Rækta nýja kynslóð af PC peyjum.

Það er líka flott sjónarmið og flott project.

En er þá ekki betra að þetta séu borðtölvur sem hægt er að upgade-a en ekki lappar sem úreldast bara?

[appel]

Getur líka verið sniðugt að sýna þeim innviði tölvunnar, taka eitthvað virkandi hræ í sundur og setja aftur saman. Segja þeim að farsímar og þvíumlíkt virki alveg eins, er bara smærra.

[Eldvorp]

Já ætla einmitt að byrja á því, til að fá þá til að pæla í íhlutunum og heildinni.

[Moldvarpan]

Þetta væri þá t.d. fín byrjun fyrir þá að fikta.

https://spjall.vaktin.is/viewtopic.php?f=11&t=92171

[gRIMwORLD]

Er sjálfur með einn 11 ára sem er með eldheitan áhuga á Fortnite og Roblox og vill alltaf að pabbi gamli kenni sér og komi sér inni í allt sem viðkemur tölvum. Setti td saman gamla vél frá 2004-5 með honum um daginn og það fannst honum geggjað í ca 15 mínútur haha.
Með console gaming er auðveldara að halda aftur af honum og leyfa honum að njóta, þegar hann kemst í PC byrjar suðið um að komast á Discord og vilja streama á Youtube og Twitch ofl, það er bara scary tilhugsun hahaha.
Gangi þér vel með þetta hvernig sem þetta leysist

[audiophile]

Flott framtak hjá þér . Er einmitt að setja saman fyrir guttann minn sem er 11ára og það verður i7 4770, 8gb og 1080 kort. Ætlaði að láta 1060 eða 1070 duga en fann engin þegar ég var að leita. Ætti að duga fyrir Roblox og Minecraft og kostaði mig um 50þ. Fékk allt notað hér á Vaktinni.