Rakamælir

[moltium]

Halló öllsömul.

Mig langaði aðeins að forvitnast til þeirra sem eru með rakamæla heima hjá sér hvernig þeirra reynsla er og hvaða mæla er verið að nota, hvort þið mælið með eða ekki. Hvort það er eitthvað sem ber að varast (merki, staðsetningar á rakatæki t.d.) eða er algjör leikbreytir.

Fyrirfram þakkir.

[Viktor]

Myndi bara leigja svona rakamæli og hitamæli https://byko.is/thjonusta/leiga/leiguvorur/maelitaeki

[Gislinn]

Ég geri ráð fyrir að þú sért að hugsa um loftrakamæli en ekki mæli til að rakamæla veggi, gólf og loft.

Er með Aqara hita og rakamæla í öllum herbergjum, þeir hafa verið að virka frábærlega. Þú vilt reyna að staðsetja þá þannig að þeir séu í ca. 1.5 m frá gólfi á innveggjum. Þeir mega ekki vera staðsettir þannig að loftflæði sé takmarkað (t.d. í hornum, í lokuðum hillum, bakvið eða undir hlutum o.s.fr.) og ekki of nálægt hurðaropum. Ég panta Aqara mælana af AliExpress og er með alla mælana hjá mér tengda inn á Home Assistant í gegnum Zigbee usb kubb og læt Home Assistant senda skilaboð í símann ef raki er orðin of hár eða lágur þannig ég geti brugðist við ef þörf er á.

Ef þú ert að tala um rakamæli til að mæla í byggingarhlutum (þ.e. ekki loftraka) þá mæli ég með Testo mælunum. Ég vann við rakamælingar og á Testo 616 og Testo 606, þeir hafa virkað mjög vel en borgar sig ekki að eiga þá ef þú ert bara að nota stöku sinnum fyrir þig sjálfann. Betra þá frekar að leigja þá þegar þú þarft á þeim að halda.