Unraid fyrir Plex server?

[Krissinn]

Gott kvöld.

Hefur einhver reynslu af því að keyra Plex server á Unraid OS-inu? Langar helst að eiga möguleika á því að geta bætt við geymsluplássi eftir þörfum m.a, svo væri það ekkert verra ef t.d þetta OS væri User friendly Hef gefist upp á TrueNas og er semsagt að hugaleiða það að velja annað þægilegra OS. Ef þið eruð að nota annað en Unraid, sem býður þó upp á það sem ég nefndi þá væri gott að fá hugmyndir. Með fyrirfram þökk

[TheAdder]

Sem TrueNAS notandi, þá langar mig að spyrja hvað veldur því að þú gafst upp á því?
(Ég er enginn sérfræðingur, bara áhugasamur notandi)

[battleship]

Já, keyri mitt plex af unraid, ekkert vesen hingað til. Það eina er að ég er ekki með skjákort fyrir efni sem þarf að transcode-a svo það veldur stundum flöskuháls, en það kemur ekki oft fyrir. Hjá mér er þetta sett up sem docker gámur sem er auðveldur í viðhaldi og uppfærslum.

[Krissinn]

Sem TrueNAS notandi, þá langar mig að spyrja hvað veldur því að þú gafst upp á því?
(Ég er enginn sérfræðingur, bara áhugasamur notandi)

T.d fyrst núna er ég loksins að komast inn á SMB/Network share-ið, búið að vera niðri síðan ég veit ekki hvenær. Hef ætlað að setja inn nýtt efni en ekki getað það Það var kominn uppfærsla sem ég keyrði inn í gærkvöldi og eftir nokkur restart og ves þá hrökk þetta loksins í gang.... Fyrsta sem ég gerði var að byrja að afrita allt safnið, og er enn að. 7-9-13 að þetta lokist ekki aftur allt í einu Svo er skilst mér ves að bæta við geymsluplássi, Er fyrir löngu búinn að setja auka HDD sem ég ætlaði að hengja við Plex söfnin til að fá meira pláss en það hefur ekki gengið.

[Predator]

Helsti mínusinn sem ég rak mig á þegar ég var að skoða þetta var að unraid gat ekki tekið við hörðum diskum sem eru með efni nú þegar heldur þarf að formata diska þegar þeir eru settir upp. Endaði á að nota proxmox sem hypervisor og keyra þetta í docker/ubuntu VM. Nota svo snapraid og mergefs til að halda utan um diskana. Er að nota Intel Quicksync fyrir Transcoding en er með of gamlan örgjörva til að transcoda 4K efni.

[MrIce]

Ég er að nota unraid fyrir plex vélina hjá mér og hef ekkert nema gott að segja um þetta, þægilegt viðmót og allt virkar eins og það á að virka (do note : er bara að runna plex & torrent client á þessu). Þetta hefur virkað skothelt fyrir mig, en hef ekki ennþá þurft að bæta diskum við þannig að ég get ekkert sagt hversu mikið vesen (or not) það væri

[BO55]

Ég mæli með að prófa Stablebit Drivepool og Scanner. Frábært combo sem gerir það sem þú ert að spyrja um. Keyrir á Windows.
Búinn að nota þetta í mörg ár. Skíteinfalt og klikkar ekki.

[Dropi]

Ég er með Sonarr, Radarr, Transmission og PLEX á mínum UnRaid. Það hefur gengið svo vel að ég er alveg í skýjunum með það. Keypti Basic license og er með 5 diska eins og er.

Þetta hefur virkað skothelt fyrir mig, en hef ekki ennþá þurft að bæta diskum við þannig að ég get ekkert sagt hversu mikið vesen (or not) það væri

Það er ekkert mál, stoppar bara arrayið og configurar það upp á nýtt. Ég var að færa til diska og skipta um parity drif og það var easy peasy. Vera bara duglegur að nota Moverinn eða docker sem heitir krusader til að passa að gögn á disknum sem þú ert að taka úr séu örugglega farin yfir á annan disk.

Mæli sérstaklega með því að hafa einhvern SSD cache disk. Ég er með tvo gamla 120GB SSD - einn cache og einn sem heldur utanum litlar skrár sem ég vil hafa meiri hraða á eins og leikjaserverar og þannig. Seinna fer ég í stærri SSD diska en þessir duga flott þangað til.

[sigurdur]

Ég setti upp Unraid fyrir 8 árum á Xeon server sem er að verða 13 ára í vetur. Er núna að keyra Plex, Sonarr, Radarr og SABnzbd, Unifi controller og eitthvað fleira í Docker. Var upphaflega með 4x 2TB diska og 3-4 minni diska en uppfærði parity diskinn í 4TB fyrir ca 3 árum og hef uppfært diska af og til með 4TB þegar þeir eru orðnir of gamlir eða mig vantar pláss.

Er núna með 1x120GB SSD disk sem cache. Fann mikinn mun á því.

Fínir tékklistar til á Unraid vefnum ef maður þarf að stækka parity disk eða bæta við/skipta út diskum. Hefur ekki slegið feilpúst í þessi 8 ár.

Bætti við 1050Ti korti í fyrra fyrir transcoding í Plex. Það er fínt til að taka loadið af örgjörvanum.