Löng röð á kassana. Hver maður var að borga með ferðagjöfinni, eða reyna það að minnsta kosti. Margir, ég þar á meðal, voru að reyna hvað þeir gátu að kaupa fyrirframgreitt bensínkort fyrir 5.000 krónur. Allir voru jafn ringlaðir að frétta að bensínkort fyrir allar upphæðir voru löngu uppseld vegna óvæntrar eftirspurnar þennan síðasta dag ferðagjafarinnar. Það var tilgangslaust að kaupa bensín á brúsa enda færi meirihluti peningsins í að kaupa brúsana. Í flýti komst ég að því hvaða bensínstöðvar væru opnar svona seint og hringdi beint í N1 á Hringbraut. Þar voru til örfá 10.000 króna kort - allt annað uppselt.
Ég endaði á að fara heim, enda var síminn líka að verða batteríslaus. Gúglaði á ljóshraða hvaða stað sem er sem tæki við ferðagjöf í gegnum vefverslun. Fann eitt fyrirtæki á norðurlandi sem seldi gjafabréf og bauð upp á að klára málið á netinu - var fljótur að ganga frá pöntuninni. Og svona endaði ferðasumarið 2020 hjá mér. Seint í maí, smá úði, en furðuhress með að ríkið sé að eyða peningum í ábyrgðarlausan vitleysing eins og mig.
