Hvaða upplýsingar sjá útgefendur iOS appa í AppStore um notendur?

[Njall_L]

Er einhver hér sem er iOS dev eða sér um iOS app í AppStore og er til í að deila hvað þau sjá um þá aðila sem sækja appið þeirra? Mér gengur erfiðlega að finna beint svar um þetta á Google.

Af hverju spyr ég? Í síðustu viku sótti kærastan app frá íslensku fyrirtæki í iPadinn minn (Njáll's iPad) á mínu AppleID en lenti síðan í veseni með appið þar sem upphafsskárinn blikkaði stöðugt og hún náði aldrei að komast í innskráningarferli í appinu. Hún hafði samband við þau sem gefa út appið úr sínu email og undir sínu nafni, aldrei minnst á mig og nafnið mitt eða nafnið á iPadinum sést ekki á neinni mynd eða myndbandi sem hún sendi með. Síðan fær hún póst frá útgefanda appsins sem hefst á "Sæll Njáll" þrátt fyrir að ég hafi aldrei komið málinu neitt við sögu annað en að appið væri sótt á minn iPad og á mínu AppleID. Hún svaraði póstinum og spurði hvaðan þau hefðu fengið nafnið Njáll og fékk þau svör þjónustuaðilinn hefði verið með vitlausan aðila uppi þegar hann var að svara póstinum. Ég kaupi það hinsvegar ekki, alltof mikil tilviljun að mínu mati þar sem við Njálarnir erum ansi fáir.

Tek fram að ég er alls ekki ósáttur við nein vinnubrögð eða neitt, er bara að velta þessu fyrir mér.

[Pandemic]

Ég veit ekki til þess að þú fáir neinar upplýsingar um þá sem sækja appið, enda væri það skrítið þar sem Apple rúllar líka AD Id'inu.

[Njall_L]

...enda væri það skrítið þar sem Apple rúllar líka AD Id'inu.

Já það er eins og ég hélt, kannski er þetta bara ein stór tilviljun

[Some0ne]

...enda væri það skrítið þar sem Apple rúllar líka AD Id'inu.

Já það er eins og ég hélt, kannski er þetta bara ein stór tilviljun

Sæll Njáll,

Ég er höfundur þessa apps sem lætur svona illa og starfsmaður fyrirtækisins sem um ræðir.

Uppfærsla er í ofninum og kemur vonandi út seint í dag eða á morgun, fer eftir því hvað Apple eru fljótir að hleypa henni í gegn, biðst forláts á þessum leiðindum í því.

Netfangið hjá konunni þinni er tengt við þinn kerfisnotanda hjá okkur út frá eldri samskiptum þar sem það var skráð á þig.

Þannig að þegar að hún sendir inn fyrirspurn, þá sjálfkrafa tengist það við þinn "reikning" hjá okkur.