Að velja password manager?

[Njall_L]

Sælir vaktarar

Nú er ég kominn á þann stað að mig langar að setja upp password manager en er frekar týndur í því hvern á að velja og vantar því aðstoð.

Væri til í að fá eftirfarandi fídusa (leiðinleg upptalning, ég veit)

Vil geta geymt aðgangsupplýsingar bæði fyrir vefsíður og ýmis forrit, kortaupplýsingar og minnismiða (notes). Allt umfram það er bónus.

Myndi vilja geta skráð mig inn með eftirfarandi aðferðum.
- App fyrir iOS og Android
- Desktop forrit fyrir Windows, MacOS, Linux
- Browser extension fyrir helstu browsera
- Web Access í browser

2FA á master login og end to end encryption er nauðsynlegt. Mér sýnist flestir, ef ekki allir, password managers vera með 256bita encryption svo það er lágmark. Væri líka til í að fyrirtækið sem framleiði password managerinn sé gegnsætt og fái þriðja aðila í öryggisúttektir af og til.

Ég er að sjálfsögðu til í að borga "eðlilegt verð" fyrir svona þjónustu. Finnst 40USD fyrir Dashlane sem dæmi frekar hátt en 10-20USD árlega alveg eðlilegt.

Eftir að hafa skoðað úrvalið sjálfur hallast ég að því að Bitwarden gæti verið málið, hefur einhver reynslu af honum?
Er líka opinn fyrir öðrum hugmyndum, sérstaklega ef einhver er með reynslusögur.

[Gummiv8]

Eru svona password managers trustworthy?

[Hjaltiatla]

Hef góða reynslu af Bitwarden, færði mig frá Lastpass yfir í Bitwarden fyrir sirka 1-2 árum síðan. Sé ekki eftir því.
Notast við fríu útgáfuna ennþá og hún er t.d er með öllum þeim fídusum sem þú ert að leita að.

[ABss]

Leyfi mér að stinga upp á þessu: https://keepassxc.org/

[slapi]

Ég nota LastPass og er frekar ánægður, það sem mér fannst aðalatriði væri að þriðji aðili væri búinn að að fara í gegnum kerfin og decrpytið færi fram á tækinu en ekki hjá þeim sem LastPass hakaði í bæði.

Ég hef verið að horfa í átt að BitWarden þar sem maður getur hostað það sjálfur og ef maður ætlaði að vera alveg niðurnelgdur myndi maður hosta því á bakvið VPN eða eitthvað álíka.

[Pandemic]

Ég og fjölskyldan notum 1Password sem hefur komið best út í flestum testum.
Elska 1Password, að nota password manager er algjör game changer.

[darkppl]

ég notaði lastpass en skipti yfir í 1password og elska það.

[Hannesinn]

Ég nota KeyPass á Windows/Linux og KeePass2Android fyrir... ööö... Android.
Geymi svo master skrána á OneDrive og lykilinn sjálfan local á viðkomandi tækjum sem eiga að hafa aðgang.
Hef ekki reynslu af því sjálfur en það eiga að vera til einhver browser extension fyrir þetta. Svo er þetta frítt og open-source.

https://keepass.info/index.html

[netkaffi]

Nota bara það sem er innbygt í Chrome. Það var game changer fyrir mig þegar ég gat sett password síðuna chrome://settings/passwords í bookmarks. Svo ég klikka bara á home eða new tab, fæ síðunar sem eru bookmarked og klikka á passwords bookmarkið. Er s.s. bara 2 sek að ná í password.

Er mjög sáttur að þurfa ekki að vera með external software (í raun third party). Af hverju eru menn að nota third party? Google geymir öll password fyrir allar síður og mörg öpp -- bara opnar appið og google loggar þig á síðuna eða inn á appið ef appið styður það.

Skil kannski ef þið eruð ekki að nota Chrome hugbúnað.

[Njall_L]

Takk fyrir þetta!

Mér sýnist að bæði Bitwarden, 1Password og Lastpass koma vel út miðað við það sem ég myndi vilja. Hvorki KeePass eða KeePassXC virðast bjóða upp á nein native öpp á mobile og ég vil helst bara að þetta sé allt til frá sama aðila.

Þið sem hafið valið Bitwarden, 1Password eða Lastpass, var einhver sérstök ástæða sem þið völduð þá framyfir annað?

[Njall_L]

Nota bara það sem er innbygt í Chrome. Það var game changer fyrir mig þegar ég gat sett password síðuna chrome://settings/passwords í bookmarks. Svo ég klikka bara á home eða new tab, fæ síðunar sem eru bookmarked og klikka á passwords bookmarkið. Er s.s. bara 2 sek að ná í password.

Er mjög sáttur að þurfa ekki að vera með external software (í raun third party).

Hef akkúrat verið að nota þetta hingað til en finnst það virka svo illa fyrir allt sem er utan Chrome, eins og t.d. Safari í símanum eða bara á desktop forrit. Safari vistar sem dæmi allt í Apple Keychain og það getur ekki syncast með Windows. Er þessvegna að leita að einum stað þar sem ég get verið með allt frekar heldur en nokkra.

[daaadi]

Skipti úr LastPass yfir í Bitwarden þegar að LogMeIn keypti Lastpass, fannst það að Bitwarden sé open-source og bjóða uppá útgáfu sem þú getur hýst sjálfur stórir plúsar, er samt bara að nota fría planið þeirra og hefur aldrei klikkað á iOS og Firefox.

[netkaffi]

Ahh. Lúkkar eins og ég verði að prófa þetta þá líka. Ég er algjör fídusanörd.

[depill]

Ég sjálfur nota LastPass
Gott
* Hef notað það ógeðslega lengi
* Hafa brugðist hratt við þegar það kemur vesen
* Ég borga þeim ekkert, virkar vel á iOS og Chrome/Edge
* Minnir mann á ef maður ætti að vera breyta lykilorðum ( og gerir það sumstaðar )

Vont/Mætti vera betra
* Helsti hluturinn sem fer sturlað í taugarnar á mér er þegar þú ert með mismunandi scaling ( allavega á mac ) á milli skjá að þá virkar takkarnir ekki rétt ( þegar maður smellir er maður að smella aðeins annarsstaðar )
* AutoFill í annað enn user og pass er alveg hrikalega lélegt, og þegar þetta plugin vistar aðra dálka enn user og pass getur þetta gert mig gjörsamlega sturlaðan ( lent í þessu með field sem eru stillingar enn lastpass bara ákveður að þetta sé autofill user og pass )

Ég hef prófað síðan 1Password nokkru sinnum enn finnst þessi sífellda læsings Vaultsins leiðinlegt. Sérstaklega þar sem ég er oft ekki með lappan opinn heldur lokaðan og skjátengdan og þá virkar ekki TouchID og þá þarf maður að slá inn leiðinlega langt lykilorð til að unlocka. Skil alveg að þetta er ákveðið öryggi, enn tölvan mín er líka encrypted og með lás og bara þetta er of mikið bögg fyrir mig.

[HalistaX]

Ég skal vera password managerinn þinn.

Sendu mér passwords á: IeatPassworddss@scammercity.co.uk og við erum good to go!

[Zethic]

Ég mæli með 1Password. Einfalt, aðgengilegt og öruggt. Desktop client, mobile app, browser extensions er allt sem ég þarf.

Mín skoðun
Margt sem hægt er að spara í, en lyklar að lífi þínu eiga ekki að vera háð áhugamáli annara (open source) eða hjá fyrirtækjum með sögu um alvarleg vandamál (LastPass / LogMeIn)

[Hallipalli]

Eftir að hafa prufað mig áfram og lesið mig til endaði ég á Lastpass og er mjög ánægður

[olihar]

Notað 1Password mjög lengi og mæli með.

[ElvarP]

Nota BitWarden og er mjög glaður með það.

[dori]

Ég held að allir þessir sem þú ert að skoða séu algjörlega stórkostlegir miðað við að hafa ekkert eða það sem er innbyggt í vafra eða svipað.

Einhverntíma valdi ég Lastpass, held að það hafi bara verið frekar random eða man allavega ekki ástæðuna. Það helsta sem ég fíla ekki við það er native appið á tölvunni. Fannst það lélegt á Windows en aðeins skárra á Mac, samt eitthvað off. Fín öpp í mobile bæði á Android og iOS og innleiðingarnar í Chrome/Firefox/Safari eru fínar.

Er ekkert viss um að ég myndi velja það aftur í dag samt, 1Password hefur heillað mig en ég bara nenni ekki að skipta.