Og nei, áður en einhver spyr þá hverfur þessi viðvörun ekki eftir einhvern x tíma og það er engin stilling til að taka hana í burtu.Áður en ég festi kaup á bíl með akkúrat svona tölvu þá athugaði ég aðeins á netinu hvort það væri hægt að taka þessa viðvörun í burtu og ég fann þráð á erlendu spjallborði um það með leiðbeiningum svo ég sá ekki betur en að ég gæti losnað við þetta en svo eftir að ég keypti bílinn þá áttaði ég mig á því að leiðbeiningarnar voru ekki bara gamlar heldur voru þær líka meira fyrir stakt leiðsögutæki frá Garmin en ekki eitthvað slíkt sem væri búið að sérsníða sérstaklega fyrir notkun í bíl ásamt útvarpi svo það voru nokkur smáatriði í leiðbeiningunum sem pössuðu ekki alveg við
Er einhver hér sem hefur moddað svona tölvu og jafnvel tekið þessa viðvörun í burtu? Ég er aðallega að fikta mig áfram með uppfærsluskrá fyrir kerfið sem heitir GUPDATE.GCD og mér tókst nýlega að setja inn auka tákn fyrir bílinn á kortinu, setti inn Homer Simpson að labba og svo módel af sjálfum bílnum þar sem það var ekki til staðar í tölvunni fyrir (það var bara hægt að velja um rauða ör og einhverja tvo bíla sem voru hvorugir líkir mínum).
Hér er mynd af því sem kemur sem ég er að reyna að losna við:
- DSC00350.jpg (104.36 KiB) Skoðað 2091 sinnum
Svo var ég líka að reyna að setja inn kort frá GPSmap.is en leiðbeiningarnar hjá þeim eiga ekki heldur nógu vel við tölvuna í bílnum, er búinn að prófa að setja kortaskrá frá þeim í rótina á uppfærslupakkanum, í möppu þar sem heitir Map (sem var ekki til fyrir) og hef líka prófað að hafa skrána á minniskorti sem ég set í tækið en ekkert af því virkar. Einhver sem veit hvernig ég fæ það til að virka?
Er svo nokkuð hægt að setja eitthvað annað stýrikerfi inn í staðinn fyrir þetta frá Garmin? Hef ekki fundið neinar upplýsingar um það á netinu en einhver hér sem veit betur?
