Pósturaf Hannesinn » Lau 23. Apr 2016 12:53
Efnið hérna er komið út um allt, þannig að ég ætla að taka þátt.
Þessi þróun varð ekkert í gær, ég man að vinur minn keypti tölvu fyrir foreldra sína um eða fyrir aldamót hjá EJS og þá var þetta nákvæmlega eins. Verð með vænum slurk af fyrirtækjaafslætti var svona 10-20% yfir því sem ég hefði getað púslað sambærilegri vél fyrir þau sjálfur.
Og þannig hefur þetta verið í fjöldamörg ár, og ekki bara í tölvugeiranum. Þeim fyrirtækjum sem þjónusta fyrirtækjamarkaðinn er nokkurn veginn sama um einhverjar einstaka sölur til neytenda, þeirra markmið er að selja aðilum sem versla við þau fyrir tugi milljóna á ári. Og þar sem að stórir kaupendur vilja afslætti vegna magnkaupa, þá er afslættinum einfaldlega ýtt inn í verðið. Enda finnst mér alltaf fyndið þegar einhverjir hérna á Vaktinni benda á Advania eða Nýherja þegar þeir eru að reyna að selja nýlegu fartölvuna sína og nota heimasíður fyrirtækjanna sem verðmið. Ég stórefast um að margir versli á retail verði við þessi fyrirtæki, því að einstaklingar eru einfaldlega ekki markhópurinn, og verðlagið ekki eftir því heldur.
Varðandi þessa rammasamninga og örútboð sem menn tala um hérna, þá hef ég blendnar tilfinningar fyrir þeim. Rammasamningarnir eru klárlega góðir fyrir ríkið, þar sem að ríkið er gríðarlega stór innkaupaaðili og því eðlilegt að nota fjöldann til að ná niður verði. Þetta á ekkert bara við um vélbúnað heldur líka hugbúnað, eins og office pakka. Þetta er mjög gott fyrir minni ríkisfyrirtækin sem hafa jafnvel ekki tölvudeild.
En örútboð...mikið andskoti þarf að flækja einföld tölvukaup. Maður hefur heyrt sögur í gegnum árin að jafnvel notendurnir sjálfir eru sendir út í tölvubúð til að kaupa tölvu fyrir sjálfa sig, og kemur að sjálfsögðu út með það besta og dýrasta. En þetta á að sjálfsögðu ekki við stærri ríkisfyrirtækin eða þau sem hafa góða stjórnun á tölvum og kerfum. En eins og venjulega, þegar búinn er til kassi sem á að passa fyrir alla, þá eru kostir og gallar.
Segjum því sem svo að maður hafi slæma reynslu af einhverju af stóru fyrirtækjunum. Þeir veittu lélega þjónustu, sviku mann eða bara einhverja gilda ástæðu sem gerir það að verkum að maður vill ekki versla við þá. Þá þarf að vinna eitthvað punkta/vægisferli með markmiði að geta hafnað þeim, í staðinn fyrir að óska bara ekkert eftir tilboði frá þeim. Gera kröfur eins og... "þarf að vera í 10 mínútna akstursfæri frá vinnustað", eða eitthvað álíka bull. Ók, þetta er líklega lélegt dæmi, og myndi aldrei halda sem rökfærsla, en þið skiljið hvað ég á við.
Fyrir mér líta þessi örútboð út eins og eitthvað mannauðsstjórahobbíverkefni.
Enjoy your job, make lots of money, work within the law. Choose any two.
