Myndavél á Reykjanesbraut - Heads up

[Moldvarpan]

Kvöldið.

Ég keyri Reykjanesbrautina ansi oft, og eflaust margir aðrir hérna inni.

Mig langaði að deila með ykkur að lögreglan er með færanlega hraðamyndavél í gráum station Skoda, með tengdamömmuboxi.

Hef nú ekki lent í henni sjálfur, en þekki aðra sem hafa fengið sekt.

Meira var það ekki, ökum varlega

[vesley]

Snilld að vita það er að fara að keyra uppá völl eftir hálftíma.

[SIKk]

Mega þeir virkilega dulbúa myndavélarnar sínar svona og bara setja upp þegar þeim hentar, þar sem þeim hentar án þess að setja upp einhverskonar merkingar?
Ég hélt að það væri í lögum að þær yrðu að vera sýnilegar?

[Skippó]

Held að lögreglan sjálf þurfi að vera það en ekki myndavélarnar að ég held

[Viktor]

Mega þeir virkilega dulbúa myndavélarnar sínar svona og bara setja upp þegar þeim hentar, þar sem þeim hentar án þess að setja upp einhverskonar merkingar?

Já, búnir að gera þetta í nokkur ár

[GuðjónR]

Það vantar pening í ríkiskassann.
Lélegur bissness að auglýsa fyrirfram hvar vélarnar eru því þá myndu allir keyra hægar og ríkið myndi tapa peningum.

[worghal]

Það vantar pening í ríkiskassann.
Lélegur bissness að auglýsa fyrirfram hvar vélarnar eru því þá myndu allir keyra hægar og ríkið myndi tapa peningum.

en þeir auglýsa það á facebook.
koma reglulega með tilkynningar um hvar þeir verða með eftirlit.

[Lexxinn]

Þessi bíll hefur verið í umferð á höfuðborgarsvæðinu heillengi og stopp hér og þar að busta fólk. Það er líka hvítur x-trail(minnir mig, allavegan svipaður bíll) með tengdamömmuboxi í sama business.

[Danni V8]

Þegar þú segir Reykjanesbraut, áttu þá við inn á höfuðborgarsvæðinu eða á milli hfj og kef?

[Moldvarpan]

Milli hfj og Kef.
En bíllinn er frá lögreglunni á höfuðborgarsvæðinu og þeir þurfa að sinna löggæslu aðeins lengra en kúargerði. Skiptingin embættanna er ca milli voga og kúargerðis.
Ég hef þó séð bílinn milli voga og Grindavíkur líka.

[lukkuláki]

Eru þeir með marga bíla í þessu ég hef séð þessa déskotans myndavél í skottinu á Subaru með tengdamömmuboxi

[svanur08]

Feginn er ég að hafa tekið upp á því venjast því að keyra alltaf á löglegum hraða, hef ekki fengið sekt í mörg ár.

[HalistaX]

Já, ég fékk sekt fyrir einhverjum árum, hvort ég hafi verið sautján ára eða eitthvað.
Annars, eins og svanur08, keyri ég bara á löglegum hraða.

[nidur]

"hraðamælinga tips" á facebook líka með svona info

[hagur]

Stilla krúsið bara á 95 og hætta að hafa áhyggjur af hraðamyndavélum og sektum.

[Danni V8]

Ég reyndar keyri brautina oftast á 90-100 bara útaf bíllinn eyðir miklu minna þannig, svo ég hef ekki miklar áhyggjur.

En finnst samt svona hraðagæsla algjör sóun á tíma lögreglunnar og hraðakstursviðurlög töluvert harðari en þau ættu að vera.. en það er efni í annan þráð....

[DJOli]

Ég reyndar keyri brautina oftast á 90-100 bara útaf bíllinn eyðir miklu minna þannig, svo ég hef ekki miklar áhyggjur.

En mér finnst samt svona hraðagæsla algjör sóun á tíma lögreglunnar og hraðakstursviðurlög töluvert harðari en þau ættu að vera.. en það er efni í annan þráð....

Ég styð þetta. Lögreglan ætti frekar að nýta vinnutíma sinn í að sinna vinnunni.
Meiri tíma í að taka fólk í random check og athuga hvort menn séu nokkuð ölvaðir eða í vímu undir stýri.
Það eru þeir sem valda verstu slysunum, ekki þeir sem keyra hratt að eðlisfari.

Að staðaldri er ég ekki hræddur í bíl, ég er ekki hræddur við að keyra hraðar +10, +20, +30kmh (yfir löglegum hámarkshraða) þegar engin umferð er, og þá við bestu aðstæður, heldur hægi ég á mér, og verð örlítið hræddur ef ég er við það að mæta bíl.
Maður veit aldrei hvað er í gangi í næsta bíl, hvort ökumaðurinn sé þreyttur, ölvaður, dópaður, eða jafnvel flogaveikur eins og aðili tengdur fjölskyldu minni komst upp með.

(Það var flogaveik kona í fjölskyldunni minni sem komst lengi upp með að keyra, hún hafði klesst amk einn eða tvo bíla áður en hún lést í bílslysi þegar hún fékk flog undir stýri. rest in peace.)

[worghal]

Lögreglan ætti frekar að nýta vinnutíma sinn í að sinna vinnunni.

veit ekki betur en að ofhraður akstur sé ólöglegur og því er Lögreglan að sinna vinnunni sinni.

[DJOli]

Lögreglan ætti frekar að nýta vinnutíma sinn í að sinna vinnunni.

veit ekki betur en að ofhraður akstur sé ólöglegur og því er Lögreglan að sinna vinnunni sinni.

Eigum við þá ekki bara að banna innflutning á bílum sem ná yfir 90kmh nema um sé að ræða ríkisbifreiðar (lögreglubíla, slökkviliðsbíla, sjúkrabíla osfv), eða láta setja bara hraðatakmarkara (útslátt) í bíla almennings við 90 kmh?

[svanur08]

Lögreglan ætti frekar að nýta vinnutíma sinn í að sinna vinnunni.

veit ekki betur en að ofhraður akstur sé ólöglegur og því er Lögreglan að sinna vinnunni sinni.

Eigum við þá ekki bara að banna innflutning á bílum sem ná yfir 90kmh nema um sé að ræða ríkisbifreiðar (lögreglubíla, slökkviliðsbíla, sjúkrabíla osfv), eða láta setja bara hraðatakmarkara (útslátt) í bíla almennings við 90 kmh?

Ef bíll kemst á yfir 90km hraða áttu þá bara að brjóta lögin og keyra hraðar?

[Danni V8]

Eitt sem ég vil taka fram að minnsta kosti frá mínu sjónarhorni, þá er ég alls ekki að segja að það sé í lagi að keyra hraðar en lög segja til um eða að reyna að réttlæta þannig akstur.

En það sem DJOli sagði hér fyrir ofan er hárrétt.

Hraðakstur er EKKI eins hættulegur og hann er látinn líta út fyrir að vera, hvað þá miðað við viðurlögin við honum. Ég biggi þessa skoðun á bæði reynslu á því að keyra erlendis þar sem leyfður hámarkshraði er hærri en slys ekki algengari þar en hér miðað við umfang umferðarinnar og svo á því að hafa lesið skýrslur um slys í umferðinni á Íslandi sem eru aðgengilegar á vef Samgöngustofu.

Í langflestum slysa þar sem hraðakstur er skráð orsök er hraðakstur ekki meginorsök heldur eitthvað annað, svosem ölvun, þreyta og færð vegar.

Staðreyndin er hins vegar sú að hraðakstur er eina umferðarlagabrotið sem er auðvelt að ná fólki fyrir, þar sem að það keyra lang fæstir eftir settum hámarkshraða og þá sérstaklega á hraðbrautunum innan höfuðborgarinnar. Það er líka eina sem er auðvelt að kanna án þess að stöðva viðkomandi og eina sem er erfitt að fela eða komast upp með.

Ég neita því ekki að hraðakstur er hættumeiri akstur en löglegur akstur, og að ef slys gerist, hver svo sem ástæðan er, mun meiri hraði gera illt verra, svo ég fer ekki að halda því fram að eftirlit og viðurlög við hraðakstri sé algjör della. En mér þykir mörkin vera of lágt sett. Löglegur hámarkshraði er í engu samræmi við umferðarhraða og hraðagetu vegakerfisins. En það er ekki allstaðar sem mér finnst að hámarkshraði ætti að vera hærri. Sumstaðar finnst mér að það ætti að lækka hann þar til úrbætur á hönnun vegakerfisins um þau svæði eru unnar.

Ef að hraðaksturshrætt fólk myndi vita hversu miklum hraða er keyrt á sumum vegum í hvert einasta skipti sem aðstæður leyfa myndi það sennilega fá áfall. Og síðan annað áfall þegar það kemst að því hversu ótrúlega sjaldgæf slys eru við þær aðstæður miðað við hversu algengt þetta er.

[Skippó]

Tja ég meina hvenær komu fyrst lög um 90 km hámarkshraða utan þettbýlis? Þegar fyrst var malbikað? Og hvað er til dæmis tæknin í bílum búinn að fara fram úr öllu? ABS, skriðvörn, spólvörn og margt margt fleira. Finnst þessi 90km hámarkshraði vera orðin svo úreltur, en fólk á það hins vegar til að keyra alltof hratt á veturnar miðað við aðstæður, myndi ekki sjá neitt að því að hækka hámarkshraðann á sumrin og hafa hann þess vegna 80-90 á veturnar, veit að Frakkarnir skipta um hámarkshraða eftir veðri á hverjum degi á sumum hraðbrautum, af hverju getum við ekki gert eitthvað svipað?

[Danni V8]

Tja ég meina hvenær komu fyrst lög um 90 km hámarkshraða utan þettbýlis? Þegar fyrst var malbikað? Og hvað er til dæmis tæknin í bílum búinn að fara fram úr öllu? ABS, skriðvörn, spólvörn og margt margt fleira. Finnst þessi 90km hámarkshraði vera orðin svo úreltur, en fólk á það hins vegar til að keyra alltof hratt á veturnar miðað við aðstæður, myndi ekki sjá neitt að því að hækka hámarkshraðann á sumrin og hafa hann þess vegna 80-90 á veturnar, veit að Frakkarnir skipta um hámarkshraða eftir veðri á hverjum degi á sumum hraðbrautum, af hverju getum við ekki gert eitthvað svipað?

Hárrétt. Þetta er svona í restinni af Evrópu líka. Það eru á flestum hraðbrautum ljósaskilti fyrir ofan hverja akrein á einhverju x-millibili sem segir til um hver hraðatakmörkunin er á hverri akrein fyrir sig. Ég var að keyra þarna í byrjun desember og það var ekki óalgengt að sjá mismunandi hámarkshraða eftir því hvaða akrein maður var á.

Síðan á vegunum þar sem hraðinn var ótakmarkaður í Þýskalandi var umferðarhraðinn misjafn eftir hversu margar akreinar voru en trukkarnir voru á 100 lengst til hægri og krúshraðinn lengst til vinstri fór alveg upp í 160. Ég tók tvenn myndbönd meðan ég var í farþegasætinu. Annað meðan við vorum á 164km/h samkvæmt GPS og það kom lítill Opel Corsa og tók frammúr okkur. Hitt þegar við vorum að reyna að ná BMW X5 jeppa og vorum komnir upp í rúmlega 210 km/h samkvæmt GPS en náðum ekki jeppanum. Fólki finnst þetta bara fullkomlega eðlilegt þarna úti. Það keyrir enginn lengst til hægri nema til að taka frammúr og ef einhver er á akreininni og sér annan nálgast færir hann sig undir eins ef pláss leyfir. Það væri t.d. leikandi hægt að krúsa um Reykjanesbrautina á 160 km/h ef maður gæti treyst Íslendingum til að haga sér eins og aðrir Evrópubúar. Þessi umferðarhraði var vel mögulegur á hægri akrein á samskonar tveggja akreina hraðbrautum erlendis.

En ég myndi nú samt ekki segja að það ætti að hækka hámarskhraða þar svo mikið, mér finnst 110 km/h raunhæf tala á þessum vegarkafla.

[KermitTheFrog]

Ég biggi þessa skoðun á bæði reynslu á því að keyra erlendis þar sem leyfður hámarkshraði er hærri en slys ekki algengari þar en hér miðað við umfang umferðarinnar og svo á því að hafa lesið skýrslur um slys í umferðinni á Íslandi sem eru aðgengilegar á vef Samgöngustofu

I þessum löndum eru þessir vegir líka mun betri en hérlendis. Ég hef ekið t.d. í Bandaríkjunum á vegum með 80/90mph hraðatakmörkunum (130/140kph) og leið aldrei eins og ég væri í hættu. En þjóðvegur 1 kemst ekki í hálfkvisti við vegi erlendis (svo ekki sé talað um þýskar hraðbrautir og hvaðeina).

[Danni V8]

Ég biggi þessa skoðun á bæði reynslu á því að keyra erlendis þar sem leyfður hámarkshraði er hærri en slys ekki algengari þar en hér miðað við umfang umferðarinnar og svo á því að hafa lesið skýrslur um slys í umferðinni á Íslandi sem eru aðgengilegar á vef Samgöngustofu

I þessum löndum eru þessir vegir líka mun betri en hérlendis. Ég hef ekið t.d. í Bandaríkjunum á vegum með 80/90mph hraðatakmörkunum (130/140kph) og leið aldrei eins og ég væri í hættu. En þjóðvegur 1 kemst ekki í hálfkvisti við vegi erlendis (svo ekki sé talað um þýskar hraðbrautir og hvaðeina).

Að sjálfsögðu ekki enda er ég algjörlega hlynntur þeim hámarkshraða sem er á Þjóðvegi 1. Það er stórhættulegur vegur.

Sem og Suðurlandsvegur sem ég botna bara ekkert í hvers vegna er ekki búið að full tvöfallda fyrir löngu síðan, miðaða við þær niðurstöður sem við höfum séð með Reykjanesbrautina. Ekkert banaslys hefur orðið á henni utan höfuðborgarsvæðis síðan hún var tvöföllduð en þar á undan voru að meðaltali 5 dauðsföll á ári á þessum vegi. Þrátt fyrir það hefur hraðinn aukist á þessum vegi.

Þess vegna er það frekar augljóst að þetta hraðaeftirlit á þessum vegi er með öllu tilgangslaust, ekki nema tilgangurinn sé einungis að ná inn meiri pening frá almúganum.

Þegar það voru liðin 10 ár frá opnun tvöföllduninar kom grein í einhverjum miðlinum sem talaði um það einmitt að miðað við sögu Brautarinnar fyrir tvöfölldun hafði þessi framkvæmd bjargað um það bil 50 mannslífum. Síðan tvöfölldun Reykjanesbrautar opnaði hafa ótal margir látist á Suðurlandsvegi, sem er nú talinn hættulegasti vegur landsins. Ég get ekki séð nákvæmlega hversu margir þar sem skýrslur fyrir árið 2011 og eldra eru gallaðar á vef Samgöngustofu. En á síðustu 4 árum hafa amk. 8 manns látist á þeim vegi, þar af allavega 2 á þessu ári. Ef þeir hefðu hætt þessari nýsku og tvöfalldað vegin almennilega strax eins og var gert við Reykjanesbrautina er ég sannfærður um að staðan væri svipuð, ef ekki eins og á Reykjanesbrautinni. Til þess borgum við bifreiðagjöld tvisvar á ári, himinhá gjöld af eldsneytinu okkar og tvöfölldum bíla í verði við innflutning.

Ég er mjög hlynntur öllu sem getur kallast umferðaröryggi. En ég er á móti aðgerðum sem taka á málinu á röngum stað. Fyrir utan vegina þá er núna mesta ógn umferðaröryggis á Íslandi fólk sem er að brasa í símunum sínum við akstur, ölvunarakstur og ofþreytuakstur. Hraðakstur er inn á þessum lista vissulega, en mjög neðarlega.