Símasölufólk að ónáða mig !

[jonsig]

sælir ,

Ég er að pirrast yfir því að það er búið að hringja í mig tvisvar að reyna selja mér eitthvað rugl bara Í dag ! Ég er "bannmerktur" í símaskránni sem flestir vita að þá má fólk ekki vera hringja í mig til að selja mér stuff . Samt er hringt í mig ! Það er ástæða fyrir að ég lét bannmerkið við mig á sínum tíma , ég var að vera geðveikur á þessu .

[Danni V8]

Eru þetta ekki bara "ráðgjafar"? Það má ekki hringja í fólk sem er með rautt X í skránni til að selja þeim eitthvað, en það má hver sem er hringja og ráðleggja þér að tryggja hjá þessu félagi frekar en hinu. Það vill bara svo heppilega til að þessir ráðgjafar geta komið ferlinu af stað fyrir þig og svona.

[olibui]

Af vef persónuverndar:

Persónuvernd berst að jafnaði nokkuð af fyrirspurnum varðandi það hvort og þá hvaða viðurlög liggja við því að úthringingar söluaðila ýmiskonar séu framkvæmdar þrátt fyrir að sá sem hringt er í hafi merkt við með rauðum krossi í símaskrá sem merki um að ekki sé heimilt að hringja í viðkomandi.


Af þessu tilefni ber fyrst að nefna að í lögum um fjarskipti nr. 81/2003 er að finna ákvæði í 5. mgr. 46. gr. laganna sem hljóðar svo:

,,Notendur sem nota almenna talsímaþjónustu sem lið í markaðssetningu skulu virða merkingu í símaskrá sem gefur til kynna að viðkomandi áskrifandi vilji ekki slíkar hringingar í símanúmer sitt.”

Póst- og fjarskiptastofnun skal hafa eftirlit með ákvæðum laga nr. 81/2003, skv. 2. mgr. 2. gr. laganna.


Í 16. kafla laganna er m.a. fjallað um hvaða viðurlög gildi við brotum á lögunum (sjá einkum 74. gr. laganna).


Það athugast þó að bannmerking í símaskrá felur eingöngu í sér bann við því að hafa samband við viðkomandi símleiðis í markaðssetningartilgangi. Bannmerking í símaskrá felur því ekki í sér bann við því að senda fólki markpóst.


Hins vegar gilda ákvæði laga nr. 77/2000 um persónuvernd og meðferð persónuupplýsinga einnig um starfsemi þeirra sem nota skrár í markaðssetningarstarfsemi. Hér að neðan verður fjallað stuttlega um hvernig álitaefni sem þetta varða snúa að lögum nr. 77/2000.


Hér ber einkum að líta til 28. gr. laganna. Ákvæði 2. mgr. 28. gr. laganna hljóðar svo:

,,Hagstofa Íslands skal halda skrá yfir þá sem andmæla því að nöfn þeirra séu notuð í markaðssetningarstarfsemi, en Hagstofa Íslands setur nánari reglur um gerð og notkun slíkra skráa og hvaða upplýsingar skuli koma þar fram í samráði við Persónuvernd. Ábyrgðaraðilar sem starfa í beinni markaðssókn og þeir sem nota skrá með nöfnum, heimilisföngum, netföngum, símanúmerum og þess háttar eða miðla þeim til þriðja aðila í tengslum við slíka starfsemi skulu, áður en slík skrá er notuð í slíkum tilgangi, bera hana saman við skrá Hagstofunnar til að koma í veg fyrir að markpóstur verði sendur eða hringt verði til einstaklinga sem hafa andmælt slíku. Persónuvernd getur heimilað undanþágu frá þessari skyldu í sérstökum tilvikum.”

Í 4. mgr. 28. gr. laganna segir:

,,Skylt er að nafn ábyrgðaraðila komi fram á áberandi stað á útsendum markpósti og hvert þeir sem andmæla því að fá slíkan markpóst og marksímtöl geti snúið sér. Viðtakandi markpósts á rétt á að fá vitneskju um hvaðan þær upplýsingar koma sem liggja úthringingu eða útsendingu til grundvallar. Þetta gildir ekki um markaðssetningu ábyrgðaraðila á eigin vöru og þjónustu sem notar eigin viðskiptamannaskrár, enda beri útsent efni með sér hvaðan það kemur. Ef markpóstur er sendur með rafrænum hætti er skylt að fram komi á ótvíræðan hátt um leið og hann er móttekinn að um slíkan póst sé að ræða.”

Af þessu má ráða að þeir sem skrá sig á bannskrá Hagstofunnar eiga að vera öruggir fyrir því að fá hvorki sendan markpóst né að hringt verði til þeirra (sbr. 2. mgr. 28. gr.). Þetta úrræði hentar vel fyrir þá sem vilja aldrei vera ónáðaðir með markpósti eða marksímtölum. Hagstofa Íslands heldur utan um bannskrá þessa og ber því að hafa samband við Hagstofuna til að fá sig skráðan á slíka skrá.


Ákvæði 4. mgr. 28. gr. laganna tryggir hins vegar að sá sem fær markpóst eða marksímtal frá ákveðnum aðila geti með auðveldum hætti haft samband við þennan tiltekna aðila og óskað eftir því að fá ekki framvegis símtal eða póst í markaðssetningartilgangi frá þeim aðila. Viðkomandi fyrirtæki þarf því að halda skrá yfir þá sem óska eftir því að fá framvegis ekki markpóst eða marksímtal. Þetta úrræði tryggir þannig að viðkomandi verður ekki ónáðaður með markpósti eða marksímtali frá þessu tiltekna fyrirtæki í framtíðinni en kemur eðli málsins skv. ekki í veg fyrir markpóst eða marksímtöl frá öðrum aðilum.


Kvartanir vegna hugsanlegra brota á ákvæðum laga nr. 81/2003 ber að senda til Póst- og fjarskiptastofnunar. Kvartanir vegna hugsanlegra brota á ákvæðum laga nr. 77/2000 um persónuvernd og meðferð persónuupplýsinga má beina til Persónuverndar. Þarf stofnuninni þá að berast kvörtun og nánari málsatvikalýsing. Eyðublað fyrir kvörtun er að finna á heimasíðu stofnunarinnar (www.personuvernd.is) undir hnappinum ,,Umsóknir og önnur eyðublöð”.


Eins og má ráða hér að ofan eru þau ákvæði laga sem fjalla um markaðssetningarstarfsemi nokkuð flókin og ekki til hægðarauka að fjallað sé um slíkt í ákvæðum bæði laga um fjarskipti sem og lögum um persónuvernd og meðferð persónuupplýsinga. Hins vegar hefur Persónuvernd vakið athygli á þessu og mun leggja áherslu á að ákvæði þessi verði einfölduð og um leið gerð skilvirkari, t.d. með því að fella þau inn í einn og sama lagabálkinn.

[GullMoli]

Þetta minnir mig bara á;
http://web.archive.org/web/200607201349 ... =0&id=2028

[jonsig]

Hahaha ! Ætli það ekki . Ég þekki mann rá kanada , og það var non stop síminn hans þótt símsala sé bönnuð þar í landi ef þú ert merktur svona . Þá taka símsölumennirnir til þess ráðs að "hringja frá öðru" landi . Og komast þannig hjá lögsóknum haha .

[Nariur]

Að vera bannmerktur í símaskrá þýðir bara að það má ekki fletta þér upp í símaskrá og hringja í þig í þeim tilgangi. Það þýðir ekki að það megi ekki hringja í þig almennt í þeim tilgangi, þ.e. ef númerið þitt er fengið annarsstaðar en í símaskránni. Flest svona fyrirtæki eru með beina tengingu við Þjóðskrá, þú þarft að láta bannmerkja þig þar.

[jonsig]

djöfullsins vesen er þetta fólk að skapa manni .

[Saber]

Blacklist í Cyanogenmod FTW!

[AntiTrust]

Afskrá þig úr símaskránni? Ég sé ekki eftir því amk.

[jonsig]

Maður vill alls ekki vera dónalegur við símasölufólk en þetta er að verða gott . Þeir hafa nr hjá manni þótt maður afskrifi sig úr símaskrá ?

[roadwarrior]

Hef alltaf verið með leyninúmer. Alveg gersamlega laus við allt símasölu lið og svo frv. Þeir sem þurfa að ná í mig eru einungis þeir sem þekkja mig og þeir vita númerið mitt. Rest is history

[Gislinn]

Blacklist í Cyanogenmod FTW!

Blacklist FTW, trikkið hjá mér er einfalt. Ef það er hringt í mig þá fer samtalið eitthvað á þennan veg:
ég: Halló
söluaðilinn: Góða kvöldið ég hringi hér frá blablabla
ég: ég er smá upptekinn núna, getur þú hringt aftur eftir svona korter?
söluaðilinn: Já ekkert mál

og ég set númerið á blacklist.

[bixer]

.

[Frantic]

Sendu póst á skra@skra.is.
Þarft bara að gefa upp kennitölu og segir "Ég vill ekki láta hringja í mig, væriðu til í að setja bannmerki við mig?".
Problem Solved.

[jonsig]

Sendu póst á skra@skra.is.
Þarft bara að gefa upp kennitölu og segir "Ég vill ekki láta hringja í mig, væriðu til í að setja bannmerki við mig?".
Problem Solved.

takk kærlega fyrir þetta , en ég efast um að það verði hætt að hringja í mig hehe . Ég er svo arðvænlegur.

[methylman]

Svona á samtalið að vera
Hún/Hann Sæll viltu kaupa hefurðu áhuga á...
Þú Sæl/l hvað heitir þú ?
Hún/Hann Ha ?
Þú: hjá hverjum vinnur þú ? Mig vantar nafn og kennitölu á þessu fyrirtæki sem er að hringja í mig ég er á bannlista eða geturðu gefið mér kennitölu yfirmanns ykkar þarna í úthringiverinu ? Ég ætla að kvarta við PFS á morgun
Hún/Hann Bless

Mér varð það nefnilega á að gefa einusini eitthvað í einhverja söfnun sem ég man ekkert hver var og síðan var hringt í mig á tveggja vikna fresti það var bara merkt við mig í verinu sem easy prey

[braudrist]

Hagstofa Íslands, Umhyggjusamir Einstaklingar, Slysavarnafélagið Landsbjörg, Miðlun Ehf., Capacent Gallup o.fl. Þetta eru allt fyrirtæki / félög sem hafa verið að bögga mig. Alltaf verið að sníkja eða betla eitthvað.

[appel]

Hata þegar einhver tryggingafélög hringja í mig og spyrja mig hvort ég vilji ekki "skoða málin hjá þeim?". Hví koma þessir kauðar ekki bara og banka á stofugluggan hjá mér, æpa inn um bréfalúguna?
Í mínum huga eiga fyrirtæki ekki að hringja nema það sé tilefni til, t.d. að viðkomandi er viðskiptavinur hjá fyrirtækinu og það tengist því.

Annað pirrandi er að hitta þessa sölumenn í Kringlunni eða Smáralind, þeir ganga upp að manni og koma með einhverja leiðandi frasa einsog "Ert þú viðbótarlífeyrissparnað?" og bera það þannig fram að manni finnst þurfa svara því játandi eða neitandi. Ekkert "Afsakið, má ég spyrja þig spurningar?" ... nei þeir koma bara beint með spurninguna í fjésið á þér.

Svo þoli ég ekki það að ganga inn í einhverja sérvöruverslun og maður er bara að skoða hlutina, en þá líta sölumenn á mann, ganga upp að manni og spyrja "Get ég aðstoðað?". Alltaf þarf maður að segja "bara að skoða" til þess að réttlæta veru sína þarna inni. Sumir kalla þetta þjónustu, en ég kalla þetta bara áreiti. Finnst IKEA fyrirkomulagið best, maður getur gengið inn og skoðað alveg óáreittur og fengið aðstoð óski maður eftir.

[KermitTheFrog]

Svo þoli ég ekki það að ganga inn í einhverja sérvöruverslun og maður er bara að skoða hlutina, en þá líta sölumenn á mann, ganga upp að manni og spyrja "Get ég aðstoðað?". Alltaf þarf maður að segja "bara að skoða" til þess að réttlæta veru sína þarna inni. Sumir kalla þetta þjónustu, en ég kalla þetta bara áreiti. Finnst IKEA fyrirkomulagið best, maður getur gengið inn og skoðað alveg óáreittur og fengið aðstoð óski maður eftir.

Það er bara mjög misjafnt hvað fólki finnst um þetta. Það er ekki eins og það sé mikið mál fyrir þig að segja "nei, ég er bara að skoða". Minna mál en fyrir einhvern annan að leita að starfsmanni. Ekki veit ég hve lengi ég hef staðið í IKEA og leitað að starfsmanni.

Sent from my GT-I9505 using Tapatalk

[Stuffz]

skrítið, það er aldrei hringt í mig

ég líka geng á eftir að hlutirnir séu gerðir.

[Viktor]

Svo þoli ég ekki það að ganga inn í einhverja sérvöruverslun og maður er bara að skoða hlutina, en þá líta sölumenn á mann, ganga upp að manni og spyrja "Get ég aðstoðað?". Alltaf þarf maður að segja "bara að skoða" til þess að réttlæta veru sína þarna inni. Sumir kalla þetta þjónustu, en ég kalla þetta bara áreiti.

Fyrir mér hljómar eins og þú sért félagsfælinn með meiru og þurfir að leita þér hjálpar

[jonsig]

Líka ef hann þykir líklegur til að vera stela , þá er sagt starfsmönnum að það eigi að ganga upp að grunsamlegu fólki og spyrja þessarar spurningar

[GuðjónR]

Ég þoli ekki símasölu áreyti, sérstaklega ekki á kvöldin eftir kl 21:00
Fyrir löngu síðan endaði ég með leyninúmer þar sem sölumenn virtu hvorki rautt bannmerki í símaskrá né bannmerkingu hjá þjóðskránni.
Eftir margra ára "frið" þá ákvað ég að prufa að skrá númerið aftur en hélt bannmerkingnum, bæði hjá símaskrá og þjóðskrá.
Nánast samstundis byrjaði áreytið, Gallup, Stöð2, Skjárinn, öll tryggingafélögin, bóksölumenn svo eitthvað sé nefnt.
Í þremur tilfellum prófði ég að kæra til P&S bara til þess að komast að því að P&S er enn ein sýndarmennskustofnunin sem gerir ekkert.
Breytti númerinu aftur í leyninúmer í fyrra og hef bara tvisvar lent í áreyti síðan.

Ég spurði alltaf þá sem hringdu hvar þeir hefðu fengið númerið mitt, yfirleitt kom upp vandræðaleg þögn og alltaf reyndi fólkið að fara undan í flæmingi, allir áttu það þó sameiginlegt segja að þeir væru bara með "lista" með nöfnum og númerum og vissu ekkert hvaðan þessi listi væri kominn. P&S hafði engan áhuga á að komast að því þrátt fyrir beiðni um það, enn sölumaðurinn missti þó út úr sér að listinn hans væri kominn frá ja.is
Og þegar ég spurði hann hvort hann sæji ekki rauða X'ið þá viðurkenndi hann það og baðst afsökunar.
Halda þessir sölumenn að maður kaupi vörur/þjónustu þegar þeir frekjast svona gróflega?

[appel]

Svo þoli ég ekki það að ganga inn í einhverja sérvöruverslun og maður er bara að skoða hlutina, en þá líta sölumenn á mann, ganga upp að manni og spyrja "Get ég aðstoðað?". Alltaf þarf maður að segja "bara að skoða" til þess að réttlæta veru sína þarna inni. Sumir kalla þetta þjónustu, en ég kalla þetta bara áreiti.

Fyrir mér hljómar eins og þú sért félagsfælinn með meiru og þurfir að leita þér hjálpar

Ég hef gengið inn í verslun sem var ekkert að gera í, einn sölukall á gólfinu. Þegar ég geng inn þá gengur hann strax upp að mér "Get ég aðstoðað þig?". Ég segi "Nei", og held áfram að rölta um og skoða. Hann röltir svona fyrir aftan mig, fylgist með mér, líklega til þess að vera "þjónustureiðubúinn!"... svo stoppa ég við einhvern hlut og svona horfi aðeins á en þá kemur sölukallinn "Já... þetta er fallegur gripur, ertu að pæla í honum?". Svo næst segir hann eitthvað einsog "Ertu að leita að einhverju sérstöku?".

Persónulega vil ég ekki svona "þjónustu", mér finnst þetta vera pirrandi áreiti. Ég vil ekki hafa svona vökult auga yfir því hvað ég er að gera, ekki miklu frekar en að hafa einhvern sölumann netverslunar sitjandi við hliðina á mér og horfa á allt vefrápið mitt á netversluninni spyrjandi mig hvort ég vilji ekki kaupa þetta. Stundum er maður bara að skoða og vill skoða í friði.

[Icarus]

Svo þoli ég ekki það að ganga inn í einhverja sérvöruverslun og maður er bara að skoða hlutina, en þá líta sölumenn á mann, ganga upp að manni og spyrja "Get ég aðstoðað?". Alltaf þarf maður að segja "bara að skoða" til þess að réttlæta veru sína þarna inni. Sumir kalla þetta þjónustu, en ég kalla þetta bara áreiti.

Fyrir mér hljómar eins og þú sért félagsfælinn með meiru og þurfir að leita þér hjálpar

Ég hef gengið inn í verslun sem var ekkert að gera í, einn sölukall á gólfinu. Þegar ég geng inn þá gengur hann strax upp að mér "Get ég aðstoðað þig?". Ég segi "Nei", og held áfram að rölta um og skoða. Hann röltir svona fyrir aftan mig, fylgist með mér, líklega til þess að vera "þjónustureiðubúinn!"... svo stoppa ég við einhvern hlut og svona horfi aðeins á en þá kemur sölukallinn "Já... þetta er fallegur gripur, ertu að pæla í honum?". Svo næst segir hann eitthvað einsog "Ertu að leita að einhverju sérstöku?".

Persónulega vil ég ekki svona "þjónustu", mér finnst þetta vera pirrandi áreiti. Ég vil ekki hafa svona vökult auga yfir því hvað ég er að gera, ekki miklu frekar en að hafa einhvern sölumann netverslunar sitjandi við hliðina á mér og horfa á allt vefrápið mitt á netversluninni spyrjandi mig hvort ég vilji ekki kaupa þetta. Stundum er maður bara að skoða og vill skoða í friði.

Sammála, ég hika stundum við að fara inn í verslanir sem eru galtómar því ég býst bara við áreiti frá starfsmanninum og geta ekki fengið að skoða í friði.