Ég ákvað að setja þetta undir "til sölu" þráðinn þó svo að ég sé ekki að selja þessa vél, en mér hefur verið boðin hún sem innborgun á útistandandi lán eftir að ég seldi íbúð (= hún er til sölu, fannst þessi þráður passa best - það má vel vera algjör firra í mér og biðst ég þá afsökunar).
Málið er að þetta er skuld upp á eina milljón, og hefur íbúðarkaupandinn boðið mér þessa tölvu sem innborgun á einnar milljónar lán sem stendur eftir okkar á milli, en þetta eru hins vegar "tölur" og "týpur" sem ég er ekki alveg nógu klár á, og myndi gjarnan þiggja ykkar álit á þessari vél vs. ásett verð hjá honum.
Um er að ræða Lenovo ThinkStation vinnustöð;
* Örgjörvi = Intel Xeon E5.1650v2 @ 3.50-3.90GHz, 6x kjarna örgjörvi og 12 þráða (Nýr eins örgjörvi fylgir með)
* C602, 12MB, Hyper-Threading, Turbo-Boost, VT-x, VT-d, AES
* RAM = 64 GB (8x8GB) 1333 MHz DDR3 ECC PC3-10600 UDIMM minni (8x raufa með 3x channel settuppi).
* Það eru 2x 3GB nVidia Quadro K4000 skjákort í vélinni (DVI+DP+DP tengi. 768 CUDA kjarnar)
* 4x 3GB Seagate BC 7200 rpm, 2x 1 TB Samsung Solid State PRO, auk 2x Plextor M5 Pro Xtreme 512 GB SSD (veit þó ekki hvort þeir eru allir í turninum, vona þó að hann taki þennan fjölda diska).
* ÖryggisCPU: built-in TPM 1.2 öryggisörgjörvi (come one, ég hef aldrei heyrt né lesið um neitt eins og þetta apparat sem ég nefni hérna nokkurn tímann áður.
* PSU = 1200 W (man engan veginn hver tegundin var því miður).
* Stýrikerfi sem fylgja með eru bæði Win8 PRO x64 sem og Windows Server 2012.
Hann gleymdi einnig að senda mér nafnið á "case-inu" utan um þetta, en þetta á víst að vera algjörlega hljóðproof sem og að vera byggt úr einhverri samsuðu af málmum þannig að þú beyglar þetta ekki einu sinni með sleggju (trúi því mátulega þó).
Þetta eru allra helstu specifications, en mér finnst vinnustöð upp á hálfa milljón fyrir græningja eins og mig svona heldur mikið "high-end", en EF þetta er þess virði fyrir mig (verð vs hvað ég fæ), þá er ég reyndar alveg til í að eiga svona grip - a.m.k. þar sem það dregur úr þessari skuld hans við mig sem og að það skiptir mig ekki öllu máli hvort ég fæ þetta greitt í peningum eða á þennan hátt.
Þeir sem nenntu að lesa alveg í gegn, KÆRAR ÞAKKIR. Þið megið endilega segja ykkar álit á þessu - endilega vera gagnrýnir og grimmir, eða ljúfir sem lömb - eftir því hvað á betur við hérna
Mínar innilegustu og kærustu þakkir til ykkar sem nennið hugsanlega að svara þessum pósti.
Bestustu kveðjur og hafið það sem best!
), ásamt því já, basically að highlighta mikilvæg atriði skólabókanna, og svo að keyra 1-2 wordskjöl þar sem ég hendi inn glósum. Þetta er nú yfirleitt þyngsta vinnslan hjá mér (að undanskildum Football Manager leikjunum sem ég fer stöku sinnum í). Að öðru leyti er þetta bara að vafra og skoða reviews, leita mér að upplýsingum, senda mail, etc... Sennilega svona basic sem Amica (stafs.?) hefði leikið sér að því að keyra.
