Nýtt af nálinni, eru helst skjákortin, talsvert hefur bæst við hópinn, þá helst Geforce FX 6800 línan, ATi X800 línan, megum vonandi búast við talsverðum lækkunum af yngstu forverum þessara korta, þ.e. ATi 9800 línunni og Geforce FX5900+ kortunum.
Lítil hreyfing hefur verið á Intel örgjörvum síðan nýja formið á þeim var kynnt, þ.e. 775 "platformið" - nýijr örgjörvar, ný móðurborð, nýtt vinnsluminni og allt í PCI Express í þokkabót. Þessir hlutir eru hægt og rólega að poppa upp í helstu tölvuverslunum landsins, og munum við setja þessar vörur á Vaktina þegar þau verða algengari og til á lager hér á klakanum.
Púff. Ferlega er ég slappur í svona tölvufréttum, miklu skemmtilegra að segja fréttir af Vaktinni sjálfri!
Nú fer að líða að tveggja ára afmæli Vaktarinnar, og við bókstaflega eigum ekki til orð yfir því hversu vel Vaktin hefur dafnað, og allt sem henni fylgir. Heimsóknartíðnin heldur áfram að slá öll met, eins og sjá má á Samræmdri Vefmælingu, þ.e. viku 30. þegar þetta bréf er skrifað, og við höfum ekki undan að fylgjast með virkni spjallsins. Og í tilefni þess! Munum við ganga enn lengra í að gera gott við ykkur, kæru gesti, núna í ágúst. Í tilefni afmælisins og í tilefni velgengninnar! Takk fyrir okkur!
vaktin.is
