Eftir 4 ára notkun á GTX9800+ hef ég ákveðið að uppfæra skjákortið í ár og hef ég verið að bíða eftir GTX660, en þar sem Diablo III var að koma út og Battlefield 3 orðinn þreytandi í "low" stillingum þá ákvað ég að framkvæma eina mini uppfærslu til þess að tappa af uppfærslufíkninni.
Ég fjárfesti í eitt stk notað HD5850 sem virkar mjög vel fyrir utan smá kurri í kæliviftunni, það kurr reyndist líkara gamalli dísilvél og fyrir mér var hávaðinn óþolandi enda tölvan inni í svefnherbergi.
Eftir smá leit þá komst ég að því að lagerstaða/úrval á íslandi af skjákortskælingum er léleg og þar að auki eru verðin á þeim sem ég fann ekkert svo freistandi heldur.
En ég lét ekki deigan síga og á endanum ákvað ég að rífa plastrhlífina af og festa nýrri viftu ofan á heatsinkið.
Viftan sem varð fyrir valinu heitir Noctua NF-R8, 80mm vifta með þremur hraðaþrepum:
Byrjað var á því að rífa kælinguna alveg af og skipt um kælikrem, original viftan tekin úr sambandi.
Kælingin á kortinu án plasthlífar.
Ég þurfti að beygja endana á álþynnunum uppávið svo viftan gæti blásið almennilega inn í kortið
Hér er ég búinn að beygja upp álið eins beint og ég gat.
Næst var kortið rækilega hreinsað með loftpressu til þess að blása burt allar agnir af áli sem idduðust upp við brasið, viftunni komið fyrir þar sem ég vildi hafa hana.
Ég ákvað að festa niður viftuna með "zip-ties" og reyndist það vera mjög góð lausn.
Endarnir klipptir af plast festingunum.
Þar næst var kortið álagsprufað með FurMark hugbúnaðinum og fékk ég út eftirtaldnar tölur:
37°C idle, 66°C max með viftuna beintengda í móðurborð. Viftan snýst 1800rpm en hljóðið í viftunni á þessari stillingu fannst mér vera of hátt.
Ég smellti á "L.N.A" eða "Low noise adapter" snúrustubb sem fylgdi með viftunni og það keyrði hana niður í 1300rpm en viftan er mun hljóðlátari á þessari stillingu.
Við það hækkaði hitinn í FurMark upp í 79°C og tel ég það vera ásættanlegt þar sem stock kælingin fer hæst upp í 74°C
Yfir heildina litið er ég mjög ánægður með útkomuna þar sem viftan kostaði mun minna heldur en aftermarket kælilausn og vinnan kostaði mig ekki neitt. Ég geri mig grein fyrir því að kortið myndi eflaust verða enn kaldara með aftermarket kælingu en hljóðlátara verður það varla
(amk undir álagi)***Það þarf varla að nefna það að svona æfingar rifta ábyrgðir en hún var þegar runnin út þegar ég byrjaði á þessu***
manstu eftir því ? vorum að reyna að ná að spila cod4 mw
fínt líka fyrir fólk sem lendir í að vifta fari eftir ábyrgðartíma, kortið er ekkert ónýtt bara redda þessu!