Af Verðvaktinni er þetta helst að frétta, örgjörvarnir lækka allir um eitthvað smávegis, þó AMD meira áberandi í þetta skiptið. Okkur sýndist Pentium4-EE (Extreme Edition) vera komin á klakann samkvæmt heimasíðu Hugvers, veit samt ekki hvernig sölu á honum kemur til með að ganga miðað við núverandi verð?
Við munum setja hann ásamt AMD-64bit í næstu uppfærslu okkar, sem verður þó ekki fyrr en þann 5. janúar 2004. Við eigum ekki von á miklum verðbreytingum hjá fyrirtækjunum á næstu tveim vikum.
Við höfum ákveðið að setja Jóladagatalið aðeins til hliðar í bili, þar sem þátttaka flestra fyrirtækjanna sem boðið var að taka þátt hefur ekki verið eins mikil og búist var við, eins og þið hafið kannski séð.
Við viljum þó hrósa computer.is, start.is & bodeind.is fyrir sína þátttöku til þessa! Thumbs up!
Þangað til næst, þökkum kærlega fyrir liðið ár og hlökkum mikið til næsta árs með ykkur! Vöxturinn á gestafjölda ásamt virkum og skemmtilegum fastagestum á spjallinu okkar hefur farið fram úr okkar björtustu vonum.
Gleðileg jól og gleðilegt nýtt ár!
Kær kveðja,
vaktin.is
Þakkir fyrir frábært framtak og gleðileg jól til vaktmanna.
ég hafði svo gaman af jóladagatalinu, fór beint í tölvuna þegar ég vaknaði til að sjá hvort það væri ekki sniðugt þar.Verslaði meiri að segja í Boðeind sem ég hélt að ég myndi aldrei gera 
ég elska vaktina og ég held að flestir geri það.