Síminn að taka viðskiptavini sína í bakaríið?

[CendenZ]

Þetta netþjónabú mun ekki lækka kostnaðinn okkar á Farice.

Tilhvers ættu Farice og Danice menn að lækka hann ?

verður engin lækkun fyrr en samkeppnisaðili leggur sæstreng., voða auðvelt að undirbjóða Farice.

[GuðjónR]

Er ekki bottomlænið hérna að það eru tveir aðilar sem deila með sér markaði og þeir ákveða að skaða ekki hvorn annan með undirboðum og ákveða að hækka verð og lækka þjónustustig?
Og hvað getum við annað gert en að sætta okkur við það eða að öðrum kosti hætta að nota netið.

[depill]

Er ekki bottomlænið hérna að það eru tveir aðilar sem deila með sér markaði og þeir ákveða að skaða ekki hvorn annan með undirboðum og ákveða að hækka verð og lækka þjónustustig?
Og hvað getum við annað gert en að sætta okkur við það eða að öðrum kosti hætta að nota netið.

Júmm það er akkurat málið. Og varðandi FARICE, þá held ég að þetta sé part of the reason er hversu óteygin eftirspurnin er og það að félagið hefur aldrei skilað hagnaði. Ef þeir myndu fara koma fram betri nýtni á strengnum og sæu fyrir því að eftirspurnin myndi verða teygnari að þá held ég já að þeir myndu lækka verðið.

Annars er að fara koma hingað hundleiðinleg samkeppni frá Grænlandi, Grænlenski Síminn er að leggja streng frá Nýfundnalandi til Grænlands og þaðan til Íslands. Grænlendingar hafa hingað til verið tengdir með gervihnattarsambandi og það er ennþá meira okrað á þeim heldur en okkur og Grænlendingar eru alveg 100% á móti samkeppni og neinu öðru en ríkisvæðingu.

En ég veit ekki Guðjón, senda kvartanir til Póst og fjar og samkeppnisstofnunar, þótt að þessi fyrirtæki passa sig vel á því að það sé ekki til neitt um að þetta sé samráð, en fjandinn hver sem er sér að þetta er hundleiðinleg tvíkeppni ? Ég allavega vill að Samkeppnisstofnun hindri það sem ég held að óneitanlega eigi eftir að koma upp að Tal verði lagt niður og Vodafone reyni að gleyma client baseinn, frekar vill ég að Tal fari bara í gjaldþrot.

[GuðjónR]

Er ekki Póst og fjarskiptastofnun jafn getulaust apparat og Fjármálaeftirlitið ?
Þar sem vinir og vandamenn rannsaka aðra vini og vandamenn.
Haldið þið að landið væri þar sem það er núna ef hlutirnir væru í lagi?

[hallihg]

Gæðin í þessum þræði eru að fara illa með mig, jafn innihaldsríkur þráður hefur ekki birst á þessu spjalli í mörg ár!

Annars er ég hjá Simnet og miðað við að ég er auðveldlega að fara í 20 gb án þess að stunda erlendar torrent síður neitt grimmt (netnokunin er bara það mikil og það margar tölvur á heimilinu), þá á þetta eftir að valda okkur bobba.

Ég meina 4 tölvur á heimilinu, plús xbox vél. 10 gb á viku? Það er ekki rassgat.

[depill]

Er ekki Póst og fjarskiptastofnun jafn getulaust apparat og Fjármálaeftirlitið ?
Þar sem vinir og vandamenn rannsaka aðra vini og vandamenn.
Haldið þið að landið væri þar sem það er núna ef hlutirnir væru í lagi?

Reyndar er alveg nokkuð til í því, þeir reyndu að sýna sjálfstæði með því að hafna 09 og Hive um GSM 1800 leyfi á sínum tima, ég held hins vegar að það hafi endanlega gengið frá Hive, gáfu frekar svisslendingum leyfin, þeir eiga að vera byrjaðir að hefja starfsemi fyrir lok 2008 og það virðist bara ekki að vera gerast.

Ég held hreinlega að fjármagnið sé ekki til hjá þessum svissnesku aðilum.

En Guðjón þetta er einmitt vandamálið, það eru hérna 300.000 hræður og ég held bara hreinlega að þetta samfélag sé alltof lítið til að virka, það er alltof mikið um að maður verði að heita réttu nafni til að fá að gera það sem öðrum þóknast. Ég vona að það sé að fara breytast núna með falli Baugs og Exista ( ekki það að ég var að vona eftir falli þeirra, en fyrst að þetta virðist vera bæði farið ), en ég er ekkert gífurlega vongóður.

[jonsig]

Þetta er frjálshyggju bullið í sjálfstæðisflokknum , með að hafa frjálst flæði hlutabréfa þá hafa hvítflibbarnir sópað öllu til sín og samþjöppunin hefur aldrei verið meiri, með einhverju kross eignarhaldi er ekkert ólíklegt að það séu sömu eigendur þessara fyrirtækja. Og í staðin fyrir að láta bæði fyrirtækin okra , og láta annað fyrirtæki "A" bjáða gótt verð , þá er B komið í mínus , sem gerir fyrirtæki A- og fyrirtæki B-. Útkoman yrði hreinn mínus fyrir hvítflibbana sem eru með þetta allt á 130% láni og þurfa hellings pening og veltu til að geta fjármagnað aðra svikamillu sem er í gangi

[Halli25]

Þið vitið svo að síminn má aldrei bjóða betur en Vodafone eða aðrir á markaðnum svo þeir geta ekki keppt þar sem þeir eru stærstir á markaðnum.

[depill]

Þið vitið svo að síminn má aldrei bjóða betur en Vodafone eða aðrir á markaðnum svo þeir geta ekki keppt þar sem þeir eru stærstir á markaðnum.

Bjóða betur og bjóða ekki betur, Síminn má ekki misnota markaðsráðandi stöðuna sína á markaðinum á öllum mörkuðum. Vodafone hefur verið dæmt markaðsráðandi á GSM markaðinum og má þess vegna ekki heldur misnota markaðsráðandi stöðuna sína gagnvart NOVA ( og ekki heldur Síminn ).

Það átti hins vegar að vera löngu búið að dæma Vodafone markaðsráðandi í xDSL og breiðbandstengingum þar sem þeir eru hratt að nálgast hlutdeild Símans.

Síminn á þá bara einn markað eftir sem þeir meiga ekki bjóða betur en Vodafone ( ef það PTA fer að drulla sér í það að dæma Vodafone markaðsráðandi ) sem er heimasímamarkaðurinn, sem er nú einna skástur hérna heima.

[GuðjónR]

Þetta er frjálshyggju bullið í sjálfstæðisflokknum , með að hafa frjálst flæði hlutabréfa þá hafa hvítflibbarnir sópað öllu til sín og samþjöppunin hefur aldrei verið meiri...

Ég ætla ekki í vörn fyrir Sjálfstæðisflokkinn, því ég er sammála þessu sem þú segir. En flokkurinn þarf ekki að heita Sjálfstæðirflokkurinn til að vera Sjálftökuflokkurinn, heldurðu að Framsókn hafi hagað sér eitthvað betur? Og sjáðu Ingibjörgu Sólrúnu, ég get nú ekki betur séð en það sé komið íhaldsrassgat á hana, hvernig hún fer á fjórar fyrir honum Geir.
Manni verður bara flökurt.

[depill]

Ég eiginlega verð að pósta þessu hérna
http://mbl.is/mm/frettir/innlent/2008/10/29/siminn_haegir_a_nidurhali_stornotenda/

"einn slíkur notandi sem hleður niður svo miklu magni getur kostað Símann allt upp í 100 þúsund krónur á mánuð"

[CendenZ]

Depill, sendu meil á mbl og útskýrðu fyrir þeim aðeins málið

[appel]

„Þeir sem gætu fundið fyrir þessu eru innan við 5% viðskiptavina okkar, þetta snertir einungis stórnotendur, einn slíkur notandi sem hleður niður svo miklu magni getur kostað Símann allt upp í 100 þúsund krónur á mánuði,"
http://mbl.is/mm/frettir/innlent/2008/1 ... ornotenda/

Vááá... og við erum að kvarta undan 5-6 þús kr. gjaldi á mánuði. Mér líður bara hálfilla, er hættur að downloada.

Einhvernveginn held ég að sumir hérna haldi að Síminn þurfi ekkert að borga fyrir þetta gagnamagn.

Það má alltaf deila um hvað er sanngjarnt og ekki, en fyrir mér er annað meira virði að berjast fyrir. T.d. hvernig stjórnvöld gerðu okkur öll gjaldþrota.

[TechHead]

„Þeir sem gætu fundið fyrir þessu eru innan við 5% viðskiptavina okkar, þetta snertir einungis stórnotendur, einn slíkur notandi sem hleður niður svo miklu magni getur kostað Símann allt upp í 100 þúsund krónur á mánuði,"
http://mbl.is/mm/frettir/innlent/2008/1 ... ornotenda/

Ég er ekki að kaupa þessa 100þ kr tölu.

"Síminn" leigir 1.8gbps línustærð af Farice og hún er ekki gagnamæld, einungis hraða mæld.
Vikuleg meðalnýting á línunni hjá Símanum er um 1.25 gbps og því er ég ekki alveg að sjá hvernig aukning í utanlands niðurhali er að kosta þá auka 100k per haus á stórnotendur,
sérstaklega með nútíma throttling búnaði sem kemur í veg fyrir að torrent sjóræningjar eru að taka of stóra % af línunni.

Verðskrá Farice hefur virkilega hækkað sem er útskýringin fyrir hækkun á samningum, en það eru engin rekstrarleg rök sem ég hef séð hingað til fyrir því að cappa þá sem fara yfir
ákveðið magn á viku enn frekar?

[CendenZ]

Ef einhver notandi tekur sig til og skrifar góða skýrslu um þetta og sendir á mbl/vísi þá getum við komið þessu á framfæri.

það gæti verið mjög öflugt.

[natti]

Já það er hundleiðinlegt að þetta skuli vera svona cappað...
Væri ekki miklu réttara og betra að gera bara eins og vodafone... rukka bara fyrir umframmagn? (og kannski cappa líka?)
Er eitthvað óeðlilegt við að notendur borgi fyrir notkun? Rétt eins og að ég hef aðgang að rafmagn og vatni, að þá borga ég fyrir eftir hversu mikið ég nýti mér þjónustuna.

Hin leiðin er náttúrulega að hafa kostnað fyrir notendur lægri, og takmarka umferðina bara. Sem verður til þess að 5% notendanna fara í fílu fyrir að gera ekki downloadað bíómyndum og þ.h., og kannski færa sig, og ráðleggja einstaka vinum & fjölskyldumeðlimum að gera slíkt hið sama.

Depill: Já þetta er fljótt að koma líka ef þú downloadar linux distrói og java upp á annan hvern dag. En jafnvel þeir sem eru að leika sé rmeð linux, að þó að linux distró sé "ókeypis", þá er ekki eins og maður sé að downloada nýjum iso skrám á hverjum degi. Heck, það telst oft ef að þú værir að downloada nýju linux distrói einusinni í mánuði.

Ég nota netið töluvert; en ekki til að downloada (höfundarréttarvörðu) efni.
Ég einmitt næ í linux eða bsd distró nokkrum sinnum yfir árið. Enda lifi ég ekki fyrir það að setja vélina mína upp uppá nýtt.
Ég nota netið fyrir vinnuna, þ.e.a.s. til þess að ná mér í upplýsingar og uppfærslur á þann búnað sem að ég vinn með.
Og ég skoða allskonar heimasíður, bloggsíður, facebook/myspace/insertname.
Bróðurparturinn af umferðinni minni er svo innanlands (tenging við vinnuna og önnur fyrirtæki).
Þannig að netnotkun mín erlendis frá er netnotkun einstaklings sem að notar ekki torrent eða önnur p2p forrit.
En hérna er hún:
Skráð gagnanotkun þín (...@simnet.is) frá útlöndum á tímabilinu 01.05.2008 til 25.05.2008 er 1.047 MB.
Skráð gagnanotkun þín (...@simnet.is) frá útlöndum á tímabilinu 01.04.2008 til 27.04.2008 er 1.457 MB.
Skráð gagnanotkun þín (...@simnet.is) frá útlöndum á tímabilinu 01.03.2008 til 30.03.2008 er 5.175 MB.
Skráð gagnanotkun þín (...@simnet.is) frá útlöndum á tímabilinu 01.02.2008 til 24.02.2008 er 3.651 MB.
Skráð gagnanotkun þín (...@simnet.is) frá útlöndum á tímabilinu 01.01.2008 til 27.01.2008 er 1.035 MB.
Skráð gagnanotkun þín (...@simnet.is) frá útlöndum á tímabilinu 01.12.2007 til 30.12.2007 er 1.114 MB
Skráð gagnanotkun þín (...@simnet.is) frá útlöndum í þessum mánuði, frá 01.11.2007 til 25.11.2007, er 423 MB.
Skráð gagnanotkun þín (...@simnet.is) frá útlöndum í þessum mánuði, frá 01.10.2007 til 28.10.2007, er 69 MB.
Skráð gagnanotkun þín (...@simnet.is) frá útlöndum í þessum mánuði, frá 01.09.2007 til 23.09.2007, er 103 MB.
Skráð útlandanotkun þín (...@simnet.is) frá 01.08.2007 til 26.08.2007 er 411 MB.

Þó svo að netnotkunin mín erlendis frá sé ekki mikil, þá er hún critical til þess að ég geti sinnt minni vinnu.
Svo skoðar maður netmælingarnar, og sér að tengingar fyrirtækjanna til útlanda eru næstum fullnýttar og eru að peak-a upp í topp við og við. Og þá er enginn vafi um að 90% af allri umferðinni er frá nokkrum prósentum notenda sem eru að downloada bíómyndum, leikjum og forritum.
Þannig að netumferðin mín til útlanda er stundum hæg vegna þess að aðrir notendur eru að fullnýta línuna. Og þetta kemur stundum niður á minni vinnu ef að ég er að vinna að heiman (kvöld & helgar t.d.).

Þessi hópur notenda vill að það sé ekkert cap á þá, engar takmarkanir. Nú heyrir maður af því að það er alltaf einhver að kvarta yfir því að vera að lenda í þessum takmörkunum.
Hvernig væri það ef þessar takmarkanir yrðu teknar af?
Í staðinn fyrir að tengingar til útlanda væru "næstum fullnýttar" þá væru þá alltaf ALVEG fullnýttar. Sem myndi skila sér í því að vafr mitt til útlanda, sem og hinna 95% "venjulegra" heimilisnotendanna, yrði ennþá skertara.

Þegar tengingar eru fullnýttar þá væri eðlilegt að stækka tengingarnar bara? Er það ekki? Hvaðan á sá peningur að koma?
Á sá peningur að koma með því að hækka verð á öllum endanotendum, jafnvel þó að meirihluti notenda sé með lítinn hluta af bandvíddinni? Eða á að hækka verðið á fyrirtækjum? Eða á kannski að sleppa cap, og lækka töluna með "innifalið" gagnamagn, og rukka svo heilan helling fyrir hvert megabyte eftir það (með annaðhvort ekkert verðþak eða töluvert hærra verðþak)? Þannig að "stórnotendur" myndu einfaldlega sjá um kostnaðinn ef það þyrfti að stækka tengingarnar?
%5 af notendunum vilja alveg örugglega ekki borga fyrir kostnaðinn fyrir tenginguna út. Hvort sem um ræðir tengingu við aðila erlendis, strengina, eða búnaðinn sem að er notaður til þess að tengja sem þarf að geta annað þessari umferð.

Það er ekkert verið að tala um að vorkenna fyrirtækjunum. En fólk verður líka að átta sig á að þetta er ekki góðgerðarstarfssemi.
Það er engin samkeppni í strengjum til og frá íslandi, og ekki er það að bæta neitt.

Það sem að mér finnst vanta er að fyrirtæki og einstaklingar geti ekki keypt forgangsþjónustu. Þannig að hægt væri að tryggja að "business" tengingar væru ekki að líða fyrir bíómyndir.

En ég er þá bara forvitinn, hvað mynduð þið vilja að sé gert?
Ef að við tökum einfalt dæmi:
ISP er með 1.5gb tengingu við útlönd.
Erlent niðurhal hjá þessum ISP er að meðaltali 1.4gb, og á álagstímum er það oft að fara upp í 1.5gb þakið (sem að skilar sér í pakkatapi).
10% af þessum notendum eru með 1.3gb af umferðinni, en 90% af notendunum eru með 100mb af þessari umferð.
ISPinn sér svo fram á að innan skamms verði þessi lína 100% fullnýtt (netnotkun að aukast, youtube að byrja með hd efni etc.)
Hvað á þessi ISP að gera?
Á að setja einhverjar hömlur á þessa 10% notendur sem að borga jafn mikið og hin 90%? En samt að nota töluvert meira af umferðinni?
Á að stækka tenginguna við útlönd? Og hvaðan á sá peningur að koma? Á að hækka ADSL gjaldið og láta þá 90% af notendum borga fyrir að 10% af notendunum geti downloadað meira? Hvað á þá að gera næst þegar línan er við það að fyllast? Eða á að setja eitthvað "hámark" og rukka fyrir umframmagn?
Hvað á þessi ISP að gera?

[TechHead]

Á að hækka ADSL gjaldið og láta þá 90% af notendum borga fyrir að 10% af notendunum geti downloadað meira? Hvað á þá að gera næst þegar línan er við það að fyllast?
Eða á að setja eitthvað "hámark" og rukka fyrir umframmagn? Hvað á þessi ISP að gera?

1. Hætta að auglýsa tengingarnar sínar sem "ótakmarkaðar"
2. Setja fyrirtækja tengingar í forgang með betri deilibúnaði gegn hærra verði
3. Bjóða upp á sveigjanlegri gagnamagns kaup þar sem t.d. 6 manna fjölskylda með 4 tölvur á heimili gæti verslað 20gb meira gagnamagn fyrirfram á einfaldann hátt fyrir t.d. 90kr GB.
4. Bjóða uppá "dýrari" áskriftar leið fyrir "stórnotendur" sem myndi til dæmis vera með 100GB á mánuði en hraðatakmörkun uppá 200 KB/s á daginn en 400 KB/s á nóttunni í erlendann hraða.
5. Gera ársreikninga sína við Transit sala og úthlutun/notkun bandvíddar sýnilegri fyrir viðskiptavini sína.

[ErrEff]

Ég er á ljósleiðaratengingu hjá Vodafone og hef tekið eftir svolítið lélegum hraða til útlanda undanfarið. Hef aldrei náð hámarksnýtingu, hvorki utan- né innanlands. Samt var hraðinn alveg ásættanlegur (sérstaklega á sunnudagsmorgnum )

En nú nýverið er hraðinn kominn enn neðar en nokkru sinni fyrr... ég fæ ríflega 500-700 Kbs að jafnaði samkvæmt hraðamælingum Vodafone og RHÍ, og utanlandshraðinn gæti alveg eins verið á dialup. Erfitt að spila netleiki og reyna að horfa á streaming efni án þess að maður lendi í vandræðum.

Frekar skítt miðað við að maður er að borga hönd og fót fyrir þetta. Ég stunda ekki mikið að ná í hluti erlendis frá, þ.e.a.s risastórar skrár sem ná upp í nokkur GB. *hóst*

Gæti verið að þar sem að Vodafone geta ekki mælt gagnanotkun hjá ljósleiðaranotendum (sökum skorts á hugbúnaði eins og hefur komið fram hér á spjallinu) þá hafa þeir bara ákveðið að allir viðskiptavinir á ljósi séu sekir um grimmilega netmisnotkun og þess vegna ákveðið að setja okkur öll undir sama hattinn, m.ö.o. cappað okkur niður í ekki neitt?

[akarnid]

Já það er hundleiðinlegt að þetta skuli vera svona cappað...
Væri ekki miklu réttara og betra að gera bara eins og vodafone... rukka bara fyrir umframmagn? (og kannski cappa líka?)
Er eitthvað óeðlilegt við að notendur borgi fyrir notkun? Rétt eins og að ég hef aðgang að rafmagn og vatni, að þá borga ég fyrir eftir hversu mikið ég nýti mér þjónustuna......

Frábært og málefnalegt svar þarna hjá þér Natti. Það er akkúrat þetta sem ég hef verið að reyna að útskýra (en kom mér ekki að að gera í svona mörgum orðum. Ég er þokkalegur notandi á netinu, ég játa alveg að ég næ mér bíómyndir, þætti við og við. Sæki stóra patcha og etv. distróa til að prófa. Auk þess sem system updates taka alltaf þokkalegt pláss í hverum mánuði á vélarnar á heimilinu.

Ég er líka á PSN Network að sækja mér dót þar, leiki, demós, videó. Þar á undan á Xbox Live

Samt sem áður er utanlandsnotkun mín ekki búin að fara yfir 30 Gb per mánuð undanfarna 6 mánuði. Þó ég reyndi þá næ ég ekki upp í þessi takmörk. Hins vegar verð ég var við hella slow internet á kvöldin, og ég veit að þá er linkurinn þokkalega mettaður. Og það er vegna gagnasukkaranna.

Þessi hópur er bara fámennur en hávær. Þannig sé ég það. Þetta eru rétt næstum 5% af ADSL viðskiptavinum Símans. Ég lít ekki á að þeirra réttur sé að skerða upplifun hinna. Síminn hefur alltaf áskilið sér rétt í skilmálum til að breyta þeim með stuttum fyrirvara. Þannig var það þegar ég byrjaði hjá þeim upphaflega 2003 og það hefur haldið sér sér síðan. Þetta er ekki lengur auglýst sem ótakmarkað niðurhal og hefur ekki verið í nokkra mánuði.

[Harvest]

En af hverju ekki að gera eitthvað fyrir þessi 5% (sem ég held að séu meira eins og 15%) í stað þess að cappa þá með leiðindum. Einfaldlega að brrga aðeins meira fyrir gígabætin.

T.d. eins og TechHead sagði. Umfram gb kosta Þá einhverjar krónur...

[gunnaroi]

1. Hætta að auglýsa tengingarnar sínar sem "ótakmarkaðar"
2. Setja fyrirtækja tengingar í forgang með betri deilibúnaði gegn hærra verði
3. Bjóða upp á sveigjanlegri gagnamagns kaup þar sem t.d. 6 manna fjölskylda með 4 tölvur á heimili gæti verslað 20gb meira gagnamagn fyrirfram á einfaldann hátt fyrir t.d. 90kr GB.
4. Bjóða uppá "dýrari" áskriftar leið fyrir "stórnotendur" sem myndi til dæmis vera með 100GB á mánuði en hraðatakmörkun uppá 200 KB/s á daginn en 400 KB/s á nóttunni í erlendann hraða.
5. Gera ársreikninga sína við Transit sala og úthlutun/notkun bandvíddar sýnilegri fyrir viðskiptavini sína.

Mjög gott input frá Natta, og síðar akarninu enda ekki við öðru að búast frá þessum ágætu mönnum ^^

Hins vegar virðist Tech Head telja sig vera með lausnirnar á hreinu og þar er ég hreint ekki sammála honum.

1. Samkvæmt reglugerð frá Póst og Fjar hafa allir ISPar þurft að hætta að auglýsa adsl tengingar sínar sem ótakmarkaðar þar sem þeir takmarka tenginguna við óhóflega notkun (sem hver ISPi túklar hver á sinn hátt). Takmarkanirnar eru svo framkvæmdar hver á sinn hátt líka.

2. Fyrirtækjatengingar hafa allt aðra skilmála heldur en einstaklingstengingar. Þær tengingar sem Natti virðist vera að tala um og þar af leiðandi þú að svara eru heimatengingar starfsmanna fyrirtækja og eru þær sárasjaldan notaðar öðruvísi en aðrar heimatengingar. Það er því engin ástæða til að setja þær í forgang því það væri hrein og klár mismunun. Þó svo að sumir noti heima-vinnutengingarnar sínar nær eingöngu til vinnu þá skemma svörtu sauðirnir fyrir hinum. Þarna finndist mér fyrst vera að ranglega mismuna fólki.

Kynntu þér endilega fyrirtækjapakka, t.d. hjá Símanum. Getur fengið allar upplýsingar um þá með því að hringja eitt símtal í 8004000 og velja 1 =)

Spurningu 3-5 er hægt að svara öllum í einu. Svarið við spurningu 5 er ef að ISParnir myndu gera þessar tölur opinberar þá væriru ekki að spyrja spurningu 3 og 4. Þessar tölur eru gríðarlega háar í dag þar sem bandvíddin er öll greidd í evrum. Einn svokallaður "stórnotandi" getur kostað ISPann yfir 100.000kr fyrir tengingu sem þeir greiða sjálfir 7.490 krónur fyrir. Með minni áskriftarleiðum og nýjum verðþökum fara tengingar hjá Símanum hæst í 8500 krónur. Gott og vel að það eru kannski ekki allir þessir stórnotendur að kosta 100.000.- en ég leyfi mér að fullyrða að vel margir þeir sem láta hvað hæst í sér heyra á spjallvefum eru að kosta ISPana yfir 50 þús.

Og ég vil benda á, og ítreka það sem akarnið sagði og segja að þetta séu aðeins rétt innan við 5% notanda og enda þetta svo loks á spurningunni hans Natta; "Hvað á þessi ISP að gera?"

[jonsig]

Ég er bara sáttur með mína 1024 KBs tengingu (en að borga þó fyrir 2mbps) þeir hjá hringiðunni hafa breytt þessu án míns samþykkis . En meðan það er svona transit kreppa í gangi , þá finnst mér 300kbps upload bara hrein græðgi. Það er sér íslenskt að kunna sér ekki hóf , það er í mörgum tilfellum alltaf farið útí einhverja geðveiki alltaf verið að nýta momentið áður en þetta er tekið af eins og ótakmarkað niðurhal t.d. Og ef menn eru að dl 500mb á dag útaf þeir eru að spila WOW allan dagin og eiga ekkert líf , þá finnst mér það ósanngjarnt gagnvart fólki sem þarf að nota internetið í einhverjum vitrænum tilgangi.

En ég er sammála mönnum hérna sem lýsa yfir óánægju sinni yfir að vera borga stóran pening fyrir 12mbps tengingar en fá bara brot úr henni. Ef símfyrirtæki hafa lægri transit aðgang heldur en þróunnarríki í eins og úganda, þá hafa þeir ekki rétt á því að bjóða svona mikinn dl hraða . Þannig ef notandi með 12mbps er að fá sama úr tengingunni sinni og notandi með 3mbps , útaf litlum transit hraða símfyrirtækis þá er það bara bruðl að vera láta hann borga meira.

Ég sjálfur hef verið að fara uppí ca. 20gb að meðaltali á mánuði . En þá er ég að dl forritum sem ég hef keypt að utan , og mér finnst ósanngjarnt að það sé sett mig í hóp "þjófa" að dl ólöglegu efni

[depill]

Gott og vel að það eru kannski ekki allir þessir stórnotendur að kosta 100.000.- en ég leyfi mér að fullyrða að vel margir þeir sem láta hvað hæst í sér heyra á spjallvefum eru að kosta ISPana yfir 50 þús.

Nei nei nei nei nei nei nei ( og endalaust nei ), það að segja að einhver stórnotandi kosti allt að 100.000 kr er bara lygi. Ef fólk hefur kannski ekki náð því sem ég er mótmæla hérna þá er það eftirfarandi

ÞAÐ ER SÍFELLT VERIÐ AÐ SKERÐA ÞJÓNUSTUNA. Ég nota ekki þessi 40 GB á mánuði, við erum hérna með 4 tölvur og ég get 100% lofað því að hér er ekkert niðurhalað neinum lögum, né myndböndum, né sjónvarpsþáttum. Hins vegar er hér horft á SkySports myndbönd, YouTube myndbönd, skoðað erlendar frétta síður, sóttir bæklingar erlendis frá o.s.frv, ég fékk núna síðast yfirlit um að við höfum notað 17 GB, þannig ég er ekki að komast í þakið. Hins vegar hefur þakið hjá Símanum farið 50 GB á viku -> 20 GB á viku -> 10 GB á viku -> 1 GB á viku ?, spurningin mín er bara hvar þetta stoppar, ég er ekki að segja að þetta verði að vera 40 GB, eða 80 GB, ég er að segja að ef ekkert sé gert verður bara pre-HIVE tímabil, kannski 2 GB á mánuði + 500 MB á sunnudögum. HVAÐ ER AÐ GERAST, FÓLK ER AÐ VORKENNA SÍMAFYRIRTÆKJUNUM, ekki vorkenna einkaaðilum, það eru allir að hugsa um rassgatið á sér. Og ég vill bara ekki að hér stefni Íslandi til fornalda með eithvað pinkuerlent niðurhal.

Við skulum byrja á kostnaði t.d. Símans, kostnaðurinn er leiga á bandvídd á FARICE sem er X ( fastur kostnaður miðað við bandvíddarstærð ) og svo kostnaður við transit erlendis kostnaður Y sem er líka fastur kostnaður miðað við bandvíddarstærð. Við vitum sem vitum eithvað um þennan geira að íslenskir aðilar kaupa alltof mikið af transit erlendis miðað við hvað þeir geta komið heim til landsins í gegnum FARICE. Síminn er tengdur við LINX OG AIX fyrir peering. Vodafone verslar t.d. við Cogent Co þar sem er talað um að aðilar séu að borga $4 dollara fyrir megabitið ( allt niðrí, væntanlega Íslendingar aðeins meira ).

Það að ljúga að almenningi að 5% af notendahópnum sé að kosta allt að 100.000 kr fyrir Símann er bara dónaskapur. Það er ekki hægt að bera þetta saman, og væntanlega þar sem hefur verið hingað til cappað í 80 GB, þá vill fjölmiðlafulltrúi Símans meina að þeir séu bara næstum því að greiða með gagnamagni til fyrirtækja, sem þeir eru svo klárlega ekki að gera, 100 GB hjá Símanum til fyrirtækja kostar 110.000 kr. Bíddu ætla þeir þá að greiða núna með öllum þeim sem eru að niðurhala 40 GB 52.800 kr ( samkv. verðskrá Símans ). BULL BULL BULL BULL.

Síminn fær algjöra falleinkunn hjá mér fyrir að láta svona bull út úr sér, og ég hlustaði á þennan fjölmiðlafulltrúa í Reykjavík Síðdegis þar sem hún er einmitt spurð út í þetta og þar spurja þeir hvað bandvíddin kosti fyrir Símann og hún hafði ekki hugmynd um það og snéri bara út úr og svaraði einhverju bulli. Íslenskir fjölmiðlar eru bara svo lélegir að fylgja eftir spurningum. Þetta land er að fara til anskotans þegar fólk er byrjað að vorkenna fyrirtækjum fyrir að þurfa að greiða með þessum tengingum og hvað næst pólitíkusum fyrir að vinna svo mikið ?

Og natti, ég er meira en til í það að borga fyrir alla bandvíddina sem ég nota ef hún er sé rukkuð á sanngjarnan hátt sem hún er ekki gerð hérna á Íslandi....

[wat]

Við skulum byrja á kostnaði t.d. Símans, kostnaðurinn er leiga á bandvídd á FARICE sem er X ( fastur kostnaður miðað við bandvíddarstærð ) og svo kostnaður við transit erlendis kostnaður Y sem er líka fastur kostnaður miðað við bandvíddarstærð. Við vitum sem vitum eithvað um þennan geira að íslenskir aðilar kaupa alltof mikið af transit erlendis miðað við hvað þeir geta komið heim til landsins í gegnum FARICE. Síminn er tengdur við LINX OG AIX fyrir peering. Vodafone verslar t.d. við Cogent Co þar sem er talað um að aðilar séu að borga $4 dollara fyrir megabitið ( allt niðrí, væntanlega Íslendingar aðeins meira ).

Kostnaðurinn við útlandasambönd hjá ISP á Íslandi er ca. svona: Farice 90% - transit 10% (ef transit nær þá 10% ...)
Það þýðir ekkert að vera að spá í transit kostnaðinum, hann er ekki rassgat m.v. verðlagninguna á Farice.

S.s. ISP kaupir segjum 1 gbit í gegnum Farice til London og borgar fyrir það fast verð. Síðan þarf að kaupa transit af 1 eða fleiri aðilum úti, sú umferð er rukkuð skv. 95th percentile þannig það skiptir litlu þó keypt sé t.d. 10gbit transit. Síðan tengist ISP oftast við IX eins og t.d. LINX og/eða AMSIX þar sem hægt er að peera ókeypis við marga aðila og þal. lækka transit kostnaðinn.

Farice er eina ástæðan fyrir því að við erum alltaf í þessum bandvíddarvandræðum, ef eigendur Farice hefðu áhuga þá væri hægt að hafa miklu stærri pípur út úr landinu en við höfum íd ag.

[Haxdal]

Síminn fékk mikið af sínum búnaði með þegar Exista keypti Símann á sínum tíma. Ríkið var búið að borga meiri hlutann af búnaðinum og í kringum einokun náði Síminn að skila fínum hagnaði á hverju ári og gerir enn.

ISAM símstöðvarnar voru ekki með þegar Exista keypti Símann síðast þegar ég vissi, Og eitt stykki ISAM Símstöð kostar nú ágætan slatta.
en það er náttúrulega enginn kostnaður í að byggja upp ISAM netið, VDSL, GPon, 3G?!, tvodsl?, nei alls ekki, enginn stofnkostnaður eða rekstarkostnaður eða viðhaldskostnaður, allt ókeypis á Íslandinu.

Væri ekki miklu réttara og betra að gera bara eins og vodafone... rukka bara fyrir umframmagn? (og kannski cappa líka?)

Skemmtilegt að fá 100 þús króna reikning fyrir erlendu niðurhali ..
Ég vil frekar browsea netið hægt en að fá tugi þúsund króna reikning, en það er bara ég.

1. Hætta að auglýsa tengingarnar sínar sem "ótakmarkaðar"
2. Setja fyrirtækja tengingar í forgang með betri deilibúnaði gegn hærra verði

1. Langt síðan það var hætt að auglýsa ótakmarkaðar tengingar.
2. Ég veit ekki betur en að fyrirtækjapípur séu með hátt á QoS á utanlandspípunum, en hvað með starfsmannatenginar varðar þá eru þær bara höndlaðar einsog normal tengingar.

155Mbps leið í Farice kostar um hvað, 50Millur á ári, og einhverjir orðrómar um að þessi gjaldskrá sé að fara að hækka.
Síminn er með hvað, 1.8ish Ter throughput ...
Það gera um 600Milljónir á ári. eða um 14 þús kall fyrir hvern heimtengdan ADSL notenda hjá Símanum.

Skoðaðu þetta hlutfallslega, og þá er 100 þús kall ekkert ólíkleg tala fyrir stórnotendur, ef 90-95% allra notenda eru með innan við 40GB á mánuði í erlent niðurhal.

Ég er nú ekki með neinar tölur um fjölda fyrirtækja/fyrirtækjatengingar en ég leyfi mér að efast um að Fyrirtæki séu að nota gífurlegt magn af þessari pípu, væri frekar eitthvað af þessum um 40 þús ADSL notendum sem væru að gera það.

Og þótt ég hafi nú ekki oft hringt í Þjónustuver Símans um miðja nótt, þá finnst mér það samt gott að eiga möguleikann á því ef eitthvað kemur uppá.

Ég hef nú sjálfur persónulega verið að nota um 60-70GB á mánuði og þarf að fara að sýna smá aðhald, fara að nota innlenda mirrora þegar ég næ í Nýju linux distroin og svona

Og ég hef nú misst stjórnina og verið cappaður, en mér fannst það ekkert vera neitt issue þannig séð.. oh noes ég er aðeins lengur að ná í ókeypis bíómyndina í DVD gæðum sem ég er að ná í gegnum sjóræningjasíður á jafningjanetinu...

Ég er starfsmaður Símans, og það sem ég segi hér eru mínar skoðanir og yadda yadda ... <standard disclaimer goes here>