Kæru Vaktarar
Eins og þið hafið kannski tekið eftir er búið að stofna nýjan flokk undir Vélbúnaður sem nefnist Review eða vélbúnaðarumfjöllun. Þetta mun þráðurinn heita á meðan ekki finnst betra íslensk nafn. Ábendingar um íslensk nafn eru vel þegnar.
Forsagan að þessum þræði er sú að mér hefur fundist vanta hér í flóruna á Íslandi eitthvað sem líkist því sem tíðkast mikið erlendis og við allir þekkjum, sem review á vörum sem tengjast tölvum og tölvubúnaði. Að sjálfsögðu er hægt að nálgast slíkt víða og það er ekkert verið að finna upp hjólið hérna. Það sem skilur okkur á Íslandi t.d. frá BNA er verðlag og mismikið vöruúrval. Það hefur óneytanlega mikil áhrif á endanlegar niðurstöður og ályktanir sem draga má af prófunum á vélbúnaði. Það var því ekkert annað í stöðunni en að gera tilraunir með þetta sjálfur. Forsvarsmenn Vaktarinnar tóku vel í þá hugamyd að leyfa birtingar á slíkum umfjöllunum, og því þessi þráður.
Ég sjálfur kaupi vélbúnað oftar en skokka eða nærbuxur, og að vesenast í kringum tölvur er mitt aðal áhugamál. Ég ætla mér að halda þessu áfram svo lengi sem einhver sýnir áhuga á að lesa þetta.
Ef einhver annar hefur áhuga á að skrifa um vöru sem hann keypti eða einhver eða eitthvað fyrirtæki hefur veitt honum tækifæri til að prufa þá er honum velkomið að hafa samband við mig í pm. Sett verður síðar beinagrind með leiðbeiningum um hvernig byggja megi gróflega upp slík review. Ég get líka verið mönnum innan handar ef þeir þurfa hjálp með þá takmörkuðu reynslu sem ég hef af þessu.
Það er ætlunin að halda þessum þræði eins hlutlausum og „faglegum“ og hægt er. Það er ástæða til þess að biðla til þeirra sem stunda innflutning eða sölu á vörum í þessum geira að þarna er komið fyrir þá tækifæri til þess að koma vöru sinni á framfæri.
Ég er tilbúinn að gera slík review fyrir hvern sem er um hvað sem er án endurgjalds og einungis ánægjunar vegna. Ef menn eru að velta því fyrir sér hvort ég hafi tæknilega getu eða kunnáttu eða sé yfirhöfuð treystandi fyrir þeirra vöru, þá geta þeir haft samband við mig í pm.
Vonandi byrjar þetta smátt en hver veit þetta gæti undið upp á sig. Ekki er endilega þörf á því að næsta umfjöllun sé um Q6600 örgjörva, þó það væri að sjálfsögðu mjög gaman, hún gæti jafnvel verið um 2500 kr. USB drif.
Kveðja Yank
Kæru Vaktarar
-
Yank
Höfundur - </Snillingur>
- Póstar: 1058
- Skráði sig: Mið 29. Des 2004 17:01
- Reputation: 0
- Staðsetning: www.tech.is
- Staða: Ótengdur
