Spurningin er hins vegar hvar maður gerir það? Þegar ég reyni að forpanta hana í gegnum linkinn hér að ofan kemur í ljós að þeir senda bara innan Bandaríkjanna. Þegar ég vel Microsoft Store Worldwide og vel Ísland gefst mér bara færi á að kaupa Windows og Office hugbúnaðinn.
Er einhver Vaktari sem hefur eða ætlar sér að panta Surface 3 að utan? Dettur ykkur í hug hvaðan maður gæti hugsanlega keypt hana með ásættanlegu sendingargjaldi? Mér dettur í hug að senda skeyti á ShopUSA og þannig þjónustur en ég vil kaupa Type Cover líka og langar helst í evrópskt layout á lyklaborðinu. (Er til eitthvað sem heitir ShopEU?
)Tölvan fer ekki í almenna sölu fyrr en eftir helgi þ.a. það liggur svo sem ekkert á. En það væri gaman að heyra frá einhverjum sem veit hvernig maður getur fengið svona tölvu senda hingað á klakann.
