Að búa til slím

[GuðjónR]

Litli nördinn minn fann youtube myndband sem sýnir hvernig hægt er að búa til slím.
Get ekki neitað því að mig langar að prófa þetta, en hvar finnur maður "Liquid Starch" ?
Var að googla þetta og Starch er víst eitthvað stífelsi sem notað er við fatapressun.

[AntiTrust]

Starch er nú bara sterkja, ein algengasta tegund einfaldra kolvetna, sem myndast m.a. við ljóstillífun í plöntum og grænmeti

[methylman]

Ætli þetta sé ekki það sem hét stífelsi og var notað til þess að strauja skyrtukraga í den það er til sagnorð í ensku sem af þessu er dregið to starch http://www.wikihow.com/Starch-a-Shirt

[Viktor]

http://www.mbl.is/frettir/taekni/2012/1 ... _buid_til/

Nú eru sex dagar til jóla og í dag sýna eðlis- og efnafræðinemar við Háskóla Íslands hvernig hægt er að búa til Konráðs gæða klístur í eldhúsinu heima en Lína Langsokkur notaði slíkt klístur mikið í ævintýrum sínum.

Jóladagatal vísindanna er ætlað krökkum á öllum aldri og markmiðið er að auka áhuga þeirra raunvísindum og verkfræði með það fyrir augum að fjölga nemendum í greinunum til framtíðar. Samtök Iðnaðarins eru bakhjarl verkefnisins.

Efni og áhöld:

· Tvö einnota mál (glös)
· Reglustika og tússpenni
· Vatn
· Hvítt föndurlím (ekki trélím)
· Borax (fæst í garðyrkjuverslunum, t.d. í Garðheimum)
· Ílát til að hrista lausn í, t.d. lítil krukka með loki eða ½ L plastflaska
· Tréprjónn eða eitthvað annað til að hræra með
· Matarlitur. Það er flott að nota grænan eða bláan.

Verklýsing

· Merkið glasið með tveimur línum, 3 og 5 cm frá botni glassins.
· Hellið lími í glasið, upp að 3 cm línunni.
· Hellið vatni í glasið, upp að 5 cm línunni og hrærið vel.
· Búið til mettaða borax lausn:

o Setjið um eina teskeið af borax og ca 1 dL af vatni í krukku eða flösku. Hristið vel. Gætið þess að enn sé eitthvað óuppleyst borax á botninum.

o Leyfið borax lausninni að standa í 2 mínútur svo að kornin nái að setjast vel til botns.

o Hellið þá hluta af lausninni í annað tómt mál en gætið þess að kornin fari ekki með.

o Setjið nokkra dropa af matarlit út í lausnina.

· Hellið hluta af borax lausninni út í límlausnina, smá í einu og hrærið á milli. Þið finnið hvernig lausnin þykknar. Farið varlega, því ef þið hellið of mikilli borax lausn út í þá misheppnast tilraunin. Það þarf ekki að nota alla borax lausnina.
· Þegar límlausnin er öll orðin þykk og slímug má taka slímið upp úr og leika með það.
· Þegar þið eruð ekki að leika með slímið er best að geyma það í lokuðu íláti, t.d. í loftþéttum renndum poka (zip).
· Slímið er ekki eitrað en það er ekki æskilegt að borða það.

Hvernig virkar þetta?

Föndurlím inniheldur fjölliður. Fjölliða er sameind sem má líkja við langa keðju þar sem grunneiningin er alltaf sú sama og endurtekur sig. Fjölliðurnar í líminu renna til án þess að festast saman, eins og spagettí í vatni.

Borax lausnin inniheldur sameindir sem hvarfast við fjölliðurnar. Hver borax sameind hefur tvær “hendur” sem geta gripið í fjölliðu. Þegar borax lausninni er blandað út í límlausnina grípa borax sameindirnar í fjölliðurnar þannig að þær geta ekki lengur runnið hvor framhjá annarri. Þá þykknar lausnin og verður að slími.

Þetta slím inniheldur ekki sömu efni og þau slím sem fást í leikfangaverslunum. Helsti munurinn er sá að þetta slím inniheldur vatn sem gufar upp úr slíminu með tímanum. Þá þornar slímið og eyðileggst. Þess vegna er best að geyma það í lokuðu íláti.

Maíssterkja í íslenskum verslunum(corn starch):
http://images.google.is/search?q=maizena

[GuðjónR]

Sniiiiiiiildd...
Ætla að prófa þetta við fyrsta tækifæri.

[hrabbi]

Þú ættir að geta fengið slím eins og hann er með í myndbandinu með því að leysa maizena í vatni og blanda því við föndurlím, glært fyrir gegnsætt slím og hvítt fyrir ógegnsætt slím? Sumar uppskriftir nota borax en það sakar ekki að prófa hitt fyrst ef það er til mjöl í eldhúsinu...
Flott að vita að Borax fæst í Garðheimum - mig hefur lengi langað að prófa að búa til eigið uppþvottaefni og þvottaefni og þetta er í flestum svoleiðis uppskriftum

[Klaufi]

Guðjón, afhverju?

Af öllum hlutunum á Youtube, afhverju slím?

[GuðjónR]

Guðjón, afhverju?

Af öllum hlutunum á Youtube, afhverju slím?

Spurðu dóttur mína sem er 9 ára;)

[DabbiGj]

guðjónr, prófaðu líka ða blanda kartöflumjöli við vatn þá færðu non newtonian liquid


http://www.youtube.com/watch?feature=pl ... L6I#t=127s

[Xovius]

Fyrst þú ert að fara að finna þér starch...

[SneezeGuard]

Sterkja sem innihaldslýsíng er eiginlega ekki nóg. Sterkja er t.d. kartöflumjöl og Maizena. Sterkja hegðar sér mismunandi eftir hvaðan hún kemur svo það gæti verið gott að taka sérstaklega fram hvernig sterkju á það nota. T.d. hveitisterkja er ekki það sama og maíssterkja. Er lærður konditor svo ég vona að ég viti eitthvað um þetta. Þið getið til dæmist búið til tyggjó úr hveiti og vatni og búið til bolta-laga vatn úr maizena og vatni, ef þið haldið því að hreyfingu. knowledge is fun

[playman]

Fyrst þú ert að fara að finna þér starch...

Gætir alveg eins notað hveiti í þetta.

[Svansson]

Starch er nú bara sterkja, ein algengasta tegund einfaldra kolvetna, sem myndast m.a. við ljóstillífun í plöntum og grænmeti

Ég skil. And where might one buy one?