Ég er óánægður með Tölvutek

[mind]

Síðast þegar ég las neytendalögin þá var tekið fram að skylduábyrgð væri einungis 2 ár. Nema þessu yrði breytt má því gera ráð fyrir því að nema framleiðandi bjóði aukna ábyrgð geti það vel verið að tæki bili eða eyðileggjist eftir þennan tíma.

http://neytendastofa.is/lisalib/getfile.aspx?itemid=2202

BITE ME !...

Fannst reyndar frábært að finna þetta strax...

Þetta er mjög nýlegt mál um tölvu sem var orðin 2 ára og 8 mánaða þegar móðurborðið skemmist.

Söluaðili er skildaður til að skipta um móðurborð...

Mér persónulega finnst þessi dómur sanngjarn og réttlátur.

Þó svo að tölvur verði dýrari .... þá finnst mér það þess virði að hafa þessa tryggingu að baki...

Jei, rusltal. Undirstrikar lítið annað en þroskastig skrifanda.
Allavega þetta er ekki dómúrskurður, einungis álit kærunefndar.

Söluaðili er ekki skildaður til að gera neitt, hann á samt líklega eftir að skipta um móðurborð kúnna að kostnaðarlausu. Einfaldlega vegna þess að það er ódýrara ferlið fyrir hann á þessu stigi.
Kostnaðurinn skilar sér svo í hækkuðu vöruverði, ef þú ert sáttur við hærra vöruverðið, keyptu þá bara strax aukalegu ábyrgðina fyrir þriðja(3) árið.

http://neytendastofa.is/lisalib/getfile.aspx?itemid=1734

Kærunefnd lausafjár- og þjónustukaupa er ekki "álit" heldur lögbundin leið neytenda til að fá rétti sínum fullnægt.

Tölva er ekki brauðrist og algjörlega út úr kú að líkja þessu tvennu saman og láta sömu ábyrgð gilda fyrir bæði sem"raftæki".

Hver er meðalendingartími móðurborðs?

Ekki hvenær það úreldist, heldur hve gömul eru þau að meðaltali þegar þau deyja?

2,75 ár er skelfileg ending... að mínu mati.

En ef þið skoðið sögu úrskurða nefndarinnar þá man ég eftireinumúrskurði um fartölvu sem nefndin gjörsamlega hafnaði innan ábyrgðartíma þar sem tölvan var mikið rispuð og leit út fyrir að hafa fengið högg á sig.

Því tel ég að þessi úrskurður sé réttmætur, ef tölvan lítur út eins og ný og þetta gerist þá .... á maður að fá að bætt. (kröfurnar geta ekki verið miklar en allavega plástur á sárið).


En ég vona að einhverjir hérna inni taki þetta til sín og byrji að bera ögn meiri virðingu fyrir rétti neytenda, sérstaklega þar sem maður skynjar að margir hérna vinna í þessum þjónustugeira.


Ég er innkaupamegin í mjög stóru tölvuumhverfi og ég mun nýta mér þennan úrskurð til að pressa á okkar birgja um fríar viðgerðir eftir að ábyrgðartíma líkur ef það eru íhlutir sem hefðu átt að endast mikið lengur (gef mér auka ár).


Mér finsnt ég hafa forsendurnar til þess.. ósanngjarnt? já .. kannski en í þessari kreppu þá munar um allan business...

Eina sem er tekið fram er að kærunefndin sé lögbundin kæruleið neytanda. Hún ætti því ekki að hafa dómsúrskurðarvald og er því ekki lagalega bindandi.

Þetta snýst ekki um virðingu fyrir neytanda, þetta snýst einfaldlega um hverjar lagalegar skyldur fyrirtækja eru gagnvart viðskiptavinum.

Að eigin sögn sérðu ekkert athugavert við að beita öðrum ósanngirni hagnist það sjálfum þér, ætli það endurspegli ekki nokkuð vel það sem virðist vera þín útgáfa af réttlæti.

Enn og aftur þá er ég ekki að segja þetta sé rétt, eðlilegt eða jafnvel æskilegt. Einungis að líklegast sé þetta raunveruleikinn sem blasir við flestum.

[rapport]

Að eigin sögn sérðu ekkert athugavert við að beita öðrum ósanngirni hagnist það sjálfum þér, ætli það endurspegli ekki nokkuð vel það sem virðist vera þín útgáfa af réttlæti.

Ég lít svo á málin að þegar fyrirtæki selur rándýr raftæki sbr. sjónvörp, tölvur, þvottavélar og þurrkara o.þ.h. þá sé um meiriháttar fjárfestingu að ræða fyrir heimilin í landinu.

Að vernda rétt neytenda um að fá vöru sem endist í samræmi við umfang þessarar fjárfestingar er mikilvægt og það er það sem kærunefndin var að gera í þessu tilviki.

Réttlætinu fer því batnandi.


Þessi skoðun/túlkun á neytendalöggjöfinni er ekki ný af nálinni og ætti ekki að koma fyrirtækjum á óvart (nema rekstraraðilarnir séu e-h tregir).

Þessi túlkun gerir það að verkum að fyrirtæki sem selja drasl... lognast út af. Þau sem selja gæðavörur munu lifa áfram.


Neytendur eru ekki sauðfé sem á að rúa inn að skinni með því að selja þeim e-h drasl sem lúkakr vel en endist ekki...



Varðandi "Lögbundin leið" þá var ég ekki að segja að þetta kæmi í stað dómstóla, hingað til hafa dómstólar þó sjaldnast snúið úrskurðum nefndarinnar þegar farið hefur verið með mál lengra.


Varðandi þroskastigið þá fannst mér það viðeigandi að nota þennan frasa eftir að samskipti góru að einkennast af hroka einhveru sem yfirgangi.

Mæli með því að newbee í viðskiptum kynni sér regluverkið og staðlana sem notaðir eru á sama hátt og einhver nýr í tölvumálum þarf að gera til að skilja "lingóið" hér á vaktinni.

Helst áður en hann fer svo að rífa sig.

[mind]

Setningarnar eru bara gjörsamlega útúm allt, ég næ litlum botni í hvað það er sem þú ert að reyna koma á framfæri hér.
Mér sýnist það vera að þér finnist að fyrirtæki eigi að taka á sig ábyrgð umfram lagalega skyldu og gera það að kostnaðarlausu einungis vegna þess að einhver kærunefnd túlkaði eitthvað og það hljóti að vera réttlæti því álitið var í hag neytandans.

En álit, túlkanir eða skoðanir þínar sem og annarra eru ekki æðri lögum!

Ef þú eða einhver annar ætlar ekki að breyta lögunum um hver skylduábyrgð á raftækjum þá verða áfram bara þessi 2 ár.

Neytendur vita áður en þeir versla vöru að einungis er 2 ára ábyrgð á henni, það er þeirra að meta hvort þeir vilji samt fjárfesta í henni. Þarfnist þeir aukalegrar ábyrgðar bjóða flestir uppá hana gegn gjaldi.

Því er það ekki raunhæf krafa að versla vöru vitandi að einungis er skylduábyrgð á henni og kvarta svo og kveina yfir óréttlæti þegar varan bilar utan ábyrgðartíma.

[roadwarrior]

Ábyrgðartími á ýmsum heimilistækjum er komin í 5 ár. Þetta er ekki einhver regla sem íslendingar settu á uppá sitt einsdæmi, þetta eru reglur sem EU/ESB settu á. Þetta á aðalega við "white goods" Það er líka komið á að framleiðendur verði að sjá til þessa að heimilstæki sem hann seldi viðskiftavini séu endurunnin á löglegan hátt. ´Þótt að það séu jafnvel liðni fjöldamörg ár.
Mæli með að menn skoði td vef neytendasamtakana. Þar má ýmislegt fróðlegt finna!!!
Eins og ég sagði hér í annari grein sem ég sendi hér inn fyrr, LEITÐ EFTIR UPPLÝSINGUM!!!

Tekið af vef Neytendasamtakana!

16. október 2007

Fimm ára reglan
Á þessum vettvangi hefur áður verið fjallað um helstu úrræði neytenda verði vart galla í söluhlutum.

Hér á eftir er þó ætlunin að einblína eingöngu á fimm ára regluna svokölluðu.

Flestir vita að eftir að nýr hlutur er keyptur hefur neytandinn tvö ár til að bera fyrir sig galla. Þetta tímabil er almennt kallað kvörtunarfrestur og felur í sér að kaupandi hefur alltaf tvö ár frá söludegi hlutar til að láta vita af galla á hlutnum.

Þessum kvörtunarfresti má svo ekki rugla saman við ábyrgð. Kvörtunarfrestur er einfaldlega lögbundinn réttur kaupandans en ekki er talað um ábyrgð seljanda nema hann taki á sig ríkari skyldur en lögin bjóða. Þannig er t.a.m. með ábyrgðaryfirlýsingu hægt að ábyrgjast gormakerfi í dýnum eða ákveðna hluta innréttinga í lengri tíma og gilda þá tímamörk ábyrgðarinnar en ekki kvörtunarfresturinn.

Þrátt fyrir að almennur kvörtunarfrestur sé tvö ár eru þó undantekningar frá honum. Þannig segir í 27. gr. neytendakaupalaga: „Ef söluhlut, eða hlutum hans, er ætlaður verulega lengri endingartími en almennt gerist um söluhluti er frestur til að bera fyrir sig galla fimm ár frá því að hlutnum var veitt viðtaka.“

Þá er eftir að finna út hvað er „verulega lengri endingartími“. Í greinargerð með lögunum er ekki að finna leiðbeiningar um það. Það er þó greinilegt að öll almenn neysluvara hefur ekki verulega langan endingartíma. Hér skiptir miklu máli hvers neytandinn mátti vænta þegar kaup fóru fram. Það er þá greinilegt að ekki er hægt að koma með t.d. fjögurra ára gamla sokka og kvarta yfir lykkjufalli... En hvað um tölvur? GSM-síma? Þvottavélar? Sófasett? Sjónvörp? Er hægt að koma með fjögurra ára gamla frystikistu til seljanda og halda því fram að bilun í henni sé tilkomin vegna galla? Ljóst er að þessu ákvæði er ætlað að ná yfir stærri raftæki og bíla, enda þá um að ræða hluti sem kaupandinn reiknar með að endist honum í lengri tíma.

Samkvæmt óformlegri könnun sem Neytendasamtökin gerðu í fyrravor kom í ljós að grátlega fáir seljendur könnuðust við þessa reglu laganna, laga sem þeir eiga þó að vinna eftir dagsdaglega. Þegar spyrjandinn sagðist hafa heyrt að það væri hægt að fá úrbætur vegna galla á bílum eða raftækjum eins og ískápum í allt að fimm ár, könnuðust aðeins tvö fyrirtæki af þeim tuttugu sem spurð voru við að hafa heyrt um þá reglu. Annað þeirra tók sérstaklega fram að hafa heyrt þetta frá Neytendasamtökunum en ekki annars staðar frá. Sem dæmi um svör þeirra sem ekki þekktu regluna svaraði einn seljandi að þetta væri bölvuð della og annar sagði að þetta væri ekki rétt og hefði aldrei verið.

Umrædd regla hefur nú verið í gildi í fjögur ár og þó ekki hafi oft reynt á beitingu hennar er þessi vanþekking seljenda á henni mjög undarleg, sér í lagi þar sem þessi regla er í lögum - en ekki eitthvað sem Neytendasamtökin hafa fundið upp til að hrekkja seljendur.

Í Noregi gildir sambærileg regla og þar hafa mörg deilumál sem varða hana komið til kasta norsku kærunefndarinnar. M.a. hefur það verið niðurstaða nefndarinnar að bæði bílar og GSM-símar geti fallið undir regluna.

Sambærileg nefnd er starfandi á Íslandi, kærunefnd lausafjár- og þjónustukaupa, og hefur sú nefnd einnig fengið til skoðunar mál er varða fimm ára regluna. Nefndin hefur þannig komist að þeirri niðurstöðu að sófasett, ísskápar og uppþvottavélar geti fallið undir þessa reglu.

Eru því neytendur hvattir til að spyrjast fyrir um fimm ára regluna hjá seljanda telji þeir á sér brotið hvað þetta varðar. Enn er nokkuð óljóst hvaða hlutir falla undir hana og því um að gera að láta reyna á það!

Eftir Hildigunni Hafsteinsdóttur, stjórnanda leiðbeininga- og kvörtunarþjónustu Neytendasamtakanna. Grein þessi birtist í Viðskiptablaðinu 16. október 2007

Tekið af síðu Neytendasamtakana

03. mars 2010

Flýtimeðferð - þurfa neytendur að greiða fyrir slíkt?
Þegar vara reynist gölluð og neytandi leitar til seljanda eftir úrbótum er mismunandi hversu langan tíma seljandi áætlar í viðgerð og í vissum tilfellum er neytendum boðið upp á sérstaka flýtimeðferð gegn þóknun. Í tengslum við þetta er rétt að árétta að þegar söluhlutur er gallaður og neytandi ber fyrir sig gallann innan kvörtunarfrestsins ber seljanda að bæta úr honum á eigin kostnað. Þessi viðgerð á því ekki að leiða til kostnaðar fyrir neytanda. Seljanda ber auk þess að bæta úr gallanum innan hæfilegs tíma.

Ef viðgerðin stendur yfir í meira en viku getur neytandi krafist þess að fá sambærilegan hlut til umráða á kostnað seljanda, ef slíkt telst sanngjarnt með hliðsjón af þörfum neytandans og þeim kostnaði sem það hefur í för með sér fyrir seljanda. Neytandi verður því ekki að greiða gjald fyrir flýtimeðferð nema hann vilji það, enda getur hann átt rétt á að fá lánshlut ef viðgerðin hefur staðið yfir í viku.

Ef neytendur kjósa að greiða fyrir sérstaka flýtimeðferð verða þeir að hafa í huga að slík þóknun leiðir ekki endilegra til betri þjónustu. Þess eru dæmi að neytendur hafa greitt fyrir flýtimeðferð en samt ekki fengið bætt úr gallanum innan viku. Neytendasamtökin vilja því hvetja neytendur til að hafa varann á þegar kemur að þess háttar þóknun og hafa í huga rétt sinn, sem er að fá úrbætur á galla innan hæfilegs tíma.

[Gúrú]

Þarna varstu nú borðaður mind, ekki það að ég hafi áhuga á þessari umræðu.

[roadwarrior]

Það er enginn tilviljun að margir framleiðendur söluaðilar auglýsa með stórum stöfum að vörur njóti 5 ára ábyrgðar. Þetta á sérstaklega við úti í löndum td UK. Þeir vita sem er að flestir halda að það sé einungis 2 ára ábyrgð á vörum og reyna þess vegna að spila útá þessa reglu til að fá fleiri viðskiftavini útá það að þeir séu að bjóða betri díl. Þeir jafnvel bjóða jafnvel lengri ábyrgð td KIA bílarnir í Bretlandi eru boðnir með alltað 7 ára ábyrgð.

Lennti í svipuðu máli fyrir nokkrum árum eins og upphaf þráðarins byrjaði á.
sjá slóð:
http://www.efnahagsraduneyti.is/urskurd ... jar/nr/894

Regla númer eitt í sölumennsku er:
Buyer is the King!

[lukkuláki]

Kannski að maður bæti bara við þennan link.
Ég er líka óánægður með tölvutek.
Fór í verslun tölvuteks áðan eftir að hafa rekist á þennan prentara á síðunni hjá þeim.
http://www.tolvutek.is/product_info.php?products_id=19517

Það sem mig vantar er prentari sem prentar beint á diska og ég hélt að ég væri búinn að finna ódýra lausn en
þegar ég skoðaði prentarann í versluninni þá kom greinilega í ljós að hann prentar EKKI á diska þessi andskoti
Næsti sem gerir það kostar um 20.000kr.
Ég er fúll með að þurfa að þvælast niður í Borgartún á laugardegi til að kaupa prentara sem átti að redda mörgun verkefum helgarinnar og svo kemur í ljós að prentarinn gerir ekki það sem sagt er á síðu seljanda að hann geri.
Það kostar 206kr. líterinn af bensíni í dag og tíminn er líka peningar.

Ég veit það bara að ef ég væri að vinna í verslun þá hefði ég boðið þennan dýrari prentara á góðum afslætti til að koma til móts við kaupandann.
En þetta eru ekki afgreiðslumenn nú til dags þetta eru bara vélmenni sem engin þjónustulund er í.

[Leviathan]

Lenti í svipuðu um daginn þegar það var brotist inn í bátinn hjá pabba mínum og fartölvunni hans stolið og ég var settur í að velja nýja vél. Ég fann þessa Lenovo vél og mamma send í bæinn eftir henni. Þetta HDMI tengi sem er í auglýsingunni er svo bara ekkert á vélinni.

Ekki það að gamli hafi nokkuð við HDMI tengið að gera, en mér fannst þetta nokkuð fúlt.

[mind]

Þarna varstu nú borðaður mind, ekki það að ég hafi áhuga á þessari umræðu.

Borðaður ?
Þú ert eflaust að vísa í skrifin hjá roadwarrior, kannski berð þú ekki skilninginn á muninum um hvað ræðir í skrifum mínum og hans.

En takk fyrir gífurlega gott, innihaldsmikið og vandhugsað innlegg í umræðuna.

[Gúrú]

Þarna varstu nú borðaður mind, ekki það að ég hafi áhuga á þessari umræðu.

Borðaður ?
Þú ert eflaust að vísa í skrifin hjá roadwarrior, kannski berð þú ekki skilninginn á muninum um hvað ræðir í skrifum mínum og hans.

Jújú, og jú, en ég er bara kominn eilítið aftur í söguna.

Eitthvað hefur þessu viðurkenning farið framhjá mér, hvar má finna hana ?
Síðast þegar ég las neytendalögin þá var tekið fram að skylduábyrgð væri einungis 2 ár. Nema þessu yrði breytt má því gera ráð fyrir því að nema framleiðandi bjóði aukna ábyrgð geti það vel verið að tæki bili eða eyðileggjist eftir þennan tíma.

Svo finnst mér svörin þín bara hafa verið svo hrokafull að mig langaði bara að segja þetta.

[BjarniTS]

Virðist glatað kompaní.

[svanur08]

Þetta er svo tíbískt hata svona þjónustu, flestar tölvubúðir á íslandi í dag eru svona hugsa bara um söluna ekki þjónustuna. Þeir bara fatta það ekki ef maður fær góða þjónstu verslar maður meira við þá og þeir græða meira í leiðinni. Hef lent í því til dæmis með tölvutek maður tekur númer og bíður kannski 5 á undan manni svo er komið að mér þá labbar afgreiðslumaðurinn bara bakvið staðin fyrir að afgreiða mann, þetta er mjög pirrandi.

[mind]

Þarna varstu nú borðaður mind, ekki það að ég hafi áhuga á þessari umræðu.

Borðaður ?
Þú ert eflaust að vísa í skrifin hjá roadwarrior, kannski berð þú ekki skilninginn á muninum um hvað ræðir í skrifum mínum og hans.

Jújú, og jú, en ég er bara kominn eilítið aftur í söguna.

Eitthvað hefur þessu viðurkenning farið framhjá mér, hvar má finna hana ?
Síðast þegar ég las neytendalögin þá var tekið fram að skylduábyrgð væri einungis 2 ár. Nema þessu yrði breytt má því gera ráð fyrir því að nema framleiðandi bjóði aukna ábyrgð geti það vel verið að tæki bili eða eyðileggjist eftir þennan tíma.

Svo finnst mér svörin þín bara hafa verið svo hrokafull að mig langaði bara að segja þetta.

Ef hlutirnir eru að koma frá mér of hrokafullir þá biðst ég afsökunar á því, það er ekki ætlun mín.

[Pandemic]

Þetta er svo tíbískt hata svona þjónustu, flestar tölvubúðir á íslandi í dag eru svona hugsa bara um söluna ekki þjónustuna. Þeir bara fatta það ekki ef maður fær góða þjónstu verslar maður meira við þá og þeir græða meira í leiðinni. Hef lent í því til dæmis með tölvutek maður tekur númer og bíður kannski 5 á undan manni svo er komið að mér þá labbar afgreiðslumaðurinn bara bakvið staðin fyrir að afgreiða mann, þetta er mjög pirrandi.

Við erum nú oftar en ekki heil 5-6 stykki sem erum að vinna í afgreiðslu og þegar afgreiðslu lýkur þá þarf oft að framfylgja því að hlutir séu pantaðir. Setja pantanir í sérstaka bakka og margt margt fleira svo ég minnist ekki á að afgreiðslumenn eiga rétt á sínum pásum hvort sem það er að fá sér vatnsglas eða skreppa á salernið og við treystum því að samstarfsfólk okkar aðstoði þegar það er laust.
Ég er allavegana engin vél og það er oft virkilega mikið að gera og við leggjum okkur alla fram í að gera okkar besta til að þjónusta viðskiptavinin.

En hvað varðar söluna þá held ég að allar tölvuverslanir á landinu leggi lítið á vörur og reyni því að treggja inn viðskiptavini á þjónustunni. Það hefur allavegana verið mitt markmið hvað varðar mínar sölur að veita sem bestu þjónustunna. Maður er líka að miðla reynslunni til nýrra starfsmanna eftir fremsta megni og gefa þeim ráð.

Það er líka einstaklega gott að fólk bendi okkur á, að um villur sé að ræða á síðunni. Auðvitað er reynt að gera gott við fólk ef það fer í fýluferðir útaf röngum upplýsingum.
Bendi líka á að skoða síðu framleiðenda ef maður vill vera alveg 100% um hluti, veit að það á ekki að þurfa en engu að síður góð regla og hefur komið sér vel.

[Gunnar]

fór niðureftir með turn sem var eitthvað gallaður og ætlaði að fá nýjann. maðurinn skoðaði hvað var að í 10 sec fór svo fyrir aftan með kassan og kom með nýjann handa mér sem ég labbaði svo út með. tók 5-10 min þetta. fannst það gott.
fyrri kassinn var að að aflgjafinn lafaði niður í staðinn fyrir að vera beinn.efri skrúfan sem heldur honum var beigluð inn.

[moreno]

Sjálfur er ég ánægður með tölvutek. Fór með tölvuna í viðgerð til þeirra og þurfti að skipta um skjákort. Afgreiðslumaðurinn ætlaði að selja mér gtx260 en komst svo að því að það var ekki til fyrir sunnan (ég er á ak). Þannig að ég borgaði fyrir gtx 240 og þegar þeir fá 260 þá má ég bara koma með skjákortið og skipta (og borga auðvita mismuninn). Hvort þetta hafi verið notað skjákort sem ég fékk hjá þeim veit ég ekki og skiptir náttúrulega engu máli þar sem ég mun ekki nota það lengi. Klukkutíminn kostaði eitthvað um 2900 í viðgerð.

[Hj0llz]

Skjákortið sem þú fekkst er ekki notað, ef þú ert 8800gtx gaurinn sem var hjá okkur

[rapport]

Þó þetta dæmi snúist að einhverju leiti um Tölvutek, þá eru mín skot ekki ætluð þeim nema vegnaþessa eina dæmis.

Mín reynsla af Tölvutek er betri en af mörgum öðrum t.d. Tölvulistanum, OK, EJS og Nýherja sem ég tel einfaldlega að líti á sig sem of stóra til að sinna einstökum viðskiptavinum.

Fyrirtækin fá alla þjónustuna... en þar eru líka peningarnir og litið á einstaka neytendur sem "aukabusiness" nánast.

[Hargo]

Mín reynsla af Tölvutek er betri en af mörgum öðrum t.d. Tölvulistanum, OK, EJS og Nýherja sem ég tel einfaldlega að líti á sig sem of stóra til að sinna einstökum viðskiptavinum.

Get tekið undir það með Nýherja. Mér leið eins og enginn nennti að þjónusta mig þegar ég fór í verslunina hjá þeim þar sem ég var bara einstaklingur en ekki einhver corporate gaur...

[beatmaster]

Ég er enþá að spá í afhverju fólk er að versla annarsstaðar en í Kísildal, frábær verð og besta þjónusta á landinu by far að mínu mati

[Elisvk]

jæja, smá update.

Á mánudaginn 8. Mars var hringt í mig og sagt mér að allir varahlutirnir væru komnir og þeir myndu líklegast klára að setja þá í daginn eftir en ég ætti að hringja á fimmtudaginn til að vera allveg viss um að ég gæti sótt tölvuna. Ég hringi á fimmtudaginn og sá sem ég tala við veit ekki neitt og segist ætla að láta þetta berast. Ekkert gerist. Daginn eftir er einhver náungi sem hringir í mig og segir mér að varahlutirnir muni lenda einhverntímann í næstu viku.

ég er ekki að nenna þessu. Þetta er að verða þreytt, er ég í scare-tactics eða e'h slíkt?

[BjarniTS]

Þeir hefðu betur komið til móts við þig.
Meira en 2.000 búnir að lesa þetta.

[lukkuláki]

Þeir hefðu betur komið til móts við þig.
Meira en 2.000 búnir að lesa þetta.

Ónei það efast ég um
Ég hef örugglega komið allavega 10-15 sinnum og teljarinn gerir ekki greinarmun á því hvort ég las þráðinn 1 sinni eða 15 sinnum þetta er bara samtala lestrar og segir ekki til um hve margir hafa séð þessa umræðu. En neikvæð umræða er alltaf slæm fyrir svona fyrirtæki og dreifir sér á meðal fólks.

[Gunnar]

Ég er enþá að spá í afhverju fólk er að versla annarsstaðar en í Kísildal, frábær verð og besta þjónusta á landinu by far að mínu mati

skil ekki svona fanboy's...

[chaplin]

Ég er enþá að spá í afhverju fólk er að versla annarsstaðar en í Kísildal, frábær verð og besta þjónusta á landinu by far að mínu mati

skil ekki svona fanboy's...

Kísildalur er frábær verslun, ef fólk er ánægt þá á það til með að vitna í búðirnar. Einu verslanirnar sem ég hef viðskipti við ef ég get ekki sjálfur komist í það, eru Tölvutækni og Kísildalur.