"Nokkur tonn af kopar"

[appel]

https://www.visir.is/g/20232507178d/tel ... vera-thyfi

vá hvað þetta er svakalegt að sjá þetta gerast á Íslandi, þjófar komandi hingað til að ræna hlutum vegna kopar innihalds. Aðallega koparlínur í jörðu.

Ég hef séð svona fréttir frá útlöndum þar sem þjófar draga upp koparþræði úr jörðinni, kopar orðinn svo verðmætur.

1 tonn er c.a. $8000 dollara virði, þannig að nokkur tonn, þetta eru kannski 3-4 milljónir án þess að vita hvort þetta séu 2-3 tonn eða 20-30 tonn.

Hvernig væri nú bara að fá sér heiðarlegt starf spyr ég nú.

[jonsig]

Þetta hefur verið stundað á Suðurnesjunum af Íslendingum. Kannski ekki svona skipulagt.

Hef sjálfur verið rændur Eir með því að mæta með þetta í endurvinnslu á höfuðborgarsvæðinu. Starfsmaðurinn fann einn bút af messing í hrúgunni og borgaði mér allt hlassið samkvæmt því.

[Frussi]

https://www.visir.is/g/20232507178d/telja-kopar-i-tonna-tali-vera-thyfi

vá hvað þetta er svakalegt að sjá þetta gerast á Íslandi, þjófar komandi hingað til að ræna hlutum vegna kopar innihalds. Aðallega koparlínur í jörðu.

Hvernig væri nú bara að fá sér heiðarlegt starf spyr ég nú.

Alveg nákvæmlega ekkert í þessari frétt sem segir að þetta séu útlendingar...

[SolidFeather]

Ég var nú að vinna á vinnustað í gamladaga þar sem að það voru alíslenskir iðnaðarmenn sem buðust til að taka niður og farga kopar fyrir fyrirtækið. Það ætlaði allt um koll að keyra þegar yfirmaðurinn fattaði hversu verðmætur koparinn væri og að iðnaðarmennirnir ætluðu bara að hirða hann sjálfir.

Hvernig væri nú bara að fá sér heiðarlegt starf spyr ég nú.

[Tóti]

https://hringras.is/verdskra/
560 kr kg. hreinn kopar

[jonsig]

Heitir Eir fyrir þá sem kunna ekki Íslensku

[Klemmi]

Heitir Eir fyrir þá sem kunna ekki Íslensku

Bæði eir og íslenska eru með litlum staf, svona fyrir þá sem kunna ekki íslensku.

[jonsig]

Ég kann ekki stafsetningu.

[Hlynzi]

Svona til að fá verðlagið á hreint í koparnum, ef þið athugið það sem málma borgar er 65 kr á kg. fyrir kapla og 510-560 kr. fyrir hreinan kopar.

Ég fór nýlega með 2,7 tonn af köplum að hreinsa portið bakvið rafmagnsverkstæðið sem kaplar höfðu legið úti í allavegana síðastliðin 20 ár, mig minnir að það hafi fengist tæp 200 þús. kr. fyrir þetta...hefði ég tekið mánuð í frí til að skræla þetta hefðu sennilega fengist um 1,5 milljón fyrir.

Það er oft svolítið ofmetið hvað menn eru að fá fyrir kapla - hálf kar eða stór ruslatunna er oft um 30 þús. kr. , ágætt í smá partýsjóð eða álíka en dugir skammt. Það væri hinsvegar áhugavert að fá meiri upplýsingar um þessa frétt þarna.