spjallid.is

Vil endilega plata áhugasama úr Grafarvoginum, Grafarholti, Reynisvatnsás og Úlfarsárdal til að skoða þetta.

Íbúasamtök Úlfarsárdals og nokkrir áhugasamir íbúar hafa seinustu vikur verið að undirbúa undirskriftarlista og vefsíðu til að mótmæla fyrirhuguðum breytingum á aðalskipulagi á svæði M22.

Í byrjun febrúar verður listinn afhentur fomlega. Kynnið ykkur málið og stöðvum þessa breytingu.

www.m22.is

Mig langar að ítreka þetta, umfjöllunin hefur tekið aðeins við sig og yfir 1000 hafa skrifað undir.

Málið snýst um að mótmæla því að rauða svæðið á myndinni verði iðnaðarsvæði t.d. eins og Höfðarnir eða Vogarnir.

Viðtal í morgunútvarpinu HÉR

Grein af mbl.is, umfjöllun var í blaðinu - https://www.mbl.is/frettir/innlent/2021 ... i_obreytt/

Allar upplýsingar - https://www.m22.is/

Undirskriftalistinn - https://listar.island.is/Stydjum/97

Ég skil samt ekki alveg rökfæraluna þar sem þetta er prímastaðsetning fyrir bæði stórar verslanir og atvinnu svo nálægt stofnbraut.
Ég væri ánægður með möguleika á betri þjónustu nær mér.

Takk fyrir að benda á þetta, bý í Úlfarsárdalnum og ég er persónulega ekki hrifinn af þessari hugmynd.

slapi skrifaði:Ég skil samt ekki alveg rökfæraluna þar sem þetta er prímastaðsetning fyrir bæði stórar verslanir og atvinnu svo nálægt stofnbraut.
Ég væri ánægður með möguleika á betri þjónustu nær mér.

Matvöruverslun er bönnuð sem og smærri verslanir ekki á planinu og þá veitingastaðir, bakarí o.þ.h. ekki heldur, þetta er hugsað sem svæði fyrir þá aðila sem verið er að reka frá Höfðanum og Vogunum, s.s. bílaverkstæði, smærri heildverslanir og sérverslanir sem þurfa stórt lagerpláss. Þarna gæti þess vegna komið steypustöð.

Íbúar hér eru líka að upplifa að hafa verið blekktir, að það væru til flott framtíðarplön um stækkun og þróun hverfisins og útivistarsvæðisins hér í kring, þetta skemmir það allt + að kirkjugarðurinn sem ver er að búa til þarna verður lítið kósý að vera í jarðarför og svo er veriað reykja kjöt í næsta húsi og lyktina leggur yfir allt.

Íþróttafélagið Fram var líka platað hingað uppeftir með loforði um 20.000 manna hverfi og styrkum bakgrunn iðkenda, en grundvöllur félagsins er horfinn ef hverfið á ekki að stækka.

rapport skrifaði:

slapi skrifaði:Ég skil samt ekki alveg rökfæraluna þar sem þetta er prímastaðsetning fyrir bæði stórar verslanir og atvinnu svo nálægt stofnbraut.
Ég væri ánægður með möguleika á betri þjónustu nær mér.

Matvöruverslun er bönnuð sem og smærri verslanir ekki á planinu og þá veitingastaðir, bakarí o.þ.h. ekki heldur, þetta er hugsað sem svæði fyrir þá aðila sem verið er að reka frá Höfðanum og Vogunum, s.s. bílaverkstæði, smærri heildverslanir og sérverslanir sem þurfa stórt lagerpláss.

Þetta er algjör skandall, veit ekki afhverju þetta fær ekki meiri umfjöllun, ég get náttúrlega ekki skrifað undir bý ekki í Reykjavík.

Ég átti heima í þessu hverfi og er mjög ánægður að vera fluttur þaðan í burtu, hinsvegar væri ég allveg til í iðnaðarpláss þarna svo þetta er topp næs

Ég bý í Grafarvoginum og finnst þetta bara nokkuð fínt. Iðnaðarsvæðið uppá Höfða er nær mér en þetta svæði, og það svæði eru gömul og mis-falleg húsnæði. Líst vel á að þetta fari ekki of langt í burtu, skil samt vel að fólkið sem búi í Úlfarsárdal finnist þetta ekki heilliandi.

Hvaða lausnir leggur M22 hópurinn til, þ.e.a.s. hvaða önnur svæði sér hópurinn fyrir sér að geti hýst svona starfsemi?

jericho skrifaði:Hvaða lausnir leggur M22 hópurinn til, þ.e.a.s. hvaða önnur svæði sér hópurinn fyrir sér að geti hýst svona starfsemi?

Sama og ég hugsaði.

Afhverju á það að vera þeirra að finna út úr því hvar annarsstaðar þetta á að vera þótt þeir vilji ekki hafa þetta í sýnu íbúðahverfi?

https://en.wikipedia.org/wiki/NIMBY

Þetta er alltaf svona, enda vill fólk ekki hafa hvað sem er í sínum bakgarði. En þetta er meiri hætta þegar flutt er í hverfi í uppbyggingu, frekar en rótgróin hverfi. Kostir og gallar.

Er þetta ekki bara eins og á Völlunum í Hafnarfirði? Fyrst kom íbúðabyggð, en svo hefur verið að byggjast upp risa iðnaðarhverfi þar við hliðiná núna á síðustu árum.

Jú það er það kannski en maður segir kannski eitthvað ef maður er ekki sáttur við það, það eru líka verslanir í iðnaðarhverfinu á völlunum sem á ekki að vera í boði þarna svo mér finnst í góðu lagi að mótmæla þessu

jericho skrifaði:Hvaða lausnir leggur M22 hópurinn til, þ.e.a.s. hvaða önnur svæði sér hópurinn fyrir sér að geti hýst svona starfsemi?

Við viljum óbreytt skipulag á þessu svæði og berjumst fyrir því.

Óbreytt skipulag mundi leyfa verslanir, skrifstofur og jafnvel smærri vörulagera í bland við íbúabyggð, t.d. bílasölur.

Þetta nýja skipulag aftur á móti útilokar matvöruverslanir og opnað er á iðnað, t.d. steypustöð, bílapartasölur, Vöku, SS, MS, Hringrás ofl.


Ég skil að fólk hugsi "en hvað svo?"

Það sem hefur gerst í þessu nýja skipulagi er t.d. að iðnaðarsvæðið sem var skipulagt á Hólmsheiðinni hefur verið minnkað töluvert, að mér skilst og þetta sett inn í staðinn.

Við viljum ekki vera koma með tillögur sem meika svo minna sens og fá á okkur gagnrýni fyrir það.

Það er alveg nóg að biðja um það eitt að núverandi plan verði bara áfram óbreytt.

https://kjarninn.is/skodun/2021-01-12-h ... ulag-i-m22

Á nú að skemma enn eitt útivistarsvæðið á höfuðborgarsvæðinu?

falcon1 skrifaði:Á nú að skemma enn eitt útivistarsvæðið á höfuðborgarsvæðinu?

Þetta er ekkert nýtt hverfi... búin að vera í skipulag mörg ár og eru bara að breyta skipulag, og núna er þetta flugvöllur og lupinubreiður..

Það sem fólk stundum gleymir er að svona svæði geta verið framtíðar vinnustaður íbúa í kring, það er skinsamlegt að blanda saman íbúðabyggð og atvinnuhúsnæðum. "Matvöruverslun" gæti flokkast sem Krónan eða Bónus td, með tilheyrandi aukinni traffík og þörf á stórum bílastæðum. Ekkert sem bannar góðan burger joint.

gRIMwORLD skrifaði:Það sem fólk stundum gleymir er að svona svæði geta verið framtíðar vinnustaður íbúa í kring, það er skinsamlegt að blanda saman íbúðabyggð og atvinnuhúsnæðum. "Matvöruverslun" gæti flokkast sem Krónan eða Bónus td, með tilheyrandi aukinni traffík og þörf á stórum bílastæðum. Ekkert sem bannar góðan burger joint.

Það eiginlega fylgir að ef matvöruverlsun er bönnuð, þá er verlsun með matvörur bönnuð = ekki veitingastaðir.

Græna skipulagið leyfir, verslanir, gsitiheimili, hótel, skrifstofur o.s.frv. og ekkert óeðlilegt við það t.d. eitthvað eins og Sundabogin, Borgartún, Ármúli.

Rauða skipulagið er meira eins og Höfðarnir, allt frá BM Vallá, Malbikunarstöð yfir í bílaverkstæði og partasölur... og auðvitað heildsölur með lagera o.þ.h. EN banna matvöruverlsanir, Hótel og gistiheimili.

Auðvitað á ekki að hafa svikin loforð eða blekkingu, eða misvísandi upplýsingar, í skipulagi á hverfum.

Fallið hefur verið frá breytingu á aðalskipulagi.

sjá: https://www.mbl.is/frettir/innlent/2021 ... sardalnum/

Frábært að hlustað sé á fólk

https://www.mbl.is/frettir/innlent/2021 ... _a_keldum/
Til hamingju með sigurinn.
Hefði frekar viljað sjá þetta svæði í Úlfarsfelli.

Black skrifaði:https://www.mbl.is/frettir/innlent/2021/01/19/atvinnusvaedi_a_keldum/
Til hamingju með sigurinn.
Hefði frekar viljað sjá þetta svæði í Úlfarsfelli.

Ekki er þetta betra, sammála því.

Rétta leiðin til að létta á umferð er að opna stórt iðnaðarsvæði á Grundartanga og færa uppbyggingu Faxaflóahafna þangað.

Það yrði til þess að Sundabraut færi í algjöran forgang.

Það yrði einnig til þess að mun stærri flutningaskip gætu komið til landsins, en nýju skip Einskipa eru rétt um 2300 gámaeiningar, rétt um 10-15% af því sem risaskipin taka.

Að fækka ferðum til landsins og taka meira magn í einu yrði líklega til þess að flutningur til landsins yrði áreiðanlegri og töluvert ódýrari.

Það er frábært að það var hlustað á íbúa. Spurning samt væri það góð hugmynd að stækka svæði M9 (Korpa) yfir suður hluta Korpuvallar og leyfa það sem að breytingartillagan fyrir M22 Hallar lagði til? Mosfellsbær er að skipulegga svæðið rétt austan M9 sem verslunar og athafnasvæði.

Ef þetta fer langt útfyrir bæinn þá mun þetta draga helling af fólki í "hina áttina" á morgnana og þá eru ekki allir á leið niðr í bæ á sama tíma.