spjallid.is

Nú er ég með vangaveltu varðandi rafmagnsbíla.
Kolefnislaus akstur, allt gott og blessað.. hellings tog og gaman að keyra þá svo ekki sé minnst
á hreina samvisku (sé litið framhjá því hvernig rafhlöðurnar eru framleiddar, hvernig þeim er fargað og þyngdinni sem fylgir þeim (meira slit á malbikinu)).


Þorir þú að kaupa 5+ ára gamlan rafmagnsbíl, þar sem rafhlaðan er mögulega farin að verða tæp, séns á því að sellur fari að gefa sig.. vitandi að rafhlöðuskipti geta kostað 500.000 - 1.000.000?

Eftir 10 ár, erum við að fara sitja uppi með ógrynni af óseldum rafmagnsbílum?

https://skemman.is/bitstream/1946/19825 ... 3%A1fa.pdf
https://www.mbl.is/bill/frettir/2015/06 ... endalaust/

Hér er ágætis lestur varðandi þetta mál, að vísu nokkuð gamlir hlekkir. Bílaumboðin lofa vitaskuld öllu fögru, en það kemur að því að það þarf að skipta um rafhlöðurnar. Er þeim gömlu fargað hérna heima? Er þetta hlass sent úr landi í förgun annarsstaðar?

Er þetta að fara enda í umhverfisslysi?


Annar möguleiki eru vetnisbílar, þar sem að þú ert ekki með gífurlega þungar rafhlöður, eini útblásturinn er hreint vatn, tekur stutta stund að fylla á tankinn.

Bæði Toyota og Hyundai eru að vinna að þróun vetnisbíla svo úrvalið verður vonandi eitthvað.

Hafa verið fréttir um það að Tesla sé að þróa batterý sem á að endast miljón mílur, ekki komið á markað sammt.

Veit ekki alveg hvernig þetta endar með batterýin, gæti endað svipað og "kentucky nuclear waste site" að þessu verði einfaldlega safnað í eina stóra hrúgu (einfaldlega ekki hægt að urða á einfaldan máta) og vonað það besta.

Ég er ekkert stressaður yfir þessu. Á meðan við erum dugleg að nota þessar rafhlöður þá er hvatinn til staðar til að þróa betri rafhlöður.

The more it's used the more it'll be developed held ég að stemmi sem ágætis rök.

Svo virðist sem tap á 5 árum sé frá 2-10%, sjá t.d. : https://www.reddit.com/r/teslamotors/co ... date_2012/

Flest fyrirtæki sýnist mér tryggja rafhlöður frá 8-10 árum (aðeins mismunandi hvað er innifalið í tryggingunni samt).

Ég myndi alveg versla mér 5 ára gamlan bíl með 10% verri rafhlöðu ef hann væri á góðu verði

Ekki spurning, ég myndi þó ekki kaupa notaðan rafmagnsbíl frá hvaða framleiðanda sem er.

Myndi alveg kaupa mér notaðan rafmagnsbíl ef rafhlaðan er í eðlilegu ástandi, alveg eins og að ég myndi kaupa mér bensinbíl ef vélin væri í eðlilegu ástandi.

rafhlaðan er andvirði bílssins.. kaupa 5 ára gamlann rafmagnsbíl er heimska, ef rafhlöðurnar fara geturðu hent bílnum á haugana þar sem nýjar rafhlöður kosta meira en bíllinn.

talað um að rafhlöður endist í 6-7 ár í þessum bílnum þannig að þú værir stálheppinn að ná að selja svona bíl 5-6 ára gamlann og fá gott verð.

DaRKSTaR skrifaði:rafhlaðan er andvirði bílssins.. kaupa 5 ára gamlann rafmagnsbíl er heimska, ef rafhlöðurnar fara geturðu hent bílnum á haugana þar sem nýjar rafhlöður kosta meira en bíllinn.

talað um að rafhlöður endist í 6-7 ár í þessum bílnum þannig að þú værir stálheppinn að ná að selja svona bíl 5-6 ára gamlann og fá gott verð.

Rafhlaðan er býsna langt frá því að vera andvirði bílsins. Ef við tökum sem dæmi Tesla þar sem það er komin mikil reynsla á þá bíla mv. aðra framleiðendur að þá virðist rafhlaðan aðeins rýrna um 2-10% á 5 árum.

Ef við gerum ráð fyrir því að rafhlaðan endist aðeins í 5 ár eftir að þú kaupir notaða bílinn og að það kostar um það milli 800.-1.400.000 kr að fá nýja rafhlöðu (mv. $5000-7000 í US + 40% aukalega þar sem við erum á Íslandi), ef þú keyptir bensínbíl og fyllir á hann tvisvar sinnum í mánuði, þá borgar þú um 250.000 kr f. eldsneyti á ári eða 1.250.000 kr á þessum 5 árum.

Þá erum við þó að hunsa allan auka kostnað og viðhald sem fylgir bensínbílnum (smurning, kerti, tímareim, etc.).

Að kaupa rétta 5+ ára rafmagnsbílinn gæti verið rosalega hagstæð fjárfesting mv. bensínbíl, en eins og ég segi, þá myndi ég ekki kaupa hvaða rafmagnsbíla sem er.

chaplin skrifaði:

DaRKSTaR skrifaði:rafhlaðan er andvirði bílssins.. kaupa 5 ára gamlann rafmagnsbíl er heimska, ef rafhlöðurnar fara geturðu hent bílnum á haugana þar sem nýjar rafhlöður kosta meira en bíllinn.

talað um að rafhlöður endist í 6-7 ár í þessum bílnum þannig að þú værir stálheppinn að ná að selja svona bíl 5-6 ára gamlann og fá gott verð.

Rafhlaðan er býsna langt frá því að vera andvirði bílsins. Ef við tökum sem dæmi Tesla þar sem það er komin mikil reynsla á þá bíla mv. aðra framleiðendur að þá virðist rafhlaðan aðeins rýrna um 2-10% á 5 árum.

Ef við gerum ráð fyrir því að rafhlaðan endist aðeins í 5 ár eftir að þú kaupir notaða bílinn og að það kostar um það milli 800.-1.400.000 kr að fá nýja rafhlöðu (mv. $5000-7000 í US + 40% aukalega þar sem við erum á Íslandi), ef þú keyptir bensínbíl og fyllir á hann tvisvar sinnum í mánuði, þá borgar þú um 250.000 kr f. eldsneyti á ári eða 1.250.000 kr á þessum 5 árum.

Þá erum við þó að hunsa allan auka kostnað og viðhald sem fylgir bensínbílnum (smurning, kerti, tímareim, etc.).

Að kaupa rétta 5+ ára rafmagnsbílinn gæti verið rosalega hagstæð fjárfesting mv. bensínbíl, en eins og ég segi, þá myndi ég ekki kaupa hvaða rafmagnsbíla sem er.

Færi nú varlega í að bera saman kostnað við að fylla á bensínbíl án þess að taka inn kostnaðinn við að hlaða rafmagnsbílinn, þó vissulega muni mjög miklu.

Svo eru rúmlega 50% af tekjum ríksins, tengt bílum og bílatengdum gjöldum, skatturinn á olíu/bensíni. Skattleggja þarf eitthvað annað í framtíðinni ef sú tekjulind fær of mikið högg á sig (margir skipta yfir í rafmagnsbíla t.d.) og því spurning hvort raforkuverð muni ekki taka þann skattabolta.

Edit: Viðhald á bensínvél er eitthvað sem á sér stað jafnt og þétt yfir lífskeið bílsins, á meðan rafhlöðuskipti eru gífurlegur kostnaður seinna á lífskeiði bílsins. Þó svo að rafhlaða sé með 90% nýtni nokkrum árum seinna, þá aukast líkurnar á því að stöku sellur klikki. Veit ekki til þess að verkstæði séu að bjóða upp á annað en alsherjar rafhlöðuskipti þegar þannig vesen kemur upp.

Það er að minnsta kosti hægt að endurvinna og farga rafhlöðum á skynsamlegan hátt.

Það er ekki hægt við útblástur bíla, við erum bara látin anda þessu að okkur eins og ekkert sé eðlilegra.

Sallarólegur skrifaði:Það er að minnsta kosti hægt að endurvinna og farga rafhlöðum á skynsamlegan hátt.

Það er ekki hægt við útblástur bíla, við erum bara látin anda þessu að okkur eins og ekkert sé eðlilegra.

Vissulega, sérstaklega á Íslandi þar sem raforkan er unnin úr náttúrunni. Það sama á ekki við um öll önnur lönd, þar sem raforkan er jafnvel unnin út frá kolum.

Ég er aðalega að spá í því hvort að vetnisbílar séu ekki umhverfisvænni kostur, ef litið er á heildarmyndina.

GullMoli skrifaði:Svo eru rúmlega 50% af tekjum ríksins, tengt bílum og bílatengdum gjöldum, skatturinn á olíu/bensíni. Skattleggja þarf eitthvað annað í framtíðinni ef sú tekjulind fær of mikið högg á sig (margir skipta yfir í rafmagnsbíla t.d.) og því spurning hvort raforkuverð muni ekki taka þann skattabolta.

Það er verið að vinna að því.
Fer ekki í raforkuverð heldur notendagjöld, semsagt veggjöld.
Það á bara eftir að aukast á næstu árum að það verði farið að rukka veggjöld.

Á meðan að sú þróun færist yfir verða aftur á móti aðrir en rafmagnsbílaeigendur tvírukkaðir.

Þetta með að kaupa rafmagnsbíl notaðann, jájá, verðið þarf bara að miðast við það.

2 eins bensínbílar, búið að skipta um tímareim í öðrum þeirra en ekki hinum, ég borga ekki sama verð fyrir þá tvo, það sama á við um rafmagnsbílinn.

Þegar að búið er að miða við aldur og gerð bíls, þá á verðið á honum auðvitað að miðast við hvaða viðhald er búið og hvað er eftir.

Persónulega tel ég það mjög litlar líkur að allur heimurinn í takt breyti hegðun sinni til að sporna við CO2 úblæstri.
Ég tel líklegri lausnir sem taka mið að því hvernig staðan er í dag (mannleg hegðun og neysluvenjur dauðlegra vera) og vinna sig í kringum það.
T.d eitthvað jafn klikkað og að búa til gervigreind sem stýrir drónum sem sjúga C02 úr gufuhvolfi jarðar.

GullMoli skrifaði:

Sallarólegur skrifaði:Það er að minnsta kosti hægt að endurvinna og farga rafhlöðum á skynsamlegan hátt.

Það er ekki hægt við útblástur bíla, við erum bara látin anda þessu að okkur eins og ekkert sé eðlilegra.

Vissulega, sérstaklega á Íslandi þar sem raforkan er unnin úr náttúrunni. Það sama á ekki við um öll önnur lönd, þar sem raforkan er jafnvel unnin út frá kolum.

Ég er aðalega að spá í því hvort að vetnisbílar séu ekki umhverfisvænni kostur, ef litið er á heildarmyndina.

Erum við allt í einu farin að tala um "öll lönd"? Upphafsþráðurinn hljómar frekar eins og þú sért að tala um Ísland og vitnar í grein varðandi bíla á Íslandi og íslensk bílaumboð.

Sem betur fer er komin af stað vitundarvakning varðandi kolabrennsluna og vonandi verður henni skipt út sem fyrst, allt annað virðist vera skárra en hún. En það er bara önnur umræða.

Kol virðast samt bara vera í 27% eins og er.



https://en.wikipedia.org/wiki/World_energy_consumption


https://www.researchgate.net/figure/CO2 ... _324486523

Ég held að rafvirkjar muni fá hellings pening fyrir að veita þjónustu sem felst í að mæla rafhlöður og áætla líftíma þeirra.

Þar sem rafhlaðan er stór hluti af verði rafmagnsbíls þá á það að endurspeglast í endursöluverðinu.

Í dag er fólk sem er að selja notaða rafmagnsbíla að græða því fólk heldur enn í gamla fyrirkomulagið, pælir í hversu mikið bílinn er ekinn og aldri.

Það er ekkert sem getur framlengt líf rafhlöðu í rafmagnsbíl um 5 ár, gott viðhald, stöðug hitastig, jöfn notkun ofl. mun alltaf klára rafhlöðuna eða gera hana ótrausta. Að nota hana of lítið fer líka illa með hana (skilst mér).

Svo þarf að passa að ef bíllinn er fluttur inn frá USA t.d. þá mun B&L ekki virða 7 ára ábyrgð á rafhlöðunni. Það eru alltaf smátt letur í svona ábyrgðarskilmálum.

Síðan sá ég einn auglýsa rafhlðöðu úr klesstum Nissan Leaf gefins, því þetta var ekki umboðs bíll og þurfti hann því að borga 300þús í förgunargjald.

Ég er að keyra út á morgnana á tæplega 3 ára Nizza NV 200 sem er keyrður 70 þúsund. Rafhlaðan er ennþá í 100%, bíllinn kemst um 150 km á hleðslu en fer niður í 110 km þegar það var sem kaldast í snjónum síðasta vetur. Nýrri útgáfan er með 250 km drægni.

Nei

En ég myndi reyndar ekki kaupa mér rafmagnsbíl nema 2030 eða einhvað eða þegar það er orðið of dýrt að eiga minn disel haha

En annars þá myndi ég kaupa mér nýjan rafmagns ef ég gæti hlaðið heima

GullMoli skrifaði:Færi nú varlega í að bera saman kostnað við að fylla á bensínbíl án þess að taka inn kostnaðinn við að hlaða rafmagnsbílinn, þó vissulega muni mjög miklu.

Mig minnir að það sé talað um að það kosti 1.000 - 1.500 kr að hlaða rafhlöðuna í rafmagnsbílum, þarf vissulega að taka það inn í reikninginn.

GullMoli skrifaði:Svo eru rúmlega 50% af tekjum ríksins, tengt bílum og bílatengdum gjöldum, skatturinn á olíu/bensíni. Skattleggja þarf eitthvað annað í framtíðinni ef sú tekjulind fær of mikið högg á sig (margir skipta yfir í rafmagnsbíla t.d.) og því spurning hvort raforkuverð muni ekki taka þann skattabolta.

Þetta finnst mér alltaf áhugaverð umræða, það er komin ný og betri lausn en ríkið treysti of mikið á tekjur frá gömlu lausninni. Þetta á ekki bara við um þetta umræðuefni. Einnig erum við á þeim stað í dag að við verðum að draga úr CO2 útblæstri, það mun vera dýrkeypt en nauðsynleg fjárfesting.

Eitt sem verður klárlega að skoða betur er hvað það kostar þjóðina í gjaldeyri að kaupa olíu og hver hagurinn væri að nýta raforkuna meira og halda gjaldeyri inn í landinu.

GullMoli skrifaði:Edit: Viðhald á bensínvél er eitthvað sem á sér stað jafnt og þétt yfir lífskeið bílsins, á meðan rafhlöðuskipti eru gífurlegur kostnaður seinna á lífskeiði bílsins. Þó svo að rafhlaða sé með 90% nýtni nokkrum árum seinna, þá aukast líkurnar á því að stöku sellur klikki. Veit ekki til þess að verkstæði séu að bjóða upp á annað en alsherjar rafhlöðuskipti þegar þannig vesen kemur upp.

Vissulega, en það er bara svo margt annað sem getur klikkað í bensínbílum. Kúpling, gírkassi, púst, tímareim/keðja, etc. Ég hugsa, án þess að hafa neinar heimildir né hundsvit á því, að viðhaldskostnaður á rafmagnsbílum sé mun lægra en á bensínbílum þegar litið er til langs tíma.

Ég veit til þess að hjá Nissan er hægt að gera við stakar rafhlöður, þekki það ekki hjá öðrum framleiðendum en það væri jú vissulega út í hött ef það þarf að skipta um allar rafhlöðurnar ef ein klikkar.

Sallarólegur skrifaði:

GullMoli skrifaði:

Sallarólegur skrifaði:Það er að minnsta kosti hægt að endurvinna og farga rafhlöðum á skynsamlegan hátt.

Það er ekki hægt við útblástur bíla, við erum bara látin anda þessu að okkur eins og ekkert sé eðlilegra.

Vissulega, sérstaklega á Íslandi þar sem raforkan er unnin úr náttúrunni. Það sama á ekki við um öll önnur lönd, þar sem raforkan er jafnvel unnin út frá kolum.

Ég er aðalega að spá í því hvort að vetnisbílar séu ekki umhverfisvænni kostur, ef litið er á heildarmyndina.

Erum við allt í einu farin að tala um "öll lönd"? Upphafsþráðurinn hljómar frekar eins og þú sért að tala um Ísland og vitnar í grein varðandi bíla á Íslandi og íslensk bílaumboð.

Sem betur fer er komin af stað vitundarvakning varðandi kolabrennsluna og vonandi verður henni skipt út sem fyrst, allt annað virðist vera skárra en hún. En það er bara önnur umræða.

Kol virðast samt bara vera í 27% eins og er.

Vitaskuld var pælingin mín upphaflega bundin við okkur hérna heima en þetta á svosum við allstaðar, ekki satt?

Annars voru þetta bara vangaveltur, held ég myndi persónulega ekki kaupa 5+ ára gamlan rafmagnsbíl eins og staðan er í dag.

Endurskoða málið eftir nokkur ár, hvernig þróun sellanna og vetnisbíla verður Sömuleiðis hvort það komi almennilegir station bílar með þessum aflgjöfum.

Það þarf ekki að skoða annað en gengi vetnisbíla vs rafmagnsbíla í Noregi til að sjá hvað maður á að fá sér, vetnisbílar eru með mikið verri nýtni heldur en rafmagnsbílar og vetnið er töluvert dýrara ,meirasegja dýrara per km heldur en bensínbíll , í sumar þá sprakk vetnisstöð í Noregi og í framhaldinu lokaði rekstraraðilinn restinni af stöðvunum, annar rekstraraðili fór á hausin þar, fólk sem á vetnisbíla þar er í miklu veseni því það getur ekki keyrt bílana því það fæst hvergi vetni , veit ekki hvort það sé búið að opna þessar stöðvar sem var lokað eða hvort það sé enn allt í biðstöðu.

Svo er annað sem þarf að taka með í reikningin í rafmagn vs vetni umræðunni er að það þarf að leggjast í gríðarlega dýra innviða uppbyggingu til þess að fjölga vetnisbílum, það þarf að setja upp stöðvar út um allt land annars er maður með rosalega dýran bíl sem getur bara keyrt ákveðin radíus út frá Reykjavík á meðan rafmagnsbílar geta hlaðið út um allt land og er alltaf að fjölga hraðhleðslustöðum og í tilviki Tesla verða Superchargers á ákveðnum stöðum þannig maður getur leikandi ferðast um landið án mikilla áhyggja

það kostar langt í frá 1000-1500kr að hlaða rafmagnsbíl nema maður hlaði alltaf á hleðslustöðvum , liklega nærri 200-400kr skiptið eftir stærð batterís ef það er hlaðið heima

Svo er það endurnýting á batteríum, þegar batterí í rafmagnsbíl er orðið "lélegt" til notkunar í rafmagnsbíl er það alls ekki ónýtt heldur eru þau sumstaðar eftirsótt til notkunar í sólarsellu kerfum við íbúðarhús sem dæmi og er leikandi hægt að keyra meðalstórt hús með inverterum á svona batteríum tala nú ekki um erlendis þar sem er hægt að hlaða inná þau með sólarorku og eða af dreifikerfinu og nota það sem backup ef rafmagnið fer sem gerist nú oft á ákveðnum stöðum erlendis, er sérstaklega hentugt tildæmis í Kaliforníu núna þar sem dreifingaraðilinn þar lokaði fyrir rafmagn hjá 800þúsund notendum til að fyrirbyggja skógarelda ef tré dyttu á rafmagnslínur.

Ég er sjálfur að bíða eftir Tesla Model 3 sem verður afhentur fyrrihluta árs 2020 ásamt líklega hátt í hundrað öðrum sem eru búnir að panta
verður mjög spennandi þegar þeir koma til landsins. hrikalega spennandi bílar

kjartanbj skrifaði: á meðan rafmagnsbílar geta hlaðið út um allt land og er alltaf að fjölga hraðhleðslustöðum og í tilviki Tesla verða Superchargers á ákveðnum stöðum þannig maður getur leikandi ferðast um landið án mikilla áhyggja
Ég er sjálfur að bíða eftir Tesla Model 3 sem verður afhentur fyrrihluta árs 2020 ásamt líklega hátt í hundrað öðrum sem eru búnir að panta
verður mjög spennandi þegar þeir koma til landsins. hrikalega spennandi bílar

Kemuru til með að geta keyrt um landið án vandræða ?
Það að setja upp supercharger stöðvar á 3 - 4 stöðum á landinu er bara ekki nóg, það þurfa að vera fjölmargar svoleiðis.

gefum okkur nú að þú og 20 aðrir Tesla eigendur ákveði að skreppa til Akureyrar eftir vinnu á föstudegi, hversu löng verður röðin í stöðina þar á milli eða stöðina á akureyri ?

Það þarf nefnilega að margbæta innviða uppbygginguna fyrir rafmagnsbíla líka.
Hún er auðveldari en í vetninu, en hún er engan vegin nógu góð.