Fyrirtæki sem birta ekki vöruverð á heimasíðum

[mikkimás]

Ekki lesa nema þú hafir gaman af tilgangslausum nöldurpóstum.

--

Getur einhver snillingur útskýrt fyrir mér hvers vegna sum fyrirtæki birta ekki vöruverð á heimasíðum sínum?

Ég meina, WTF?

Á. Guðmundsson til dæmis. Ég þurfti nýjan skrifborðsstól fyrir nokkrum mánuðum, og ÁG var fyrsta fyrirtækið sem kom alls ekki til greina. Enginn verðlisti neins staðar. Ég veit ekkert hvort targetstóllinn kostaði 100k eða 900k. Ég hafði margt betra að gera en að skrifa póst og bíða eftir svari varðandi stóla sem félli inn í mitt verðbil, þegar ég gat farið inn á hirzlan.is (bara sem dæmi) og sannfært sjálfan mig á 2 mínútum um að ferðin á staðinn yrði þess virði.

Annað dæmi er Parket & Gólf. Ég er í fasteignahugleiðingum og gæti á næstu mánuðum keypt mér nýja íbúð án gólfefna. Þeir eru með úrval af hinu og þessu parketi, en engin verð fyrir utan tvö vesæl tilboðsverð þarna efst.

Af hverju þetta ógegnsæji? Af hverju fela verðin? Af hverju á ég að þurfa að hafa samband við svona verslanir til að fá upplýsingar sem ættu að liggja á glámbekk?

[rbe]

ég hafði gaman af þessum tilgangslausa nöldurpósti

ertu viss um að það sé ekki eitthvað annað að plaga þig í undirmeðvitundinni en verð á heimsíðum ? sem brýst fram í því að þú póstar um það á vaktin

[kjarnorkudori]

Það eru ansi mörg fyrirtæki sem hafa misst af mínum viðskiptum út af þessu. Annað sem fer sérstaklega í taugarnar á mér eru fyrirtæki sem eru alltaf svo "góð" að veita þér afslátt.

Ég get gengið inn í Eymundsson og verið nokkuð viss um að ég geti fengið 20% afslátt af öllu svo lengi sem ég tala við einhvern fyrirtækjasölumann. Ég get farið í Advania og fengið 20% afslátt af ansi mörgu með því að segja hver mamma mín er. Þetta fer að vera eins og á fjarlægum götumarkaði þar sem uppsett verð hefur litla þýðingu.

[Viktor]

Svona rugl þrýfst bara þar sem það er engin samkeppni.

Svarið við spurningunum þínum er mjög einfalt, til þess að geta haft eins háa álagningu og mögulegt er. Eflaust í einhverjum tilfellum 100-1000% álagning, sérstaklega á vörum frá Kína.

[Hizzman]

væntanlega tvískipt.

annars vegar þeir sem spá ekki í verð, td forstjórar í stórfyrirtækjum, vija bara flottan stól, verð er aukaatriði, eða jafnvel flott að vera með rassinn í stól sem kostar yfir milljón!

svo eru sum fyrirtæki með einhverja verðlista sem eru alveg út úr korti, en afslættir er verulegir, 30 til 70% eftir því hver þú ert og hversu mikið þú kaupir. Svona fyrirtæki eru auðvitað óþolandi, ekki versla við þau..