spjallid.is

Sá þessa könnun á Facebook og varð að deila henni hingað, því fleiri sem taka þátt því betra.
Nú þegar eru 25.600 búnir að taka þátt og hlutfallið er 83%/17% þar sem fleiri eru á móti vegtollum.

Nú tala stjórnmálamenn og konur um það að almenn sátt sé um vegtolla.
Því langar mig að að varpa fram spurningu til kjósenda.
Ert þú sátt/sáttur við að komið verði á vegtollum ?

>>Taka þátt á Facebook<<

Ef að þessi peningur færi til vegagerðarinnar fyndist mér ekkert að því að borga vegtolla eins og þekkist í mörgum löndum. En ég efast um að það muni gerast...

Væri ekki bara kjörið að nota núverandi skatta á réttan stað svona fyrst áður en það verður bætt við fleiri sköttum sem fara þá væntanlega hvort sem er annað.

ZiRiuS skrifaði:Ef að þessi peningur færi til vegagerðarinnar fyndist mér ekkert að því að borga vegtolla eins og þekkist í mörgum löndum. En ég efast um að það muni gerast...

Ekki frekar en þau gjöld sem eru innheimt í dag gera það.
Svo gleymist alltaf eitt í umræðunni, 150 kr. fyrir manneskju á lágmarkslaunum er ekki sama og 150 kr. fyrir hálaunamanninn, tala nú ekki um þingmenn og ráðherra sem fá aksturskostnaðinn endurgreiddann og greiða því ekkert.

Þingmenn bera gjarnan fyrir sig rafmagnsbílum, að þeir séu að verða stærri hluti af kökunni, af hverju eru þeir ekki rukkaðir eins og díselbílar voru rukkaðir í denn, þ.e. kílómetragjald? Hægt að lesa af einu sinni á ári eða þegar bíllinn fer í skoðun.
Ef við viljum fara vel með vegina þá tökum við upp strandflutinga aftur og bönnum eða takmörkum verulega þungaflutninga um vegakerfið.

Það eru trukkar sem eru virkilega að slíta vegunum, smábílar eru varla að teljast. Verður þetta tekið með í útfærslu á gjaldi.

Einnig, verður dísil/bensín lækkað sem mótvægi.

Eða er það gamla sagan, smá breytingar í skattheimtu == myndarleg hækkun ?

Ég er fylgjandi með vegtollum (huglægt) aðeins ef hagnaðurinn frá þeim fari í uppbyggingu fyrir akandi vegfarendur.
En þar sem að fordæmi eru fyrir því að skattar fyrir ákveðin verk t.d. byggingaréttargjald renni ekki í uppbyggingu og í staðin í gæluverkefni þá er ég á móti þeim. Það er samt nauðsyn að finna nýja leið fyrir skatta en vegtollar eru ekki málið. Það mætti vera vægt kíllómetragjald 0,1-0,5kr per km.
Það sem ég hef ekki séð í umræðunni um veggjöldin er hvað kostar að setja upp svona myndavélakerfi og reka það.

Besta lausnin væri að láta lífeyrissjóðina fjármagna vegauppbyggingu. Þeir fengju vexti til að ná kröfunni um ávöxtun. Þetta myndi einnig gera íslenskt fjárfestingaumhverfi heilbrigðara, núverandi ástand með lífeyrissjóðina upp um alla veggi er skelfilegt.

Það var einhver maður sem ég heyrði í fréttum segja að bifreiðagjöldin hafi átt að standa yfir í uþb eitt ár, en að t.d. í dag, skaffi þau eins og 7 milljörðum króna í ríkiskassann á ári.

Edit: Minnir að minnst hafi verið á að bifreiðagjöldin hafi verið sett á einhverntíma á milli 1960 og 1974 eða svo, en þau hafi aftur á móti átt að vera tímabundin.

Er ég til í vegatolla?
Fokk nei.

Skipta þeir mig máli í framtíðinni?
Fokk nei, líklegast ekki.

Hmm er svo sem ekki 100 % móti vegtóllar, hinsvegar ef þau verða notuð eiga þau að vera fáum stöðum, og aðeins á aðal vegirnir, og notað i vegkerfið óskert.
Td ef sett upp gjaldhlið bara á ártúnsbrekku fyrir 100 krónur mundi þau ná inn rúmlega 4 míljarða á ári með núverandi umferð, sem væri gótt fyrir vegkerfið i reykjavik sem er i rúst á háanna timarnir... Serstaklega gatnamótinn kringlubraut, miklubraut og miklubraut niður að háskólan sem stiflar alt gatnakerfi Reykjavik.

miklabraut/hringbraut i stokk já takk. Sem þessi gjaldtaka getur farið i til að greiða þessi framkvæmd.

Hef ekkert á móti vegtollum, sjálfur tek ég strætó og myndu þeir því örugglega ekkert skipta mig miklu máli. Hins vegar veit maður fyrirfram að tekjurnar myndu aldrei skila sér raunverulega í vegakerfið.

EDIT: Væri ekki hægt að láta einkarekið fyrirtæki í eigu hins opinbera sjá um að reka eitthvað í sambandi við þessa vegtolla, líkt og gert var með Hvalfjarðargöng eða myndi það ekkert meika neinn sens

Aron Flavio skrifaði:EDIT: Væri ekki hægt að láta einkarekið fyrirtæki í eigu hins opinbera sjá um að reka eitthvað í sambandi við þessa vegtolla, líkt og gert var með Hvalfjarðargöng eða myndi það ekkert meika neinn sens

eða sbr ruv/pósturinn/isavia? neinei

Ég er alveg sáttur við að bifreiðargjöldin/vegtollar fari í að niðurgreiða t.d. heilbrigðisþjónustuna, getiði ímyndað ykkur hvað það yrði dýrt að fara til læknis ef heilbrigðisþjónustan væri rekin á núlli eða jafnvel með hagnaði?

Það á eftir að kosta mig 120.000 á ári bara að mæta í vinnurnar mínar (m.t.t. að tollurinn verði 150kr per skipti eins og kastað hefur verið fram).

Og það er bara vinna. Ekki tilfallandi ferðir.

Ég hef ekki efni á að flytja þaðan sem ég bý.

Ég hef ekki efni á þessum 120.000.

Þegar þetta verður sett á mun ég ekki hafa efni á að mæta í vinnurnar mínar.

Það er algerlega fáránlegt að skattar séu settir á til að mæta kostnaði við eitthvað ákveðið og hækki svo bara og hækki og fari í eitthvað allt annað.

Við erum með fínt tekjuskattskerfi þar sem fólk borgar hlutföll af því sem það þénar. Virðisaukaskattskerfið er líka ágætlega skilvirkt, því dýrari vörur sem þú kaupir því hærra hlutfall borgarðu af sköttum.

Það er óþolandi og ósanngjarnt að svona nefskattar leggist jafnt á alla sama hvaða tekjur þeir hafa.

Burt með allt svona rugl. Það er ólíðandi að bifreiðaeigendur séu að greiða tugi milljarða í gjöld sem fara ekki í það að halda uppi vegakerfinu heldur eitthvað út í bláinn.

Ég er ekki spenntur fyrir því að borga 80.000kr á ári í vegtolla ofan á olíugjald, vsk og kolefnisskatt sem ég borga fyrir hvern líter af eldsneyti sem ég kaupi.

Svo verður ekki einu sinni allur peningurinn notaður í að bæta veginn sem ég ek á og það er ef þau eru ekki að ljúga þegar þau segja þetta fari allt í vegagerð! Ef ég á að borga sérstaklega fyrir að aka á þessum vegi þá er lágmark að allur peningurinn fari í að viðhalda og bæta þann veg.

Hvaða hvaða
vinstra gengið hér á vaktinni farið að kvarta yfir mögulegri skattheimtu.
Þá er nú fokið í flest skjól.

Ekkert að því að rukka þetta sveitalið um kostnaðinn við vegina.
Stöðugt verið að gera jarðgögn fyrir það en allt kerfið á höfuðborgarsvæðinu er látið mæta afgangi.

Tbot skrifaði:Hvaða hvaða
vinstra gengið hér á vaktinni farið að kvarta yfir mögulegri [regressívri] skattheimtu.
Þá er nú fokið í flest skjól.

Þú veist afskaplega lítið um conceptið miðað við hvað þú fussar mikið yfir "vinstra genginu" fyrst þetta kemur þér á óvart.

Hefði viljað sjá ríkisstjórnina ganga alla leið og notast við gervihnattamiðaðar lausnir. Setja box í alla bíla, sem mæla vegalengd, tíma dags og staðsetningu, reikna svo út eitt verð og svo senda upphæðina á yfirvöld sem myndu senda rukkun (ekki senda nein önnur gögn vegna persónuverndarsjónarmiða). Svo yrði gögnunum eytt úr boxinu eftir X tíma. Þannig myndi hver og einn borga fyrir akkúrat það sem hann keyrir. Bílar sem menga mikið borga meira per kílómeter en bílar sem menga lítið. Hægt væri líka að nota þetta sem stýritæki, t.d. að það sé dýrara að keyra á álagstímum, það sé dýrarar að keyra í borgum/bæjum en úti á landi, eða því um líkt.

Ef vegtollar eru settir á veit einhver staðsetninguna á þeim?, ég sá kortið með mögulegri staðsetningu þeirra en þær gera allar ráð fyrir atvinnusvæðum utan þeirra svo ég efast um að þeir verði þar.

jericho skrifaði:Hefði viljað sjá ríkisstjórnina ganga alla leið og notast við gervihnattamiðaðar lausnir. Setja box í alla bíla, sem mæla vegalengd, tíma dags og staðsetningu, reikna svo út eitt verð og svo senda upphæðina á yfirvöld sem myndu senda rukkun (ekki senda nein önnur gögn vegna persónuverndarsjónarmiða). Svo yrði gögnunum eytt úr boxinu eftir X tíma. Þannig myndi hver og einn borga fyrir akkúrat það sem hann keyrir. Bílar sem menga mikið borga meira per kílómeter en bílar sem menga lítið. Hægt væri líka að nota þetta sem stýritæki, t.d. að það sé dýrara að keyra á álagstímum, það sé dýrarar að keyra í borgum/bæjum en úti á landi, eða því um líkt.

Halló 1984!

DJOli skrifaði:Það var einhver maður sem ég heyrði í fréttum segja að bifreiðagjöldin hafi átt að standa yfir í uþb eitt ár, en að t.d. í dag, skaffi þau eins og 7 milljörðum króna í ríkiskassann á ári.

Edit: Minnir að minnst hafi verið á að bifreiðagjöldin hafi verið sett á einhverntíma á milli 1960 og 1974 eða svo, en þau hafi aftur á móti átt að vera tímabundin.

Er ég til í vegatolla?
Fokk nei.

Skipta þeir mig máli í framtíðinni?
Fokk nei, líklegast ekki.

Bifreiðagjöld voru sett á 1989 og áttu að vera til 1992 ef mig minnir rétt, þau eru enn... og ættu vel að geta dekkað þetta , ég bý á Selfossi og vinn í reykjavík, hef ekki efni á að borga vegtolla til að komast til vinnu

THEBROKENONE skrifaði:Ég er ekki spenntur fyrir því að borga 80.000kr á ári í vegtolla ofan á olíugjald, vsk og kolefnisskatt sem ég borga fyrir hvern líter af eldsneyti sem ég kaupi.

Svo verður ekki einu sinni allur peningurinn notaður í að bæta veginn sem ég ek á og það er ef þau eru ekki að ljúga þegar þau segja þetta fari allt í vegagerð! Ef ég á að borga sérstaklega fyrir að aka á þessum vegi þá er lágmark að allur peningurinn fari í að viðhalda og bæta þann veg.

Ég vil nú vekja athygli á því að þau gjöld sem tekin eru af eldsneyti (olíugjald, bensíngjald og kílómetragjald) og eru eyrnamerkt uppbyggingu í vegagerð renna svo sannanlega öll til rekstur Vegagerðarinnar, útgjöld vegagerðarinnar eru reyndar um 5-7 milljörðum hærri en þessi gjöld, ríkið greiðir það sem upp á vantar úr sameiginlegu sjóðunum okkar.

Ástæðan fyrir þessum misskilningin er að ég held endalaus áróður Bílgreinasambandsins, FÍB og fleiri hagsmunaaðila sem þreytast ekki á að tala um að skattheimta af ökutækjum og eldsneyti fari ekki öll til viðhalds á gatnakerfinu. Málið er að skattheimta af ökutækjum og eldsneyti er bara alls ekki öll eyrnamerkt viðhaldi á gatnakerfinu. Mestar tekjur fær ríkið af virðisaukaskatti og vörugjöldum, þau eru alls ekki eyrnamerkt vegagerð. VSK er almennur skattur og er aldrei eyrnamerktur ákveðnum útgjaldaliðum. Svo er það kolefnisgjaldið, það á ekki heldur að renna í kostnað vegna vegagerðar.

Með tilliti til þessa hef ég engar ástæður til annars en að ætla að vegtollar myndu renna til framkvæmda og þannig geta flýtt fyrir framkvæmdum í vegakerfinu sem annars væri ekki hægt að ráðast í fyrr en töluvert seinna. Er almennt hlynntur vegtollum, mér finnst mjög eðlilegt að þeir sem nota þjónustuna mest greiði meira fyrir hana (fyrir utan menntun og heilbrigðiskerfið).

Fyrir þá sem hafa áhuga á að kynna sér þetta frekar: https://www.althingi.is/altext/146/s/1075.html

Nei Takk


Við sem búum á akranesi erum búinn að borga þessi göng t.d upp og að fara rukka aftur væri fáránlegt ....

Fyrir 60-70 árum var allt þjóðvegakerfið byggt, og hér bjuggu hvað 200 þús hræður og skatttekjur ríkissjóðs ekki miklar, atvinnulífið fátæklegt og einhæft, túristar voru taldir á fingrum annarrar handar.

Í dag eru árlegar skatttekjur ríkissjóðs nærri ein billjón íslenskar, hér búa nærri 350 þús manns og mikil umferð á vegum landsins, og við náum varla að sinna viðhaldi á vegakerfinu.

Hvað er í gangi?

appel skrifaði:Fyrir 60-70 árum var allt þjóðvegakerfið byggt, og hér bjuggu hvað 200 þús hræður og skatttekjur ríkissjóðs ekki miklar, atvinnulífið fátæklegt og einhæft, túristar voru taldir á fingrum annarrar handar.

Í dag eru árlegar skatttekjur ríkissjóðs nærri ein billjón íslenskar, hér búa nærri 350 þús manns og mikil umferð á vegum landsins, og við náum varla að sinna viðhaldi á vegakerfinu.

Hvað er í gangi?

Það kallast þjófnaður.