spjallid.is

Konan er með tölvu í ábyrgð sem bilaði fyrir stuttu. Hún fór með tölvuna í viðgerð til ábyrgðaraðilans og var rukkuð hátt í 10 þúsund krónur fyrir ,,skoðanagjald".

Hafa ábyrgðaraðilar heimild til að rukka nokkuð gjald þegar gert er við vörur í ábyrgð?

Ertu viss um að það hafi verið gert við tölvuna innan ábyrgðar þrátt fyrir að hún sé innan ábyrgðartíma?

Ef gert er við tölvu innan ábyrgðar þá fellur kostnaður á framleiðanda/þjónustuaðila og viðskiptavinur getur sótt tölvuna viðgerða og án kostnaðar. Hinsvegar ef það er eitthvað sem fellir tölvuna úr ábyrgð, hún er utan ábyrgðartíma eða bilunin fellur ekki undir ábyrgðarskilmála þá getur framleiðandi/þjónustuaðili rukkað greiningargjald (skoðunargjald) fyrir þá vinnu sem fór í skoðun á búnaði.

Tölvan er Apple tölva í alþjóðaábyrgð og er innan ábyrgðartíma og viðgerðaraðilinn var Epli. Ég hélt ekki annað en að viðgerðin hafi verið innan ábyrgðar, ekki var ekki annað sagt.

KristinnK skrifaði:Tölvan er Apple tölva í alþjóðaábyrgð og er innan ábyrgðartíma og viðgerðaraðilinn var Epli. Ég hélt ekki annað en að viðgerðin hafi verið innan ábyrgðar, ekki var ekki annað sagt.

Veistu hvað þú varst að greiða fyrir nákvæmlega? Samkvæmt heimasíðu Epli er skoðunargjaldið hjá þeim 3.745kr (https://www.epli.is/thjonusta/verdlisti.html) en þú talar um að hafa greitt um 10.000kr. Stemmir ekki alveg, eru fleiri liðir rukkaðir?

Það var rukkað 7.490 kr., en ég er ekki með kvittunina við hendina, ég bæti því við þegar ég er kominn heim.

KristinnK skrifaði:Það var rukkað 7.490 kr., en ég er ekki með kvittunina við hendina, ég bæti því við þegar ég er kominn heim.

Þetta var rugl í mér. Skoðunargjald á iOS tækjum er 3.745kr en skoðunargjald á tölvum er 7.490kr. Það stemmir því. Spurning um að heyra í Epli og fá nánari skýringu á þessu.

hvað var að tölvunni og hvað gerðu þeir til að laga vandamálið ?

Benzmann skrifaði:hvað var að tölvunni og hvað gerðu þeir til að laga vandamálið ?

Bilunin var að skjárinn var alsvartur. Ég man ekki hvort það var sagt sérstaklega frá hvað var gert til að laga vandamálið, en miðað við hvað viðgerðin tók lítinn tíma held ég ekki að það hafi verið skipt um skjáinn.

Reikningurinn er fyrir ,,skoðunargjald".

KristinnK skrifaði:

Benzmann skrifaði:hvað var að tölvunni og hvað gerðu þeir til að laga vandamálið ?

Bilunin var að skjárinn var alsvartur. Ég man ekki hvort það var sagt sérstaklega frá hvað var gert til að laga vandamálið, en miðað við hvað viðgerðin tók lítinn tíma held ég ekki að það hafi verið skipt um skjáinn.

Reikningurinn er fyrir ,,skoðunargjald".

Ég myndi krefjast frekari útskýringar á þessum reikingi.
Ef þetta var bilun í vélbúnaði eða eh tengt vélbúnaðinum sjálfum sem var að valda þessu, þá ætti þetta að fallast undir ábyrgð.

Þetta er oftast voðalega einfalt, burtséð frá vörumerki eða þjónustuaðila:

Vélbúnaðarvandamál, eða framleiðslugalli sem fellur undir ábyrgð = Enginn kostnaður, hvork viðgerðar- né skoðunargjald.

Hugbúnaðarvandamál = Fyrirtækið má rukka eins og því sýnist. Í langflestum tilfellum er viðskiptavinum tjáð við móttöku á búnaði að ef vandamál flokkist utan ábyrgðar muni ákveðið grunngjald leggjast á fyrir skoðun/bilanagreiningu.

Ef það var ekki skipt um neinn vélbúnað, þá hefur vandamálið líklega verið í stýrikerfi/hugbúnað og því utan ábyrgðar.

Þessi hegðun er líka þekkt erlendis varandi Apple vörur
https://youtu.be/o2_SZ4tfLns