spjallid.is

Slökkt verður á götulýsingu í fjórum hverfum Reykjavíkur í kvöld vegna frábærrar norðurljósaspár Veðurstofu Íslands. Myrkvunin mun eiga sér stað á milli kl. 21:30 og 22:00 og verður slökkt á lýsingu í Öskjuhlíð, Grafarholti, Skólavörðuholti og Breiðholti-Seljahverfi. Reykvíkingum ætti því að gefast frábært tækifæri á því að sjá einstaka norðurljósasýningu á þessum stöðum í kvöld og eru íbúar hvattir til að taka þátt og slökkva ljósin í íbúðarhúsum sínum líka svo myrkvunin verði sem mest og ljósmengun sem minnst nema frá hinu frábæra sjónarspili í himinhvolfinu ef aðstæður verða réttar.

Myrkvunin er gerð í samráði við lögreglu, slökkvilið og Orkuveitu Reykjavíkur. Fólk er hvatt til að aka einstaklega varlega á þessum svæðum og sýna tillitssemi á meðan myrkvun stendur. Reykjavíkurborg vill einnig minna fólk á hin frábæru útivistarsvæði í nágrenni borgarinnar, t.a.m. Heiðmörk og Hólmsheiði þar sem hægt er að njóta norðurljósa enn betur. Takið með ykkur nesti og nýja skó.

GullMoli skrifaði:Náttúrulega alltaf lang best að fara út fyrir bæjarmörkin, hef sjálfur stundum farið nálægt bláfjöllum. Munar alveg stórkostlega miklu að hafa enga ljósmengun í kring.

Kristján skrifaði:eins gott að það verði ekki eins skýjað og það er núna....

Stutturdreki skrifaði:Samkvæmt vedur.is verður heiðskýrt á höfuðborgarsvæðinu í kvöld.. en samkvæmt þeim er líka léttskýjað akkurat núna..

GullMoli skrifaði:Heyrði eitthvað um að það þyrfti líklegast að fara norður fyrir fjall til þess að losna við þessi ský, í kringum Hveragerði t.d.

Glazier skrifaði:Miðað við virknina ættu ljósin fyrst núna að vera farin að sýna sig.. en svooldið skýjað til þess samt

http://www.raunvis.hi.is/~halo/leirvogur.html