spjallid.is

Sælir.

Ég var sem sagt að kaupa mér ofn, þetta er svona lítill conventional oven, aðeins stærri en örbylgju ofn og með tveim hellum ofaná. Á staðnum í eldhús innréttingunni hjá mér sem ofninn á að vera er tvöfalldur tengill, í neðra tengið fer fjöltengi og í það Ískápurinn og örgbylgju ofninn og í efra tengið á nýji ofninn að fara. Vandamálið er það að stundum þegar ég tengi ofninn í þetta tengi slær út. Ef það slær ekki út kviknar á báðum hellunum og hann byrjar að hitna að innan líka. Ef ég tengi hann síðan á öðrum stað, þar sem hann er mjög mikið fyrir, þar slær ekki út og hann virkar eins og hann á að gera.

Hvað gæti verið að?

2 mismunandi greinar sem þú ert að setja í samband við?

þú segir 2faldur tengill.. sem að þýðir að báðir tenglarnir eru á sömu grein.. er kannski 10A öryggi fyrir ísskápinn og örbylgjuofninn?

annars er venjan að hafa einn 16A tengill fyrir ofn í eldhúsinnréttingum..

en er lekaliðinn að fara eða bara öryggi?

Lekaliðinn slær út. Er kannski bara málið að ofninn, ískápurinn og örbylgju ofninn geta ekki verið á sama stofni?

Bíddu bíddu...

Hagar tækið sér misjafnt eftir því hvar þú stingur því í samband?

Það er ekki eðlilegt sama hvernig öryggi er fyrir tengilinn.

Hljómar eins og tengillinn fyrir ofan ísskápinn hjá þér sé eitthvað skrítinn/bilaður/rangt tengdur.

Prófaðu eitthvað annað tæki í þessa tengla (eitthvað sem má skemmast, t.d. hleðslutæki fyrir síma)

Ég er reyndar farinn að hallast að því að ofninn sé eitthvað bilaður. Í einum tengli er stöðugt logandi ljós fyrir helluborðið, sama hvað það er stillt á, síðan þegar ég kveiki þá verður það sterkara.

Í hinum tenglinum þá logar ekki ljósið, það er kominn hálftími síðan ég færði ofninn og það er búið að vera slökkt allan tímann en stærri hellan virðist ekkert kólna. Það getur svo sem verið að hún kólnar ekkert svo hratt. Hef ekki verið nálægt svona helluborði síðan 2001 og þá var ég ekkert að spá í eldamennsku.

Prófaði að tengja Halogen lampa og hleðslutæki í tengilinn og það helst alveg í lagi.

Ef lekaliðinn fer þegar þú setur ofninn í samband, bendir flest (allt) til þess að hann sé bilaður.
Hvað er að, spyrð þú...

Tengingar í ofninum sjálfum lausar

Ef það er prentplata í honum gæti hún verið biluð (þar sem allt fer á fullt þegar þú setur hann í samband)

Element/hella óný og leiðir út

Best er að láta þetta í hendur á rafvirkja

En ..

Þú gætir mælt elementið, ohm-mæla og sjá hvort að það sé í lagi á að vera í kringum 10-40ohm. (Losa tengingarnar af elementinu fyrst)
Meggað dótið ef það er ekki prent-plata. (Ekki gera þetta ef þú veist ekkert hvað þú ert að gera!)

En ef lekaliðinn fer þá er útleiðsla í gangi, ef ofninn er rafmangaður við snertingu þá leiðir út en jörðin er eitthvað í ólagi ....

edit -

Þú segir að halogen og hleðslutæki sé í lagi... Prófaðu eitthvað sem er með jarðtengdri kló, halogen + helðslutæki er allt með tvöfaldri einangrun og notar þess vegna ekki jörð... (Örrinn/ískápurinn er jarðtengt)

OliA skrifaði:*Rafmangsmumbojumbo

Óli nöööööörd

hér er eina íslenska spjallið um útleiðslu í húsarafmagni sem ég fann, mér fannst ég finna straum í ofni hér í fingur mér, vægan samt, kannski var það klemmd taug í öxl, ofninn er notaður sem jarðtenging í innstungu, vír þar á milli, ég er með gamlan ísskáp sem ég fann , ef hann leiðir út í jarðtenginguna þá endar það í ofninum líklega og lekaliði slær ekki út. tók allt úr sambandi og setti eitt í einu í aftur og prófaði með hendi á ofn ,fann þetta ekki aftur. maður fær stóran rafmagnsreikning ef leiðir svona út líklega. ætlað að ath hvort raf mælir snýst hratt, einhverjar tillögur, var búinn að prófa ísskápinn í lekaliða innstungu og sló ekki út þá.

Ef að lekaliðinn fer þá leiða einhversstaðar amk 30mA út, jörð og fasa slær líklega saman?

þetta er voðalega einfalt ef að lekaliðinn slær út.. þá er eitthvað bilað einhverstaðar útleiðsla annaðhvort í lögninni (tengill eða brunnir vírar eða slíkt) eða í tækinu sjálfu. mótor, hitaelementi eða einhverju þessháttar

hægt er að nota útilokunaraðferðina til að komast svona nokkuð að sannleikanum í málinu og síðan má tala við rafvirkja og fá hann til að útleiðslumæla(megga) lögnina/tækið með mæli sem er kallaður Megger í daglegu máli


en ef að öryggið slær út þá er bara yfirálag miðað við stærð á öryggi.. sama hvort það er skammhlaup eða hreinlega of mikið af dóti í sambandi

Gæti verið að startstraumurinn sé of mikill að öryggið þoli það ekki? ertu með B16A öryggi? spurning um að skipta í C16A öryggi þá.
annars veit ég ekki hvernig þessi ofnar virka, hvort þeir taki mikinn startstraum eins og ryksugur eða eru með sama startstraum og gangstraum.

Þótt að ég myndi ekki kalla mig rafmagns snilling, þá þykir mér það sérstaklega furðulegt ef tækið er að kveikja á öllu draslinu sjálfkrafa.
"Yfirleitt" virkar rafmagnið eða ekki. Ef þú ert með lélegt rafmagn (ekki steady 220v) þá hef ég séð raftæki virka skringilega(playstation tölva hættir að ná að lesa diskana, sem og toshiba heimabíókerfi), en aldrei kveikja á sér sjálf.

Gunnar skrifaði:Gæti verið að startstraumurinn sé of mikill að öryggið þoli það ekki? ertu með B16A öryggi? spurning um að skipta í C16A öryggi þá.
annars veit ég ekki hvernig þessi ofnar virka, hvort þeir taki mikinn startstraum eins og ryksugur eða eru með sama startstraum og gangstraum.

Ofnar eru bara element sem að taka bara x straum alltaf, mótorar (t.d. í ryksusum) taka yfirleitt mjög mikinn straum á meðan að þeir eru að ná snúning (nema náttúrulega að það séu notaðir mjúkræsar en það er svosem allt annar handleggur )

orangestone skrifaði:hér er eina íslenska spjallið um útleiðslu í húsarafmagni sem ég fann, mér fannst ég finna straum í ofni hér í fingur mér, vægan samt, kannski var það klemmd taug í öxl, ofninn er notaður sem jarðtenging í innstungu, vír þar á milli, ég er með gamlan ísskáp sem ég fann , ef hann leiðir út í jarðtenginguna þá endar það í ofninum líklega og lekaliði slær ekki út. tók allt úr sambandi og setti eitt í einu í aftur og prófaði með hendi á ofn ,fann þetta ekki aftur. maður fær stóran rafmagnsreikning ef leiðir svona út líklega. ætlað að ath hvort raf mælir snýst hratt, einhverjar tillögur, var búinn að prófa ísskápinn í lekaliða innstungu og sló ekki út þá.

Ef þú heldur að það sé útleiðsla hjá þér og leikaliðinn fer ekki, þá er oft gott að ýta á test takkann á honum. Ef hann smellur út þá er hann í lagi, ef ekki þá getur verið að hann sé ónýtur eða vitlaust tengdur (gefið að þetta sé 1fasa eða 2fasa kerfi).

Ef þér finnst vera svona "tingle" þegar þú snertir tækið bendir það til þess að það sé útleiðsla, spurning er bara hvort að hún sé nóg til að tripa leikaliðanum (ef hann er í lagi).

Ef það er eitthvað skítmix í eldhúsinu hjá þér myndi ég ráðleggja þér að fá þér rafvirkja í heimsókn og skoða þetta, þar sem jarðtenging er mikilvægasta öryggisatriðið í húsarafmagni

Prufaðu að tengja ofninn í tengillinn sem þú vilt hafa hann í, þá fer hann að hitna right? prufaðu svo að tengja hann öfugt í það tengi. Hitnar hann þá?

nevermind