Samruni Arion og Íslandsbanka

[Baldurmar]

Hvað finnst vökturum um þessar tillögur ?
Gylfa Magnússyni finnst þetta ekki líklegt til að verða samþykkt: https://www.visir.is/g/20252689814d/att ... syni-arion


Ef að Arion langar svona mikið að koma 50 milljörðum til neytenda á næstu 10 árum geta þeir þá ekki bara strax lækkað vexti og gjöld um smá?
Það yrði væntanlega til þess að hinir bankarnir eltu og neytendur myndu græða miklu meira.

[rapport]

Það á bara að setja það í lög að ef arðsemi banka sem tekur á móti innistæðum er meiri en 6% + verðbólga ársins, þá skuli bankinn endurgreiða viðskiptavinum í hlutfalli við inneign í bankanum.

Bankinn á ekki að geta hagnast óendanlega með því að nota fjármagn sinna viðskiptavina án þess að þeir njóti ábatans.

Þetta yrði líka til þess að skapa ástæðu fyrir að aðskilja fjárfestingabankastarfsemi frá almennri bankastarfsemi og greiðslumiðlun.

[worghal]

það er ekki séns í helvíti að banki ýti hagnaði til viðskiptavina.
hagnaður er fyri hluthafa og eingöngu hluthafa og hann skal vera sem mestur og hærri en áður.

Enn og aftur langar mig að nefna það þegar Arion Banki talaði fyrir að hafa lennt í 2 miljarða TAPI þegar þeir voru aðeins í 5 miljarða gróða þegar spáin sagði að þeir ættu að vera í 7 miljarða gróða, það sem gerðist þá er að þeir hækkuðu vexti á verðtryggðum lánum og núna fóru þeir frammúr sínum spám í hagnaði vegna þess. Það er ekki nóg fyrir þessa pappakassa að vera í gróða, þeir þurfa að græða eins mikið og hægt er og þá helst á fólki sem á enga peninga.

[Henjo]

Ætlum við næst að fara sameina leigufélög því þau líka hafa svo mikinn áhuga að spara neytendum svo mikla peninga. Þetta er bara djók.

[Manager1]

Þeir reyna að snúa umræðunni þannig að þessi samruni sé almenningi til hagsbóta, en auðvitað er það ekki grunn ástæðan fyrir því að þeir vilja sameinast. Þeir sjá ávinninng í sameiningu fyrir bankann, en "við viljum sameinast til að græða meiri pening" hljómar bara ekki eins vel og "við viljum spara almenningi 5 milljarða á ári".

[rapport]

Viðskiptavinir Allianz fá hagnaðarhlutdeild ef hagnaður fer yfir einhver viðmið, held það hafi a.m.k gerst 3 eða 4 sinnum frá 2006...

[traustitj]

Þeir senda ekki krónu niður á við. Brauðmola kenningin varð úreld um leið og ryksugan var fundin upp.
Fæ smá svona hroll eins og Arion vanti pening.

Ef samruninn yrði, væri ekki sameinaður banki orðinn of stór fyrir ríkið þegar það þarf að bjarga þeim aftur? (ekki ef)

[falcon1]

Klikkun ef þetta fer í gegn.

[GuðjónR]

Hvenær hafa bankar á Íslandi sett hagsmuni neytenda í forgang? Ég nota orðið „neytendur“ þar sem mér finnst óviðeigandi að tala um viðskiptavini. Bankarnir eiga enga viðskiptavini, fólk neyðist til að skipta við þá.

[Vaktari]

Það er auðvelt að þykjast ætla að bæta hag þjóðarinnar með því að sameina banka.
Það er svona eins og þeir sem stjórna haldi að allir hafi verið fæddir í gær.
Núna erum við alltof lítil þjóð til að vera með svona marga banka bla bla bla

Þetta er nú bara einhver vitleysa.
Svo er ekkert gert annað í allskonar samanburði að bera okkur saman við einhverjar milljóna manna þjóðir á norðurlöndunum.
Þarf engan sérfræðing til að sjá gegnum svona vitleysu.

Meira að segja banki sem er í eigu ríkisins sem er að hafa endalaust af fólki í landinu.

Hvernig væri bara að gera þetta þannig að bankarnir græða en lánin eru almennileg þannig allir geta nýtt sér þau?
Séu ekki allir að bugast að borga einhver basic húsnæðislán.
Efast um að þetta sé svona asnalegt í danmörku t.d. en þar eru samt bankar að græða.

[Hjaltiatla]

Held það verði erfitt að réttlæta fákeppni á þessum markaði talandi um að þetta skili sér til neytenda ,það er algjör brandari
Vona samt innilega að fleiri erlend fjártæknifyrirtæki fari að bjóða uppá lausnir hérlendis líkt og Revolut, Wise hafa verið að bjóða sem veita þessum bönkum hérlendis aðhald (má líka nefna Indó sem er jú reyndar innlend lausn). Mögulega einn daginn fáum við lausn sem býður okkur uppá lánakjör og þjónustu á mun betri kjörum en bankanir hérlendis veita. Það eru ekki miklar líkur að hefðbundnir erlendir bankar sjái sér hag í að vera með starfsemi hérlendis eftir því sem ég best veit.