urban skrifaði:alskonar
Allir liðir 1.b-d.
Ég er ekki að segja að ríkið eigi að fara í þessar framkvæmdir vegna flóttamannana, ég er að segja að þegar byggingariðnaðurinn tekur við sér þá skapast töluverð samlegaðaráhrif samhliða aukinni afkastagetu og afkastagetan mun aukast þar sem eftirspurnin eftir henni mun aukast. (flóttamenn geta t.d. unnið í þessum geira enda nokkuð algengt að innflutt vinnuafl sé notað þar sem innlent er ekki fyrir hendi)
Þarna geri ég bara ráð fyrir því að markaðurinn elti eftirspurnina (má segja peningana) og hegði sér eðlilega.
Ef ríkið gerir langtímaáætlun um byggingu á húsnæði þá geta fyrirtækið farið að gera langtímaáætlanir um kaup á tækjum og tólum til að standa undir því. Allt slíkt hefur verið að skornum skammti eftir hrun (ekki nema kannski gangnagerð). Þú hlítur að þekkja einhverja iðnaðarmenn sem hafa sterkar skoðanir á þessu eða innflytjendur á einhverju byggingarefni eða hreinlega brennt þig á því í Byko eða Húsasmiðjunni að úrvalið sem til er á lager er búið að vera nokkuð bágborið um langt skeið.
Varðandi lið 2.
Á LSH starfa 5000 fullorðnir einstaklingar og fá fyrir það 25 milljarða í laun. 1/3 fer í skatta og þá standa eftir 16,5 milljarðar. 2500 starfsmenn LSH fá þá 8,25 milljarða í laun.
Ef 5000 flóttamenn koma til landsins þá eru líklega um helmimgur börn (sem fá ekki greidda framfærslu) það eru þá bara 2500 fullorðnir sem fá framfærslu (og verða að sjá um börnin sín).
Framfærslan sem þeir fá verður þá líklega 8,25 milljarðar á ári sem þessir 2500 fullorðnu fá en mun duga fyrir börnunum þeirra líka.
Ég tók skattinn, tryggingagjöld og lífeyrir frá þar sem fólk á bótum greiðir ekki skatt, tryggingagjald eða í lífeyrissjóð.
Varðandi lið 3
Þessi þjónusta er eitt af vandamálunum sem þarf að leysa en það þýðir ekkiað sama vandamál sé ekki til sataðar í dag. Stærðarhagkvæmni yrði líklega til þess að þessi þjónusta yrði ódýrari pr. haus en hún hefur verið og við mundum ná að byggja hana upp nokkuð hratt enda mjög líklegt að einhver flóttamaður mundi líta á þetta sem atvinnutækifæri.
Það eru ýmsir skólar úti á landi sem eru ekki í vandræðum með að taka á móti útlendingum í dag, þetta er ekki ómögulegt. Erfitt en ekki ómögulegt.
Ég hef sjálfur eignast góðan vin fyrsta daginn hans á Íslandi, sumarið áður en ég byrjaði í 7.bekk þar sem hann kunni hvorki íslensku né ensku. Um ári seinna fékk hann hærri einkunn í lestri en ég, hann er kokkur í dag, bróðir hans bakari og mamma þeirra búin að vera vinna hjá sama fyrirtækinu nánast frá því að þau fluttu hingað.
Tungumálið er ekki óyfirstíganlegur þröskuldur, það er erfitt fyrir suma, auðvelt fyrir aðra en það versta er þegar fullorðna fólkið ákveður að læra ekki íslenksu og er endalaust að fá börnin til að þýða fyrir sig. En þetta er félagsþjónustan okkar að eiga við í dag.
Varðandi lið 4)
rapport skrifaði:Skv. tölum 2014:
Á Íslandi erum við með 10,4% innflytjendur og 0,1% flóttamenn.
Svíar eru með 15,9% innflytjendur og stefna í að vera með um 4,5-5% flóttamenn í lok árs 2015
Danir eru með 13,8% innflytjendur og 0,5% flóttamenn.
Noregur er með 9,9% innflytjendur og 1,1% flóttamenn
Þetta er á síðunni hér á undan.
Ástæðan fyrir því að ég vísa í Svía er að það er alltaf skotið á mig að allt sé í fári hjá Svíum.
Ég hef verið að benda á að þessi uppástunga um 5000 flóttamenn er tæplega 1/3 af þeim 16.000 sem við þyrftum að taka á móti ef við ætluðum að haga okkur eins og Svíar.
Hvaða rasistastimpil?
Ég sagði að mér þætti þetta segja töluvert um okkar samfélag.
Við státum okkur af gestrisni, auð, orku og allskonar...
Það finnst mér vera þjóðremba enda oft lítil innistæða fyrir þessum þáttum ef þeir byggja á fólkinu í landinu.
Ef að þú ert að tala um "fóbíu" v.s. "rasisma" hugleiðinguna þá setti ég hana fram til að fá fólk til að hugsa um af hverju það vill ekki flóttafólk til landsins.
Þessi pæling er reyndar komin frá heimspekingi sem ég þekki eftir nokkuð skemmtilega umræðu um fordóma undir yfirskriftinni, "hvenær hætta fordómar að vera fordómar" og þar barst m.a. í tal hvort að "fóbíur" væru ekki "fordómar"... og þannig endaði það hérna inni...
En fordómar eru sjálfsagður hlutur, allir eru með fordóma, ég líka, alveg helling, en ég reyni fyrir vikið að láta það ekki lita mína framkomu gegn þeim hópum sem ég hef fordóma gegn.
Hvað varðar flóttamannabúðapælinguna:
Ég hugsa þessa tölu 5.000 til lengri tíma, við getum kallað hana markmið, ég vil reyna að hjálpa sem flestum.
Það má alveg vera 250 í einu en ekki hafa 250 sem þak eins og stjórnvöld eru að stilla þessu upp eins og er.
Mundir þú vilja hafa eitthvað þak á þessari tölu eða mundir þú vilja hafa eitthvað markmið?
Fyrir mér er munurinn töluverður og ég reyndi að lýsa honum í þessari "push/pull" samlíkingu (er í raun markaðsfræðihugtök/aðgerðir sem ég var að nota).
Ég sé fyrir mér að Ísland setji sér markmið og skuldbindi sig til að reyna að taka við 5.000 á næstu 5 árum.
Við byrjum þá á 250, prófum kerfið, búum til ferla og könnum hvaða vandamál koma upp.
Lærdómskúrfan leiðir svo af sér að ef við tökum við 250 aftur eftir 6-7 mánuði þá ganga hlutirnir betur, næst tökum við 500, svo 1000 o.s.frv.
Hvað varðar vinnu fyrir allt þetta fólk, þá er þörfin fyrir vinnuafl að aukast svo hratt hér á Íslandi vegna nýsköpunar, ferðamanna, þörf á viðhaldi, öldrun þjóðarinnar o.f.l. að þetta er "least of my worries" auk þess sem að þetta fólk kemur ekki allt kúkblankt til landsins, sumir eiga fé í banka sem þeir geta notað til að fjárfesta og stofna verslanir, keypt sér eignir o.þ.h.
Ég undirstrika, ég vil heldur ekki bara hrúga fólki hingað inn, ég vil að það sé sett markmið/skuldbinding af ríkinu sem mun gera markaðinum kleyft að aðlaga sig að breyttum þörfum og þörfum framtíðarinnar svo að við getum gert þetta vel.
Varðandi samlíkinguna með LSH og þínar þarfir.
Starfsemi LSH vex og minnkar eftir því hversu margir þurfa á honum að halda og hvers eðlis þjónustan er, t.d. hvort að tækniframfarir hafi gert það mögulegt að viðkomandi aðgerð sé gerð á einkastofu eða ekki sbr. laseraðgerðir sem varla eru gerða á LSH lengur, lýtaaðgerðir, ófrjósemisaðgerðir, margar fæðingar, endurhæfingu ofl. ofl.
Sjúkratryggingar greiða aðilum út í bæ fyrir að sinna þessum verkum og ekkert rangt við það.
En samlegaðaráhrifin minnka alltaf eftir því sem spítalinn minnkar þá tapar hann stærðarhagkvæmni.
Ég vil auka eftirspurn eftir velferðarþjónustu svo að það sé hægt að byggja innviði hennar upp, svo að það skapist störf fyrir hjúkrunarfræðinga, sjúkraliða, félagsráðgjafa, félagsliða, sálfræðinga, lækna, alskonar ráðgjafa, kennara, þroskaþjálfa, iðjuþjálfa...
Fyrst sé ég fyrir mér að þetta fólk komi til starfa til að sinna flóttamönnum en þegar sá vandi er leystur eða kominn undir control, segjum eftir 10ár, þá er annað vandamál orðið stórt og augljóst og það er öldrunarþjónustan sem mun þá hafa aukist um nær 35% frá því í dag en mun aukast um önnur 50% frá því í dag á 10 árunum eftir það s.s. á árabilinu 10-20 árum frá deginum í dag.
Ég er því að husga um hvaða verkefni við getum farið í í dag til að skapa eftirspurn eftir þessari þekkingu því að þessi þekking verður ekki hrist fram úr erminni eftir 5 ár eða 10 ár í samræmi við hversu hratt eftirspurnin mun aukast.
En takk fyrir það, ég elska að vinna á LSH það er a.m.k. ótrúleg reynsla sem maður fær af ótrúlegstu málaflokkum.
Gleymi ekki lækninum sem kom frá Svíðþjóð og fussaði og sveiaði yfir því að það væri bannað að nota heróín á LSH og á Íslandi yfir höfuð.
Þar er það notað fyrir fólk í líknandi meðferð með miklu betri árangri en morfín sem fólk myndar þol gegn þannig að það jafnvel hættir að virka gegn verstu verkjunum.
Bara lítið dæmi um eitthvað sem við mættum vera opnari fyrir hér á klakanum.
