Hvað ætliði að kjósa?

[tdog]

Ég mun setja X við B.

[GuðjónR]

Frosti Sigurjónsson er snillingur, var að horfa á hann í Silfrinu og gæti næstum kosið Framsókn vegna hans.
Hef fylgst með honum undanfarið í umræðunni og verð að segja að ég hef mikið álit á manninum.
Hann talar um hlutina á mannamáli. Mjög klár.

[FriðrikH]

Í guðanna bænum ekki falla fyrir popúlismanum í Framsókn, þeir gera þetta fyrir hverjar einustu kosningar. Lofa einhverju nógu vinsælu og hala inn hellings fylgi á því, 90% lánin frá þeim áttu nú stóran þátt í að setja okkur nánast á hausinn.
Sigmundur kom með þessa frábæru uppástungu að lækka öll verðtryggð lán um 20%, þetta er popúlismi sem nærist á fáfræði. Ef hann fengi að gera þetta þá væri ríkið á leiðinni á hausinn aftur, sama hvað fólk heldur þá er ekki hægt að búa til peninga með því að afskrifa skuldir, það hefði átt að vera lexía númer eitt fyrir íslendinga úr hruninu, að það sé ekki hægt að búa til peninga með einhverjum viðskiptafléttum og tilfærslum. Samt virðast sorglega margir halda að það sé einmitt lausnin á skuldavandanum, afskrifa bara skuldir almennings.

Afnám verðtryggingar er álíka mál, það er ekkert mál að segjast ætla að afnema verðtryggingu, en sannleikurinn er sá að það er ekki hægt að afnema hana á meðan krónan er gjaldmiðill hér. Vissulega er hægt að afnema hana á pappírunum, en hún verður samt til staðar í öðru formi, hærri vextir á lánum með vaxtaendurskoðun á X ára fresti.... Það hringir e.t.v. einhverjum bjöllum, "óverðtryggðu" lánin sem bankarnir eru að bjóða upp á í dag eru ósköp einfaldlega verðtryggð lán í felubúningi, á meðan það er hægt að endurskoða vextina á nokkurra ára fresti þá tryggja bankarnir sig fyrir verðbólgu og vaxtasveiflum.

Framsóknarflokkurinn er einfaldlega allra versti kosturinn í íslenskum stjórnmálum núna eins og áður.

[GuðjónR]

Í guðanna bænum ekki falla fyrir popúlismanum í Framsókn, þeir gera þetta fyrir hverjar einustu kosningar.

Það er reyndar alveg rétt.

Samt virðast sorglega margir halda að það sé einmitt lausnin á skuldavandanum, afskrifa bara skuldir almennings.

Það má ekki rugla saman að "afskrifa" og "leiðrétta" ... en auðvitað þarf að leiðrétta svikin sem áttu sér stað við hrunið og þann forsendubrest sem varð.

Afnám verðtryggingar er álíka mál, það er ekkert mál að segjast ætla að afnema verðtryggingu, en sannleikurinn er sá að það er ekki hægt að afnema hana á meðan krónan er gjaldmiðill hér. Vissulega er hægt að afnema hana á pappírunum, en hún verður samt til staðar í öðru formi, hærri vextir á lánum með vaxtaendurskoðun á X ára fresti....

Það er hægt að afnema hana, það er ekki einfalt en verðtryggingin er ekki náttúrulögmál. Þeir sem halda því fram að það sé ekki hægt að afnema verðtryggingu eru gjarnan þeir sömu og vildu samþykkja IceSlave og sögðu að hér færi annars allt í bál og brand ef við gerðum það ekki.

Það hringir e.t.v. einhverjum bjöllum, "óverðtryggðu" lánin sem bankarnir eru að bjóða upp á í dag eru ósköp einfaldlega verðtryggð lán í felubúningi, á meðan það er hægt að endurskoða vextina á nokkurra ára fresti þá tryggja bankarnir sig fyrir verðbólgu og vaxtasveiflum.

Hárrétt, stýrivexti niður í ~1%, óverðtryggða fasta vexti á húsnæðislán upp á max 3.5%
Banna verðtryggð lán til almennings, annað gildir um fyrirtæki sem hugsanlega eru að kaupa vélar eða tæki sem búa til verðmæti.
Og eins og Frosti benti á þá ætti að banna bönkunum að búa til peninga og færa það vald yfir til Seðlabankans.

Framsóknarflokkurinn er einfaldlega allra versti kosturinn í íslenskum stjórnmálum núna eins og áður.

Verri en Samfylkingin og Vinstri Grænir??? nei hættu nú alveg!!

[dori]

Framsókn er bara að ganga á lagið. Sigmundur gerir rétt veðmál með því að standa alltaf gegn Icesave (hann allan tímann í stjórnarandstöðu og hefði alltaf getað falið sig á bakvið það að fólkið hefði átt að fá að velja ef verr hefði farið). Fyrir utan það, hvað annað hefur þessi flokkur gert af viti? Það er langt síðan þeir voru í stjórn og fylgið hrundi af þeim eftir þann tíma. Er ekki einhver ástæða?

Ég hef ekki kynnt mér nógu vel það sem þessi Frosti segir en það eru auðvitað oft einn og einn skynsamur maður jafnvel meðal mesta sorpsins.

Annar flokkur sem fyrir mér er algjört djók eru Hægri Grænir. Stefnumálin þeirra er bara blaðra. Allt sem fólk hefur beðið um er þarna en það er ekki samræmi í stefnumálunum þeirra. Það er (var? ég hef ekki skoðað þetta leeengi) t.d. algjört ósamræmi í því sem þeir segja varðandi frelsi einstaklingsins og svo takmarkanir á frelsi hans sem felast í öðrum stefnumálum.

[FriðrikH]

Hárrétt, stýrivexti niður í ~1%, óverðtryggða fasta vexti á húsnæðislán upp á max 3.5%
Banna verðtryggð lán til almennings, annað gildir um fyrirtæki sem hugsanlega eru að kaupa vélar eða tæki sem búa til verðmæti.
Og eins og Frosti benti á þá ætti að banna bönkunum að búa til peninga og færa það vald yfir til Seðlabankans.

Við erum sammála með margt, en það gengur aldrei að banna verðtryggingu og setja svo hámarks vexti í 3.5%, það mundi einfaldlega þýða að ríkið þyrfti að dæla peningum inn í íbúðalánasjóð (allur almenningur væri þannig að niðurgreiða lán fyrir fasteignaeigendur) og allar aðrar lánastofnanir mundu hætta að veita lán til íbúðakaupa. Það gefst sjaldan vel að stýra svonalöguðu með handafli, sagan hefur sýnt okkur það.

[GuðjónR]

Hárrétt, stýrivexti niður í ~1%, óverðtryggða fasta vexti á húsnæðislán upp á max 3.5%
Banna verðtryggð lán til almennings, annað gildir um fyrirtæki sem hugsanlega eru að kaupa vélar eða tæki sem búa til verðmæti.
Og eins og Frosti benti á þá ætti að banna bönkunum að búa til peninga og færa það vald yfir til Seðlabankans.

Við erum sammála með margt, en það gengur aldrei að banna verðtryggingu og setja svo hámarks vexti í 3.5%, það mundi einfaldlega þýða að ríkið þyrfti að dæla peningum inn í íbúðalánasjóð (allur almenningur væri þannig að niðurgreiða lán fyrir fasteignaeigendur) og allar aðrar lánastofnanir mundu hætta að veita lán til íbúðakaupa. Það gefst sjaldan vel að stýra svonalöguðu með handafli, sagan hefur sýnt okkur það.

Ég veit það mun aldrei gerast, þetta var nú frekar óskhyggja en rökhyggja hjá mér.
Ætli við komum ekki til með að búa við 10%+ vexti á íbúðarlánum um ókomna tíð eins og tíðkast hefur (lít á verðtrygginguna sem vexti).

[FriðrikH]

Hárrétt, stýrivexti niður í ~1%, óverðtryggða fasta vexti á húsnæðislán upp á max 3.5%
Banna verðtryggð lán til almennings, annað gildir um fyrirtæki sem hugsanlega eru að kaupa vélar eða tæki sem búa til verðmæti.
Og eins og Frosti benti á þá ætti að banna bönkunum að búa til peninga og færa það vald yfir til Seðlabankans.

Við erum sammála með margt, en það gengur aldrei að banna verðtryggingu og setja svo hámarks vexti í 3.5%, það mundi einfaldlega þýða að ríkið þyrfti að dæla peningum inn í íbúðalánasjóð (allur almenningur væri þannig að niðurgreiða lán fyrir fasteignaeigendur) og allar aðrar lánastofnanir mundu hætta að veita lán til íbúðakaupa. Það gefst sjaldan vel að stýra svonalöguðu með handafli, sagan hefur sýnt okkur það.

Ég veit það mun aldrei gerast, þetta var nú frekar óskhyggja en rökhyggja hjá mér.
Ætli við komum ekki til með að búa við 10%+ vexti á íbúðarlánum um ókomna tíð eins og tíðkast hefur (lít á verðtrygginguna sem vexti).

Það er nefnilega málið, verðtryggingin er ekkert nema breytilegir vextir (reiknaðir mánaðarlega), þetta er bara spurning um hvaða nafni við köllum hlutina. Annars deili ég þessum draum náttúrulega með þér.

[appel]

Komist framsókn í ríkisstjórn, þá er ljóst að Frosti verður ráðherra í einhverjum málaflokki, e.t.v. fjármálaráðherra eða efnahagsráðherra.

Að kjósa framsókn er nefnilega eini raunverulegi kosturinn til að koma á fót einhverjum vitrænum breytingum á þessu vonlausa skeri.

[GuðjónR]

Ég spái því að Frosti verið forseti Íslands einhvern daginn.

[tdog]

Í guðanna bænum ekki falla fyrir popúlismanum í Framsókn, þeir gera þetta fyrir hverjar einustu kosningar.

Nefndu mér stjórnmálaflokk sem svíkur aldrei kosningaloforð. Það er leiðinlegt að segja það, en fylgnin milli þess að komast á þing og að ljúga er mikil.

Að kjósa framsókn er nefnilega eini raunverulegi kosturinn til að koma á fót einhverjum vitrænum breytingum á þessu vonlausa skeri.

Það er mikið af nýju fólki á listum hjá Framsókn, sem er frábært. Og ungt fólk í kringum þrítugt er á listum, það hugsar þó um framtíð barnana sinna annað en grameðlurnar sem sitja nú á þingi og sjá aðeins eftirlaunasjóðinn sinn vaxa með hverjum þingfundinum.

En það er líka alveg ljóst að Framsóknarflokkurinn hefur eins og allir aðrir flokkar gert mistök. En CVið hjá Framsókn er hvað mest heillandi af því sem er í boði þetta kosningaárið.

[BaldurÖ]

Hægri græna líst best á þá.
http://www.afram-island.is/

[GuðjónR]

Nefndu mér stjórnmálaflokk sem svíkur aldrei kosningaloforð. Það er leiðinlegt að segja það, en fylgnin milli þess að komast á þing og að ljúga er mikil.

Sjálfstæðisflokkurinn er ekki búinn að gefa út eitt einasta kosningarloforð. Veit ekki hvort hann sé svona geldur af hugmyndum eða hvort þetta sé ný stefna....lofum engu = svíkjum ekkert.

[capteinninn]

Ég ætla að skila inn auðu til að mótmæla því að geta ekki fengið að velja það fólk sem ég vill á þing heldur þarf ég að setja valdið í hendurnar á innanflokkapólitík og spillingunni sem þar fyrirfinnst.

Sniðugt fólk í öllum flokkum en ég er neyddur til að velja bara einn flokk og fæ þannig með frambjóðendunum sem mér líkar allskonar hyski og vitleysinga því að þeir hafa gert einhvern skiptidíl við leiðtoga flokkana eða þeir koma úr einhverri fjölskyldu/vinahóp sem hefur mikil áhrif innan flokksins.

Verst bara að við munum aldrei fá þetta vald til að velja þingmennina okkar beint vegna áratugaþjálfun og hefð atvinnupólitíkusa við að koma sínum persónulegu hagsmunum að og stoppa alla umræðu um þessi mál á þeim stöðum þar sem það skiptir máli.

Ég væri til í opna umræðu um þetta fyrirkomulag þar sem rætt er um kosti og galla þessa kerfis en það mun aldrei gerast á meðan við erum föst með þingmenn sem óttast þetta vegna þess að þeir gætu tapað þeim völdum sem þeir hafa náð upp yfir árin í sínum flokkum.

Minn draumur er að það komi fram flokkur sem setur sér það eindræga markmið að koma þessu í gegn og ég yrði fljótur að kjósa hann inn. Á meðan mun ég halda áfram að skila inn auðu.

/rant

[appel]

Horfði á Silfur-Egils í kvöld, og viðtal við Frosta Sigurjónsson.

Er á þeirri skoðun að það sé liggur við þjóðaröryggismál að þessi maður komist í þá stöðu að ráða um fjármálakerfi þessa lands.

Ég hef talað í mörg ár fyrir samskonar breytingum og hann talar fyrir, þannig að hans hugmyndir falla vel að mínum. Ef Frosti væri ekki að tala um þessi mál þá væri engin umræða um þau. Enginn í Sjálfstæðisflokknum myndi tala um þetta, enginn gerir það í dag, enda er hagsmunum Sjálfstæðisflokknum best borgið með núverandi arðránskerfi. Samfylkingin vill ekki tala um annað en evru. Vinstri-Græn hafa ekki hundsvit á þessum málaflokki.

Í mínum huga er þetta mál með peningakerfið stærsta hagsmunamál þessarar þjóðar og algjört forgangsmál. Allt annað er í öðrum forgangi. í raun er ekki hægt að byrja reka hér samfélag með vitrænum hætti fyrr en peningakerfið kemst í lag. Við sjáum öll afleiðingarnar af því að hundsa þetta vandamál svona lengi, heilbrigðiskerfið að liðast í sundur, landhelgisgæslan getur ekki haft þyrlu á lofti eða bát á hafi, lögreglan getur ekki sinnt útköllum... og brátt munu kennarar, sjúkraliðar og aðrir heimta meira... Þetta er bara einfalt, þetta tengist allt peningakerfinu.

[rapport]

Það verður ekki sett x við B, D og líklega ekki S.

Ef einhver ætlar að fá að fokka upp hlutunum þá verður það einhver sem gerir það af sannfæringu.

Sá sem kýs þetta lið er vitlausari en G.W.B. sjá videó

[steinarorri]

Yfirleitt dytti mér ekki í hug að kjósa Framsókn, en leist vel á þetta kerfi sem talað var um í Silfri Egils og Frosti virðist ágætis kandítat á þing... en það dugar varla til að ég kjósi þennan spillta skítaflokk.
Finnur Ingólfs, Halldór Ásgríms, Jón Sveinsson og ÍAV... af nógu er að taka. Er einhvertil að halda að Framsókn sé e-ð minna spillt í dag?

[Xovius]

Ég kýs Pírata bæði því mér líkar hugmyndir þeirra og til þess að senda hinum flokkunum skilaboð.

[FriðrikH]

Í guðanna bænum ekki falla fyrir popúlismanum í Framsókn, þeir gera þetta fyrir hverjar einustu kosningar.

Nefndu mér stjórnmálaflokk sem svíkur aldrei kosningaloforð. Það er leiðinlegt að segja það, en fylgnin milli þess að komast á þing og að ljúga er mikil.

Að kjósa framsókn er nefnilega eini raunverulegi kosturinn til að koma á fót einhverjum vitrænum breytingum á þessu vonlausa skeri.

Það er mikið af nýju fólki á listum hjá Framsókn, sem er frábært. Og ungt fólk í kringum þrítugt er á listum, það hugsar þó um framtíð barnana sinna annað en grameðlurnar sem sitja nú á þingi og sjá aðeins eftirlaunasjóðinn sinn vaxa með hverjum þingfundinum.

En það er líka alveg ljóst að Framsóknarflokkurinn hefur eins og allir aðrir flokkar gert mistök. En CVið hjá Framsókn er hvað mest heillandi af því sem er í boði þetta kosningaárið.

Það er munur á því að svíkja kosningaloforð (sem er náttúrulega aldrei gott) og að gefa loforð sem er nánast ekki hægt að standa við. Það er enginn flokkur á íslandi sem lofar jafn miklu og framsókn gerir alltaf fyrir kosningar. Þrátt fyrir að það sé hægt að gagnrýna restina af fjórflokkinum fyrir mjög margt, þá eru þeir þrír flokkar (D, S og V) allavega sæmilega skynsamir með að lofa ekki hlutum sem þeir geta ekki staðið við (eða hlutum sem mundu hafa verulega neikvæðar afleiðingar í för með sér ef staðið væri við) - Ekki að D, S og V séu hátt skrifaðir hjá mér, ég mun ekki kjósa neinn af þeim í þetta skiptið.