Lekaliði slær (sló) út og LED-væðing heimilis

[blitz]

Tvær spurningar

1. Lekaliðinn sló allt í einu út seint í gærkvöldi upp úr þurru (takmarkað álag, í raun ekkert nema uppþvottavél). Sló honum aftur inn og þá fór hann út aftur eftir ~30 sec. Sló öllu út og reyndi að átta mig á því hvað væri að valda og hann endaði á því að hanga inni með því að slá út greininni sem er með útiljósin. Úti var auðvitað smá vindur og miklar leysingar.
- Þetta bendir væntanlega til þess að það er einhversstaðar raki að komast í perustæði eða garðtengibox?
- Og þá næsta skref að kíkja á það allt saman og athuga hvort svo sé? Eða getur rafvirki nálgast þetta á annan hátt?

2. Núna er ég í húsi byggt 1997/8 og hef verið að LED væða heimilið hægt og rólega. Skipt út eldri dimmerum og spennubreytum fyrir led dimmer og led ljós o.s.frv.
- Ég rakst á þennan þráð í nótt þegar ég var í þessu vesen - Lekaliði að slá út
- Þarf ég að fá rafvirkja til þess að skipta um lekaliða hjá mér (n.b. ekki að gefa í skyn að ég ætli að láta mér detta í huga að gera það - bara hvort þetta sé eitthvað sem þarf samhliða LED-væðingu)? Ég er ekki með þessar sínusbylgur á mínum lekaliða :-)

Bkv.,

[CendenZ]

Þegar leysingar á húsþökum er í fullu fjöri myndi ég fyrst athuga húsljós undir þakskyggni/bíslagi svo bílskúrsljósin. Þetta er sárasjaldan eitthvað stórmál.

Já þú færð rafvirkja í allar töfluæfingar

[blitz]

Já þú færð rafvirkja í allar töfluæfingar

Bætti við póstinn - (n.b. ekki að gefa í skyn að ég ætli að láta mér detta í huga að gera það - bara hvort þetta sé eitthvað sem þarf samhliða LED-væðingu)

[TheAdder]

Já þú færð rafvirkja í allar töfluæfingar

Bætti við póstinn - (n.b. ekki að gefa í skyn að ég ætli að láta mér detta í huga að gera það - bara hvort þetta sé eitthvað sem þarf samhliða LED-væðingu)

Það er ekki vitlaust að gera þetta ef LED væðing er langt komin hjá þér, sparar þér mögulegan hausverk í framtíðinni.

[CendenZ]

Heyrðu jú, þegar þú færð rafvirkja í eitthvað, sama hvað tengt töflunni, þá uppfæriru töfluna ef þess þarf.

Ég tók mína í gegn þegar ég setti upp Teslu stöðina, með rafvirkja með í djobbinu þar sem þetta er tilkynningarskylt til HMS. Stjúpi er reyndar rafvirki og stjúp-afi og frændi þannig ég er vel reyndur í rafmagni en það eru svo mörg trix og atriði sem svona gæjar töfra fram sem maður veit ekki.

Ég myndi bara hafa samband við einhvern reyndan rafvirkja í þessu, taka mynd og senda á hann. Þá færðu etv bara lista af dóti sem þú átt að kaupa og eiga og þá verður þetta svo miklu auðveldara og styttir alla vinnu. Glatað fyrir rafvirkja að mæta eitthvað og þurfa keyra einu sinni í Rönning í klettagörðum og aftur í Rönning í HFJ skilurðu

[blitz]

Byrjaði á því að opna deilibox úti í garði - það auðvitað fullt af raka og bleytu og því vonandi sökudólgurinn í þessu.

Er búinn að bóka rafvirkja til að skipta um lekalið og boxið.

[olihar]

Þetta er væntanlega núllið sem er að slá út, þá í útiljósunum.

Enda alltaf skynsamlegast að hafa útiljós/útitengla á sér lekaliða.

[Dropi]

Er ekki lang öruggast að hafa útigreinina á lekaliðasjálfvari frekar en hefðbundnu öryggi?

[Squinchy]

Það er lang skynsamast að gera það þannig ef það er gerlegt, flestar nýbyggingar eru settar þannig upp.