spjallid.is

Nú er svo komið að þeir sem meiru ráða en ég um jólamáltíðina vilja ólmir hafa "jólakjöt" í matinn. Það er því útlit fyrir að ég þurfi að sjóða hamborgarhrygg - og líklega hrygg af allra stærstu gerð. Nú er úr vöndu að ráða því ég á ekki nógu stóran pott fyrir slíkt kjötstykki. Það næsta sem kæmist því væri líklega Ikea Senior steypujárnspottur. Í fyrra náði ég með naumindum að troða hrygg þar í en í ár þarf ég að sjóða stærri hrygg svo sé ég ekki fyrir mér að hann muni duga. Til að flækja málin er ég með spanhelluborð svo þessir klassísku svörtu steikarpottar ganga ekki fyrir mig.

Ég leita því á náðir ykkar, kæru spjallfélagar, og spyr, hvernig sjóðið þið hamborgarhryggi á spanhelluborði? Eruð þið með ábendingar um einhverja góða og stóra potta sem henta vel?

Ef hryggurinn er of stór þá getur þú alltaf sagað hann í tvennt og notað 2 potta eða geymt hluta þar til síðar.

Ertu bara með helluborð og ekki ofn?
Ég er með pott sem er nógu hár og læt hrygginn standa ofaní honum til að sjóða hann, það miðast þó við að þú sért með ofn til að klára hann síðan í.
Getur líka soðið í ofninum, vissulega meira maus að þurfa að tæma steikarpottinn og setja inn aftur en virkar samt alveg.
Svo er hægt að kaupa tvo minni hryggi og hafa ca 30 min á milli þeirra þannig að sá fyrsti klárist í fyrrri umferð og sá seinni komi rjúkandi í þá næstu.

kusi skrifaði:Nú er svo komið að þeir sem meiru ráða en ég um jólamáltíðina vilja ólmir hafa "jólakjöt" í matinn. Það er því útlit fyrir að ég þurfi að sjóða hamborgarhrygg - og líklega hrygg af allra stærstu gerð. Nú er úr vöndu að ráða því ég á ekki nógu stóran pott fyrir slíkt kjötstykki. Það næsta sem kæmist því væri líklega Ikea Senior steypujárnspottur. Í fyrra náði ég með naumindum að troða hrygg þar í en í ár þarf ég að sjóða stærri hrygg svo sé ég ekki fyrir mér að hann muni duga. Til að flækja málin er ég með spanhelluborð svo þessir klassísku svörtu steikarpottar ganga ekki fyrir mig.

Ég leita því á náðir ykkar, kæru spjallfélagar, og spyr, hvernig sjóðið þið hamborgarhryggi á spanhelluborði? Eruð þið með ábendingar um einhverja góða og stóra potta sem henta vel?

Þessir klassísku steikarpottar virka á spanið, eldaði úr þeim á span fyrir nokkrum árum í þeim , ekkert mál, kveikir á tveim hellum og go.
Annars hef ég tekið upp á því ef hryggurinn er of stór fyrir pottinn sem ég er með þá saga ég hann í tvennt. og hendi í 2 potta.

Langbest að setja í stórt fat og sjóða í ofninum...

Getur líka fengið léttsaltaðan hamborgarahrygg sem þarf ekki að sjóða, skellir honum bara beint í ofninn og málið dautt.

Alltaf verið hamborgarhryggur hjá mér á jólunum, alltaf verið soðinn í stóru fati í ofni, aldrei á hellu.

Hagkaups hrygginn þarf ekki að sjóða og hann er góður. https://verslun.hagkaup.is/product/hagk ... arhryggur/

Ég ætla að sous vide elda næst þegar ég geri hrygg, það klikkar ekki

Við sjóðum alltaf í ofninum í stóru fati, klikkar ekki.

Uppfærði í 30cm pott í ár, kostaði minnir mig um 7k í costco, eru 2 stærðir, stærri potturinn er bara hærri sem hjálpar ekkert

GuðjónR skrifaði:Langbest að setja í stórt fat og sjóða í ofninum...

Sammála

Ég er hættur að sjóða Hamborgarhrygg og elda hann núna í álpappír í ofni. Það er hægt að fá hryggi sem eru sérstaklega merktir "þarf ekki að sjóða" en það er líka hægt að nota hina og þá er gott að láta þá liggja í köldu vatni í nokkra klukkutíma fyrir eldun. Hryggurinn verður miklu meira djúsi ef maður sleppir því að sjóða hann.

https://www.mbl.is/greinasafn/grein/766494/

Bestu þakkir fyrir öll svörin

Ég ætla að prófa að sjóða hann inni í ofni í stórum svörtum steikarpotti!
https://byggtogbuid.is/product/steikarpottur-42cm

kusi skrifaði:Bestu þakkir fyrir öll svörin

Ég ætla að prófa að sjóða hann inni í ofni í stórum svörtum steikarpotti!
https://byggtogbuid.is/product/steikarpottur-42cm

Það á eftir að virka vel, 1-2 lítra af vatni er nóg, sem verður svo sósan.

kusi skrifaði:Bestu þakkir fyrir öll svörin

Ég ætla að prófa að sjóða hann inni í ofni í stórum svörtum steikarpotti!
https://byggtogbuid.is/product/steikarpottur-42cm

Ef þú ert ekki búin að splæsa í svona pott þá eru þeir oft til í Góða Hirðinum á mjög góðu verði, minni að ég hafi borgað max 1000 kr fyrir minn.

kusi skrifaði:Bestu þakkir fyrir öll svörin

Ég ætla að prófa að sjóða hann inni í ofni í stórum svörtum steikarpotti!
https://byggtogbuid.is/product/steikarpottur-42cm

Endilega prófa að sjóða hann í Coca Cola, það steinliggur