spjallid.is

Daginn,

Ég ætlaði að fara sækja um Kreditkort (er hjá Íslandsbanka) .. nema hvað, mig grunar að t.d. Ariobanki hafi bara svo mikið meira uppá að bjóða. Þeir með margfalt feiri tilboð í verslunum og appið þeirra einnig töluvert betra (Fríðu dæmið hjá Íslandsbanka er algjört djók).

Í hvaða banka eruð þið? Hvað er það helsta sem fær ykkur til að halda áfram viðskiptum við þann banka?

Er sjálfur hjá Arionbanka og þjónustan hjá þeim veltur allt of mikið upp á það í hvergi skapi einstaklingurinn er í og hef lent oft í því að starfsmenn reyna að bulla svör um umræðu efni sem þau þekkja ekki.

Svo eru þessi friðindi ekkert spes, færð betri afslætti hjá nova.

Mjög sáttur hjá Landsbankanum, fór til þeirra þegar ég tók fyrsta fasteignalánið þar sem að þeir felldu niður lántökugjöld en ekki Íslandsbanki nema ef þú varst búinn að vera í a.m.k. 3 ár í sérstökum fasteignasparnaði hjá þeim. Þeir vildu ekkert fyrir mig gera þegar ég spurði hvort það væri einhver sveigjanleiki frá þeirri reglu, var búin að vera í bankaviðskiptum hjá þeim frá því ég var barn.

Tók strax eftir því hjá Landsbankanum hvað netbankinn var mikið, mikið betri en hjá Íslandsbanka. Hafði í mörg ár spurt hvenær það ætti að lagast hjá Íslandsbanka að maður gæti séð stöðuna á kreditkortum nokkurn vegin í rauntíma, en upplýsingarnar úr heimabanka gátu verið 7+ daga gamlar hjá Íslandsbanka, en þeir sögðust alltaf vera að vinna í því að laga þetta (s.s. sama svarið í mörg ár).
Þetta er nokkuð pottþétt hjá Landsbankanum, hef ekki rekið mig á misræmi milli stöðunar í heimabanka og raunverulegrar stöðu á kortinu.

Hef ekki enn nýtt aukakrónurnar hjá Landsbankanum, en það er samt gaman að sjá þær safnast upp í heimabankanum, smá varasjóður

Landsbankinn er svo alltaf snöggur að svara tölvupóstum frá mér, og fær bara mín fínustu meðmæli.

Um hvaða afslætti ertu að tala um?

Þú getur sótt einkaklúbbsapp Arion í App store og notað alla afslætti án þess að skrá þig inn.

Kortin hjá Landsbankanum bjóða upp á að fá alvöru peninga til bara sem kallast "Aukakrónur".

Rennir svo bara aukakrónukortinu eins og gömlu debitkorti í verslun og kaupir þér það sem sýnist, til dæmis í Krónunni, Dominos ofl. Virka eins og venjulegar íslenskar krónur í posum hjá þeim sem eru
á þessum samstarfsaðilalista. Færð í raun borgað fyrir að nota kortið.

https://www.landsbankinn.is/einstakling ... dilar/#0|0

Í dag er ég með Almennt fyrirframgreitt kreditkort hjá "Kreditkort" , var búinn að prófa að vera með fyrirframgreitt kreditkort hjá Arion og þá uppfærðist staðan á kortinu aldrei fyrr en seint og síðarmeir (ekkert vandamál hjá Kreditkort).

Annars er þetta ágætis yfirlit yfir kort sem eru í boði: https://aurbjorg.is/#/kreditkort

Arion er fínn að mínu mati, hafa verið að bæta við þjónustuna undanfarið. Appið frábært og er að fýla þessa auknu fítusa eins og reglubundinn sparnað og að getað stundað verðbréfaviðskipti í heimabankanum. Held samt reyndar að flestir bankarnir séu að bjóða uppá þetta. Sakna þess samt að hafa aukakrónurnar í Landsbankanum, nota lítið þessi fríðindi í Arion banka, enda kannski ekki mikill afslátta kall. En Aukakrónur voru bara svona surprise free money fannst mér.

Ég er hjá arion og það er eitt sem ég er sáttur við varðandi appið það er þegar kemur reikningur til mín eða gamall reikningur sem er á eindaga þá fæ ég tilkynningu í símann, veit ekki hvort þetta sé hjá hinum bönkunum.

einarbjorn skrifaði:Ég er hjá arion og það er eitt sem ég er sáttur við varðandi appið það er þegar kemur reikningur til mín eða gamall reikningur sem er á eindaga þá fæ ég tilkynningu í símann, veit ekki hvort þetta sé hjá hinum bönkunum.

appið hjá arion er solid

Íslandsbanki er svolítið meira gamaldags en hinir bankarnir og mér finnst það allt í lagi.

Arion (þá KB sveið mig illilega með því að svíkja mig um 2004-2005, mun aldrei versla við þá aftur ef ég kemst hjá því) átti að fá reiking í Grafarvogi en fékk í Garðabæ og þeim fannst nú óþarfi að breyta því strax, sögðu að hægt væri að afgreiða hvern sem er hvar sem er þangað til að ég þurfti að fara sækja kort og skrifa undir einhverja pappíra, þá þurfti égað keyra út í Garðabæ.

Þurfti að tönglast í þeim í næstum 10 ár að loka og eyða kreditkorti sem þeir gáfu mér óvart, vildi VISA en fékk MasterCard og var rukkaður um árgjald í næstum 10 ár og þurfti alltaf að hirngja og böggast. Svo þegar þetta kort rann út þá fékk ég það alltaf sent í pósti bara til þess að ég gæti hringt enn eina ferðina.

Landsbankinn reyndi að fá aðila í fjölskyldunni til að fjárfesta næstum tugu milljóna í sjóðum þegar ættinginn hætti hjá SPRON (vildi ekki fara í BYR), ég var á þessum fundi og mælti eindregið með því, yfirmaður var kallaður á svæðið og hamraði á okkur að fara í sjóð en ekki vera með peningana á bók. Það var bara fyrir mig og þrjóskuna í mér að viðkomandi ættingi gerði bara ekki eins og henni var sagt = treysti ekki Landsbankanum fyrir fimmaura.

Íslandsbanki aftur á móti hefur sinnt mér 100% jafnvel eftir að ég fór aftur til þeirra með skottið milli lappana eftir ævintýrið með Arion 2004/5 og ef það hefði ekki verið fyrir þessa þjónustu ség ég fékk þá, þá hefði ég ekki getað klárað skólann minn og væri á allt öðrum stað í lífinu í dag.

Mun aldrei versla við aðra banka eða mæla með öðrum.

Það er sagt að það sé líklegra að þú skiljir við makann en að þú skiptir um banka. Almennt séð heldur fólk svo mikilli hollustu við sinn viðskiptabanka.

Eftirfarandi er mín upplifun af þessum þremur bönkum:

Íslandsbanki: Netbankinn mjög gamaldags og óþjáll fyrir einhvern sem hefur vanist netbanka Landsbankans. Þjónusta í útibúum ágæt og nokkuð hefðbundin.
Arion Banki: "Spaðalegur" banki sem er að reyna að vera töff. Þjónustufulltrúar í útibúum vel klæddir og með frasa á takteinum en reynslu- og þekkingarlitlir þegar upp er staðið. Fín þjónusta hjá ráðgjöfum sem núna eru því miður allir komnir í útibú upp á höfða (skrifstofurnar eru bakvið lyftuna í húsgagnahöllinni). Þekki ekki netbankann.
Landsbankinn: Mjög góður netbanki. Þjónusta í útibúum ágæt og hefðbundin.

Ég ætlaði að skipta yfir í Arion banka en fannst þjónustan og viðmótið í útibúunum svo hallærisleg og tilgerðarleg að ég gat það ekki. Gæti hugsað mér að vera hjá Íslandsbanka ef netbankinn þeirra væri boðlegur. Niðurstaðan hjá mér er því Landsbankinn sem er bara venjulegur banki með góðan netbanka sem ég notað auðvitað lang mest og skiptir mig því mestu.

Ég kann að meta Aukakrónukerfið hjá Landsbankanum en þessi vildarkerfi breyta mig annars ekki svo miklu, þetta eru ekki þannig upphæðir. Þetta eru nokkur þúsund aukakrónur sem ég og konan fáum í mánuði. Ekkert sem tekur því að tala um. Notum þetta aðallega í Dominos pizzur eða annan skyndibita, stundum útiföt á krakkana í Ellingsen.

Er hjá Arion, aðallega útaf google authenticator

Ég er líka að spá í að skipta um banka og samkvæmt smá rannsókn þá held ég að Íslandsbanki sé góður fyrir mig. Þeir eru t.d með 2.2% vexti a kjörbók en hinir 2 ná ekki 1% samanlagt. Það sem maður er ekki með margar kúlur á reikningi þá er kjörbókin hjá Íslandsbanka með betri þar sem þú ert með undir kúlu og getur hreyft við honum. Síðan eru þeir með VÍB sem er bara sér síða/fyrirtæki um verðbréf og svoleiðis. En þar sem ég er reiðufé maður þá er maður ekki mikið að skoða kort (hef reyndar verið að skoða þessi dýrustu þá í BNA á Youtube og þessi svaka friðindi sem maður fær) að þá skiptir sá hluti mig litlu máli. Með netbankan hjá Íslandsbanka er einhver snillingur til í að sýna hvernig þetta lítur út og allt það svona áður enn maður fer yfir.
Þess skal tekið fram að ég er mjög ánægður með Landsbankan þó að appið fær fall einkunn en á móti kemur er l.is frábær. Ég fer t.d. mun oftar í netbankan í símanum enn ég geri í tölvunni. Það er svona einn og einn hlutur þar sem ég nota tölvuna.

steini_magg skrifaði:Þess skal tekið fram að ég er mjög ánægður með Landsbankan þó að appið fær fall einkunn en á móti kemur er l.is frábær. Ég fer t.d. mun oftar í netbankan í símanum enn ég geri í tölvunni. Það er svona einn og einn hlutur þar sem ég nota tölvuna.

Hvað er það við appið sem að fer svona í þig ?
Þar sem að mér finnst þetta eiginlega vera bara l.is í appi

Ég er í viðskiptum við alla bankana, og mér finnst það sem ég nota mest, vefsíðan og appið best hjá Arion.

Ég skil ekki kaffihúsastemninguna sem er í bönkum í dag, þeir fækkuðu starfsfólki í afgreiðslu rosalega mikið. Þannig að það er 200% nýting á tíma starfsfólks á meðan þú eyðir 30 mínutum í biðröð.

Þegar ég er að ákveða með kreditkort þá horfi ég á tryggingarnar vegna ferðalaga og að það sé hægt að nota það allstaðar. Pæli ekkert í afsláttum, aukakrónum eða vildarpunktum. Maður þarf að rúlla öllum greiðslum í gegnum svona kort til að vera fá eitthvað af viti úr þessu.

nidur skrifaði:Ég skil ekki kaffihúsastemninguna sem er í bönkum í dag, þeir fækkuðu starfsfólki í afgreiðslu rosalega mikið.

I wonder why

Hef ekki farið í banka í einhver ár, allt gert í appinu núorðið. Fór síðast í landsbankan til þess að taka út af rykfallini bók því að ég gleymdi kortinu einhverstaðar

Ég er fyrrverandi starfsmaður Arionbanka (Kaupþing) og var neyddur í viðskipti við þá við ráðningu. Almennt ágætt að vera þar og heimabankinn er betri en hjá Íslandsbanka (sem ég er hjá núna). Aftur á móti hætti ég í viðskiptum við þá eftir verulega óánægju.

Ég byggði hús 2007-8 og lenti eins og flestir sem fæddust ekki með silfurskeið í endanum í smá vandræðum í hruninu og fór í svokallaða "Sértæka skuldaaðlögun" Við vorum ekki í vanskilum með neitt en við vorum að nálgast núðlustigið. Áður en við fórum inn í þetta þráspurði ég þjónustufulltrúann hvort þetta myndi gera okkur "brennimerkt" í kerfinu og valda því að við fengum verri kjör seinna meir. Þjónustufulltrúinn fullvissaði okkur um að engin hætta væri í því og að það væri í raun bannað að nota þetta gegn okkur og geyma uppl um þetta.

Nokkrum árum síðar vorum við búin að rétta úr kútnum, ég og konan mín með fínar tekjur og ágætis afgang eftir lánagreiðslur og ákváðum að kaupa bíl. Við vorum með milljón í peningum og þurftum að fá milljón að láni. Ég talaði við bankann og var lengi að fá svör og á endanum var bíllinn seldur undan okkur því að bankinn var að draga lappirnar. Ég hringdi upp í banka og spurði hvers vegna þetta gengi svona hægt. Svörin voru að þetta tæki alltaf tíma og við þyrftum að fara í greiðslumat og það tæki amk viku og svo hefðum við auðvitað farið í Sértæka skuldaaðlögun!!! Ég færði öll mín viðskipti yfir í Íslandsbanka næsta dag og tók þessa 1 mkr að láni hjá Lykli sem afgreiddu lánið samdægurs.

Þ.a. ég mæli ekki með Arion Banka þar sem honum er ekki treystandi og ég lít á þetta sem kom upp hjá mér sem hrein svik.

urban skrifaði:

steini_magg skrifaði:Þess skal tekið fram að ég er mjög ánægður með Landsbankan þó að appið fær fall einkunn en á móti kemur er l.is frábær. Ég fer t.d. mun oftar í netbankan í símanum enn ég geri í tölvunni. Það er svona einn og einn hlutur þar sem ég nota tölvuna.

Hvað er það við appið sem að fer svona í þig ?
Þar sem að mér finnst þetta eiginlega vera bara l.is í appi

Ég man það ekki. Ég samt man að manni fannst það lítið spess að maður eyddi því strax. Pabbi segir það sama um appið. Síðan getur það líka verið að maður er svo vanafastur að þessi munur pirrar mig svo.