spjallid.is

Er búinn að vera skoða nýja bíla undanfarið, þar sem 1999 toyotan mín er líklega komin á síðasta snúning og tími til að endurnýja.

En það sem ég tek eftir þegar ég sest upp í þessa nýju bíla er að útsýnið úr þeim er alveg herfilegt, á alla vegu. Í raun voru allir bílarnir svona, með langtum verra útsýni heldur en í 1999 toyotunni minni. Þetta er einsog að vera í skriðdreka. Og innanrýmið í þessum nýju bílum virðist vera þrengra einhvernveginn.

Framrúðan orðin lengri og mælaborðið dýpra, en hæðin á gluggarýminu samt minni. Flestir bílar komnir með svona skjá fyrir miðju sem stendur upp úr mælaborðinu og byrgir fyrir sýn ásamt baksýnisspeglinum sem sýnir ekki mikið hvortsem er því bakglugginn er orðinn svo lítill.
Svo er það sem ég tek mest eftir er að hliðarrúðurnar eru orðnar svona helmingur af því sem var c.a. 2000's. Getur ekki lengur rúllað niður og sett olnbogann út, þú þyrftir að lyfta honum upp fyrir öxlina.

Er þetta bara ég?

Get seint keyrt bíl sem sýnir svona lítið af umhverfinu kringum mann.

Þetta ert bara þú.

Stilltu sætið ofar og þú tekur ekkert eftir þessu.

Danni V8 skrifaði:Þetta ert bara þú.

Stilltu sætið ofar og þú tekur ekkert eftir þessu.

Þá kemst ég ekki inn í bílinn(suma) og hausinn rekst í loftið.

Old man yells at cloud

Á eftir að skoða teslu, sýnist reyndar að gluggarnir séu stærri á þeim.

Nei, þetta er ekki bara þú.

Ég var lengi að velja mér nýjan bíl einmitt út af útsýni og þá sérstaklega staðsetningunni á baksýnisspeglinum. Í allflestum bílum var hann alltaf beint í sjónlínu og byrgði sýn í minni setustöðu.

Svo er einhver lenska að vera með einhvern stólpa sem C-bita.

Sem og aðgengi og setustaða í aftursætum er oft ekki nógu góð, t.a.m. bara það að maður rekur höfuðið uppundir þak (mig vantar 2cm í meðalhæð btw).

Við a.m.k. öskrum saman á skýin.

Sammála þessu. Það eru bara smábílarnir sem hafa lítið breyst en sedan fjölskyldubílar eru margir orðnir svona.

Líklega er þetta tilkomið vegna fleiri loftpúða og kröfu um að bílar leggist ekki auðveldlega saman.

Hljómar eins og ykkur vanti nýjan Subaru, risa rúður allann hringinn.

Ég held þetta sé vani bara hjá þér.
Þetta er ekkert sem mun bögga þig þegar þú byrjar að keyra

slapi skrifaði:Ég held þetta sé vani bara hjá þér.
Þetta er ekkert sem mun bögga þig þegar þú byrjar að keyra

Já, hef keyrt sama bíl í 25 ár, og því tek ég vel eftir þessu þegar ég sest upp í nýjan bíl.
En bílar fyrir 25-20 árum síðan voru með stærri rúður, í öllum tegundum, það er ekki bara minn bíll og sú tegund.

Þetta er algjörlega rétt hjá þér, hönnunarlega séð líta þeir allir út eins og "brókaðir" (búið að toga mittislínuna allt of hátt).

Ástæðan fyrir þessu er aðallega útaf öryggiskröfum, þetta er auðveldasta leiðin til að styrkja allt en þetta er auðvitað oft óþægilegra heldur en gömlu bílarnir (þó svo þetta venst eitthvað) , gætir farið í 2010 árg. af bíl, það myndi líklegast duga. Ég er bæði með 2005 og svo 2010 árg. af Hondu CR-V og í nýrri bílnum situr maður lægra, gluggalínan er hærri þó svo að útsýnið í honum er þokkalegt.

fyrirmynd nýrra bíla í dag.

Eitthvað fyrir þig?

Moldvarpan skrifaði:
Eitthvað fyrir þig?

Þú þekkir huga minn var akkúrat að hugsa um þennan bíl í dag, gamall, ljótur, en frábært útsýni Renault ekki rétt?

Voru mjög framúrstefnulegir bílar á sínum tíma, man að ég las um þá í bílablaði moggans á þeim tíma.

Ekki nóg að þú værir með 360° útsýni þá voru tvær sóllúgur!

Fiat multipla. Oft nefndur sem ljótasti fjöldaframleiddi bíll sögunar.
En sennilega er eitthvað til í þessu hjá þér. Kröfur í árekstrarprófunum eru sennilega helsta ástæðan.

En fór Avensis semsagt í skoðun og fékk dauðadóm?

littli-Jake skrifaði:En fór Avensis semsagt í skoðun og fékk dauðadóm?

Nei, á eftir að fara, en líklega fær hann athugasemd útaf afturbremsum, skálabremsur sem erfitt er að eiga við útaf aldri.
Þ.e.a.s. vildi ekki missa hann yfir jólin, þannig að ég fer með hann núna í janúar.

littli-Jake skrifaði:En sennilega er eitthvað til í þessu hjá þér. Kröfur í árekstrarprófunum eru sennilega helsta ástæðan.

En er það að skerða útsýni og "situational awareness" ökumanns líklegt til að bæta umferðaröryggi?

Held að þessar árekstrarprófanir séu að hafa of mikil áhrif á hönnun bíla, þar sem eingöngu er lagt mat á hvernig hann stendur sig í beinum hörðum árekstrum. En ef ökumenn hafa nóg "situational awareness" þá dregur það væntanlega úr líkum á árekstrum. Það er ekki mælt.

Þetta er alveg rétt hjá þér. En það er náttúrulega mun erfiðara að raun mæla muninn á því hversu mörgum slisum þú lendir í með skert útsýni heldur en að sýna hvernig bílinn bregst við höggi.

littli-Jake skrifaði:Þetta er alveg rétt hjá þér. En það er náttúrulega mun erfiðara að raun mæla muninn á því hversu mörgum slisum þú lendir í með skert útsýni heldur en að sýna hvernig bílinn bregst við höggi.

Þetta minnir mig smá á "survivor bias", smá tengt því, en hliðstætt að sumu leyti:
https://en.wikipedia.org/wiki/Survivorship_bias

Í raun er eingöngu litið á bíla sem lifa af í árekstri, en ekki bíla sem lenda ekki í árekstri.

Hef séð fjandi mörg árekstrarvídjó á youtube, og svo mörgum tilfellum er þetta bara ökumaðurinn ... úti að aka.

Ökumaðurinn skiptir langmestu máli, og það að draga úr sýn hans á umhverfinu þá ertu að auka hættuna þó bíllinn sé öruggari.

Ef þetta heldur áfram þessi þróun verðum við öll á skriðdrekum hérna?

appel skrifaði:En það sem ég tek eftir þegar ég sest upp í þessa nýju bíla er að útsýnið úr þeim er alveg herfilegt, á alla vegu. Í raun voru allir bílarnir svona, með langtum verra útsýni heldur en í 1999 toyotunni minni. Þetta er einsog að vera í skriðdreka. Og innanrýmið í þessum nýju bílum virðist vera þrengra einhvernveginn.

Held að það sé alveg rétt hjá þér að þetta er almennt orðið verra en það var. Ég held að það sé vegna þess að A-stólpinn er orðinn talsvert sverari til þess að veita aukinn styrk í veltu. Eða það er mín tilgáta.

Þetta er samt mjög mismunandi á milli bílategunda.

Af þeim bílum sem ég hef prófað undanfarin ár fannst mér Polestar áberandi hræðilegur (og Volvo ekki neitt frábærir).
Kia Soul eru með fína vegsýn. Tesla Model 3 með frábæra (Model X sömuleiðis - eiginlega bara ótrúlega, en með fáránlegar hurðar og verð). Tesla Model Y er með mjög gott útsýni úr innanrými fram á við og til hliða, en hræðilegt út um afturrúðu. Að vísu hægt að vera með myndavélina kveikta öllum stunum en hún verður drullug.
Audi Q4/VW ID[34]/Skoda Enyaq eru allir með mjög gott útsýni. Q4 fær plús fyrir að vera með rúðupiss á bakkmyndavél líka. Mínus fyrir að leyfa manni ekki að hafa kveikt á henni umfram ákveðinn hraða (eins og flestir bílar).

Um að gera að skoða bara fleiri bíla. Ekki allir sem sökka í þessum efnum þó það séu margir.

gunni91 skrifaði:Hljómar eins og ykkur vanti nýjan Subaru, risa rúður allann hringinn.

Þetta! Pabbi gerir reglulega athugasemd um hvað það sjáist vel útum fiskabúrið sem Subaru Forester er.. en samt góður í árekstraprófum

Kíki á Subaru bílana. Afi minn var mikill subaru maður þannig að maður kíkir á þetta

Já ég er sammála, hef samt ekkert prófað marga nýja bíla en hef rekið míg á þetta

af hverju ekki bara að endurnýja allt í toyotunni fyrir minni pening en nýr bíll?

Fiat multipla... bróðir minn sagði að hann og tveir vinir hans hefðu næstum þvi keypt svona bara til að geta setið allir þrír frammí á rúntinum...