spjallid.is

Þarf að láta sprauta toppinn á bílnum mínum eftir steinkast, nýtt og gamalt. Einhver verkstæði sem þið getið mælt með í ódýrari kantinum?

Ha! Er vaktin að bregðast í fyrsta sinn? Yfirleitt þegar það kemur einhver með vandamál og spurningar hingað inn er því svarað einn tveir og bingó. Því miður hef ég ekkert til málana að leggja þar sem ég veit ekkert um bíla

Erfitt að segja hverjir eru góðir og ódýrir. Sér í lagi þegar verið er að sprauta svæði á bílnum eins og þak. t.d. ef steinkastið er komið með ryð og leiðir þá jafnvel niður í framrúðuna þá er aldrei hægt að gera þetta almennilega nema að taka rúðuna úr bílnum, ef eitthvað tjón er á rúðunni er lítið mál að taka þetta samhliða framrúðuskiptum á sama verkstæði.
Þannig að ef þetta nær eitthvað niður að framrúðu þá skal taka rúðuna úr eða sleppa þessu. Ég átti bíl fyrir stuttu sem var með gjörónýtt gluggastykki fyrir framúðuna þar sem ekki hafði verið gengið rétt frá í eldri viðgerð.

Ég þekki vel til starfmanns hjá Varma í Kópavogi. Þeir eru mjög flottir og vandvirkir. Ódýrir veit ég ekki, kemst að því í lok ágúst þegar ég læt sprauta hluta af Skodanum hjá mér.

Ef ég man rétt þá starfar nágranni minn í Bílaverk í Kaplahruni í Hafnarfirði. Hef hent í hann allskonar fjölbreyttum verkum eins og sandblæstri og málningu á mótorbita og allt yfir í að mála heila "panela" á bíl, þeir eru mjög vandvirkir og þekkir hann mjög til verka þegar kemur að því að gera hlutina almennilega svo ekki þurfi að koma aftur 2 árum seinna því ryð er komið aftur.

Ég gæti nefnt 10-15 sprautuverkstæði sem ég myndi hinsvegar aldrei nokkurn tíman mæta á og þar er aðalatriðið að gengið er of fljótt til verka og ekki vandað nóg til verka. Stærsta vandamál sprautuverkstæða hér á landi að mínu mati er fljótfærni sem oft bitnar á niðurstöðum.
Þar sem ég starfaði í bílageiranum í tæp 12. ár gat maður séð ótrúlegustu vinnubrögð frá jafnvel sprautuverkstæðum sem maður taldi vera með þeim flottustu á landinu.

Maður var í den alltaf redda sér ódýrri málun, ég er alveg hættur því í dag. Maður fær það sem maður borgar fyrir og ódýrar kúk mix viðgerðir halda kannski í nokkrar vikur - mánuði.

Það er ekkert mál að sprauta bíl, og ekkert svo dýrt.

Undirbúningsvinnan er svo allt annað mál, þar sem þú þarft að fjarlægja ryð, spartla, þorna, pússa, spreyja yfir til að sjá hvort það sé slétt, spartla aftur, láta þorna, pússa osfrv.

Þetta er mjög tímafrekt og þarf mikla vandvirkni því þegar þú glærar yfir sést allt spartl í gegn ef það er ekki spegilslétt.

Ef þú gerir þetta ódýrt þá koma litlar skemmtilegar bólur í nýja fína lakkið þitt eftir nokkra mánuði, ef það er falið ryð sem er ekki fjarlægt

Viktor skrifaði:Það er ekkert mál að sprauta bíl, og ekkert svo dýrt.

Undirbúningsvinnan er svo allt annað mál, þar sem þú þarft að fjarlægja ryð, spartla, þorna, pússa, spreyja yfir til að sjá hvort það sé slétt, spartla aftur, láta þorna, pússa osfrv.

Þetta er mjög tímafrekt og þarf mikla vandvirkni því þegar þú glærar yfir sést allt spartl í gegn ef það er ekki spegilslétt.

Ef þú gerir þetta ódýrt þá koma litlar skemmtilegar bólur í nýja fína lakkið þitt eftir nokkra mánuði, ef það er falið ryð sem er ekki fjarlægt

Semsagt alls ekki þess virði að gera þetta sjálfur?