spjallid.is

Nú er farið að bera meira á bílum með svona led línu, bæði hvít að framan og rauð lína að aftan. Er þetta nóg aðalljós og bremsuljós?

Ein led lína?

Ég þekki ekki reglugerðir með þessi ljós, en mér finnst þetta mjög óþægilegt í umferðinni.

Mér finnst til að mynda erfiðara að hraðagreina bíla sem aka með svona ljós línu frekar en 2 stök ljós sitthvoru megin.

Er ég bara að röfla í poka eða afhverju er þetta leyfilegt?

Efast um að Musk og aðrir LEDlínularfar stöðvi framleiðslu eftir þennan póst, þó við séum báðir sammála.

Talandi um ljós, þá er eitthvað vopnakapphlaup í LED framljósum í gangi. Allir að blinda alla með brjálæðislega sterkum geislum. Og þá á ég við framleiðendur bílanna, ekki aftermarket sem er mislélegt og illa frágengið.

Hef ekki orðið var við að þessar led línur trufli mig eitthvað en hinsvegar eru þessi nýju ljós sum hver gífurlega blindandi. Maður þarf nánast að horfa frá bílum ef þeir eru að fara yfir hraðahindrun eða eitthvað.

Ég hef ekki meðvitað velt sérstaklega fyrir mér hraðatilfinningardæminu í þessu en mér finnst þessi heila rauða lína yfir bakhlutann á mörgum rafmagnsbílum vera mjög pirrandi.

Sem sagt, frá mínum sjónarhóli ertu ekki að röfla í poka.

Gemini skrifaði:Hef ekki orðið var við að þessar led línur trufli mig eitthvað en hinsvegar eru þessi nýju ljós sum hver gífurlega blindandi. Maður þarf nánast að horfa frá bílum ef þeir eru að fara yfir hraðahindrun eða eitthvað.

Sammála þessu hvað þá þegar maður mætur þessu t.d á vífilstaðavegi þar sem eru engir ljósastaurar maður þarf liggur við að loka augunum þegar þeir fara framhjá manni.

Ég hef blikkað nokkra bíla sem ég hélt að væru með háu ljósin á en þeir voru ekki með. Ég man þegar var vinsælt að vera með neon ljós undir sport bílum en það mátti ekki útaf það væri truflandi og athyglis brjótur í umferðinni en það má blinda mann á ferðinni greinilega haha

Það er alveg fáránlegt að það skuli ekki vera búið að banna sum af þessum ljósum! Sumir bílar bókstaflega lýsa upp heilu hverfin með aðalljósunum.
Svo eru þessi ljós á truflandi ljóstíðni (of hvít) fyrir nætursjón augna fólks og ég segi fyrir mig t.d. að maður er hreinlega að giska hvert maður er að fara í einhverjar sekúndur ef augun ná óvart beinu sambandi við þessi blindandi ljós.
Meira að segja sum bremsuljós á þessum bílum eru það sterk að ef maður er fyrir aftan þá á rauðu ljósi (sérstaklega á bílum þar sem afturhlutinn er eitt stórt bremsuljós) að þá situr ljósið eftir í stutta tíma eins og maður hafi óvart horft í sólina.

Það er hægt að stilla hæðina á framljósunum og ég held að mjög fáir gera það. Byrja á lægstu stillingu og hækka svo ef það er óþægilega lágt.