spjallid.is

Heilir og sælir vaktarar.

Á einhver ykkar Hringadróttinssögu og/eða Hobbitann - bækurnar - á íslensku og væri til í að selja mér fyrir sanngjarnt verð?

Endilega sendið mér skilaboð ef svo er.

Kveðja.

Gætir prufað að heyra í Bókakaffi. Þeir gætu lumað á bókunum í Ármúla eða á Selfossi.

https://www.bokakaffid.is/

Auk þess er fornbókabúð á eða við Hverfisgötu. Hugsa að þú verðir að mæta á staðinn og leita ef þú vilt finna eitthvað þar.

Nú er ég forvitinn, hvað væri sanngjarnt verð fyrir t.d. Hringadróttinsögu á Íslensku?

Þessar bækur eru mjög eftirsóttar, og ég sé þær mjög sjaldan til sölu. Í um fimm ár hef ég farið reglulega í Góða Hirðirinn, Nytjamarkað ABC, Basarinn og fleiri verslanir með notaðar bækur, og ég hef bókstaflega aldrei séð innbundnu útgáfuna af Hringadróttinssögu (ég sá einu sinni kiljuútgáfuna með myndir á kápunni úr kvikmyndunum). Ég hef einu sinni séð allar þrjár auglýstar á Facebook, og tvisvar séð stakt bindi til sölu á vefverslun Góða Hirðisins þegar hún var og hét. Ég veit ekki hvað bækurnar sem voru auglýstar á Facebook fóru á, en stöku bindin á vefverslun Góða Hirðisins kostuðu 1500 kr. hvor.

Ef ég myndi áætla eitthvert sanngjarnt verð fyrir öll þrjú bindin saman á almennum markaði, þá myndi ég ekki segja að það gæti verið undir 10 þúsund krónum. Kannski á bilinu 15-20 þúsund. Kannski hærra. Verðið ræðst einfaldlega af því hvað þeir sem eiga þessar bækur eru tilbúnir til að láta bækurnar á, og þar sem enginn virðist vilja selja sínar þá er erfitt að áætla það. Persónulega hef ég engan áhuga á að selja mínar.

Það voru einhver eintök af þeim að detta inn á nýju vefverslunina hjá Góða hirðinum: https://godihirdirinn.is/shop/

Ég kíkti á þessa vefverslun af forvitni, og það eina sem núna þarna af Hringadróttinssögu á íslensku eru myndasögurnar sem gerðar voru upp úr teiknimyndinni frá 1978. Voru á síðunni sjálfu bækurnar líka fyrr í dag?

Já, alveg þónokkur eintök af Fjölva útgáfunni og m.a. allar þrjár saman á 7500 kall.

Vá, það hafa verið miklir lukkunnar pamfílar sem náðu að kaupa þessi eintök!