spjallid.is

Hefur einhver hér keypt HDD, hvort sem er hérlendis eða erlendis, og látið senda sér í pósti? Hefur það alltaf verið í lagi?

Er þetta ekkert varhugavert? Harðir diskar eru svo viðkvæmir fyrir titringi. Ég hef meira að segja heyrt að diskar í JBOD-kerfum hafi styttri líftíma en þeir sem eru ekki í slíkum kerfum.

Ég veit að verslanir hérlendis fá augljóslega harða diska með flutningi, en þær kaupa auðvitað fleiri en einn í einu, sem þýðir stærri pakkningar og meiri möguleika á að fara vel með þá. Ég get hins vegar ekki ímyndað mér hvernig flutningur á stökum diski fer með hann, miðað við það sem maður hefur séð og heyrt um hvernig farið er með pakka á pósthúsum og við hleðslu í flutningskassa.

Ég veit að diskarnir eru í „park mode“ þegar þeir eru ekki í notkun, sem kemur í veg fyrir að plattarnir rispist. En þetta er samt mekanískur búnaður sem getur hreyfst í flutningi. Tala nú ekki um þegar þessu er hent fram og til baka, jafnvel dottið í gólfið, án þess að kaupandinn hafi hugmynd um það.

Er þetta alveg óhætt, eða er þetta bara óþarfa móðursýki hjá mér?
Eða þarf maður að eyða hátt í 14 tímum í akstur til að kaupa sér disk í borginni?

Ég bý úti á landi og hef keypt ótal HDD og fengið sent með póstinum, aldrei lent í neinu veseni og diskarnir allir dugað í mörg ár. Ég myndi segja að líkurnar á að HDD skemmist í flutningi séu afar litlar.

Ég vinn í flutningabransanum og get alveg fullyrt að langflestir pakkar fá mjög góða meðhöndlun, þó það séu auðvitað alltaf einhverjir pakkar sem skemmast eða detta í gólfið eða eitthvað þessháttar, það er bara óhjákvæmilegt í þessum bransa, shit happens eins og maður segir.