spjallid.is

Hvað er besti tölvustóllinn að ykkar mati?
Mig sárvantar góðan tölvustól, vill fá einhvern sem fer sem best með bakið þitt þar sem ég eyði óhóflega miklum tíma í tölvunni.
Er tæknilega séð á budget en það er alltaf sniðugt að fjárfesta í bakindu held eg, vitið þið hvort það sé t.d. mikill munur á þessum tölvustólum sem kosta 30k eða 70k í tölvutek o.s.frv?

Er með https://tolvutek.is/vara/arozzi-vernazz ... ll-svartur mjög sáttur með hann

Herman Miller er sennilega besti alhliða tölvustóllinn (sérstaklega fyrir bakið) en þeir kosta sitt. Bestu 'Gaming' stólarnir eru DXRacer og AKRacing. Veit að einhverjir AKRacing fást í Elko en ég veit ekki með DXRacer.

Er búinn að skoða þetta í einhverja mánuði út frá verði, reviews osfr. Budget ca 100þ

Þessir gaming stólar eru flestir að fá hrikalega léleg review/dóma (ef menn fara að skoða þetta af einhverri alvöru).

Margar síður þar sem sjúkraþjálfarar, heilbrigðis starfsmenn og review-erarnir sjálfir mæla frekar með alvöru skrifstofu stólum frekar en fallegum lita stólum (gaming stólar) sem veita lítinn sem enga stuðning við mjóbakið og eru ekki hannaðir með 8klst+ setu á dag. (getur fengið ágætis skrifstofustóla á 40-500þ )

Ég skoðaði stóla þónokkuð fyrir nokkrum árum og endaði á að fá mér Herman Miller Mirra 2 - https://www.penninn.is/is/husgogn/herman-miller-mirra-2

Það er ekki hægt að segja að neinn stóll sé "bestur". Þegar þú verslar stól þarftu að fara á millil staða og fá að prófa til að átta þig á hvaða stóll hentar þinni líkamsbyggingu og styður rétt við þig. Get ekki mælt með að kaupa stóla á netinu út frá reviews. Góður stóll er fjárfesting, oft til margra ára, og ekki gaman að kaupa bara út frá því að stóllinn lúkki vel en síðan sé hræðilegt að sitja í honum.

er með arozzi vernezza mjög góður stóll, þreitist ekki í baki á að sitja í honum klukkutímum saman

Er búinn að skoða þetta ágætlega núna. Bendir mestallt til þess að það sé best að kaupa einhvern almennilegan skrifstofustól frekar en kúl gaming stól.
Ef ég væri ekki fátækur námsmaður þá myndi ég líklegast kaupa mér Steelcase eða Herman Miller en það er ekki í boði.
Er að pæla í IKEA MARKUS, flestir mjög sáttir með þá og eiga víst að vera mikið fyrir peninginn. Ef einhver hefur einhverja reynslu endilega deilið!

Takk fyrir svörin.

Ég keypti geggjaðan skrifborðsstól í Costco. Kostaði um 35.000, frá True Wellness með einhvejru magic lumbar system. Sterkbyggður úr leðri. Mjög sáttur.

Plushy skrifaði:Ég keypti geggjaðan skrifborðsstól í Costco. Kostaði um 35.000, frá True Wellness með einhvejru magic lumbar system. Sterkbyggður úr leðri. Mjög sáttur.

Geggjað, ætla að fara eftir vinnu í ikea og costco og bera saman stólana

Ég er búinn að eiga minn Markus í einhver 6-7 ár minnir mig og ég sé enga ástæðu til að skipta honum út. Mæli með.

fallen skrifaði:Ég er búinn að eiga minn Markus í einhver 6-7 ár minnir mig og ég sé enga ástæðu til að skipta honum út. Mæli með.

Já held ég taki hann, hversu týpískt samt að sama dag og ég ákveð að sama dag og ég ákveð að fá mér einn enda útsölurnar, sá í gær að hann væri á útsölu og nú er hann kominn aftur í fullt verð
Annars verður það Markúsinn þar til ég verð ríkur og fer í Hermaninn.

Var að hugsa um Markus sem millibilsástands stól þar sem ég er ekki viss hversu mikið ég mun nota skrifborðsaðstöðuna mína heima fyrir. Sá síðan JÄRVFJÄLLET skrifborðsstól sem mér heillaði mig meira, ég finn hins vegar ekki mikið um þann stól á netinu.

Ég er búinn að leita ansi víða að notuðum Kinnarps, Herman Miller og Steelcase stólum með takmörkuðum árangri. Er að melta hvort maður eigi að splæsa í stól fyrir næstu 10+ árin eða láta IKEA duga.

Eru til einhverjar óháðar vísindalegar rannsóknir sem sýna fram á að stólar sem kosta 200þ. séu hollari heldur en venjulegir stólar? Ég skil alveg að þeir eru vandaðari, úr betri efnum og með vandaðari búnað og slíkt, en þegar fólk fer að tala um að þeir séu svo góðir fyrir bakið og eitthvað í þá áttina tek ég því alltaf með smá fyrirvara.

Fæ alltaf smá gimmick hroll þegar fólk ræðir um skrifborðsstóla hérna. Ef þú prufar stólinn og þér finnst hann þægilegur ætti það alveg að sleppa. Þessar umræður enda yfirleitt á Markus stólnum frá IKEA

Sallarólegur skrifaði:Eru til einhverjar óháðar vísindalegar rannsóknir sem sýna fram á að stólar sem kosta 200þ. séu hollari heldur en venjulegir stólar? Ég skil alveg að þeir eru vandaðari, úr betri efnum og með vandaðari búnað og slíkt, en þegar fólk fer að tala um að þeir séu svo góðir fyrir bakið og eitthvað í þá áttina tek ég því alltaf með smá fyrirvara.

Fæ alltaf smá gimmick hroll þegar fólk ræðir um skrifborðsstóla hérna. Ef þú prufar stólinn og þér finnst hann þægilegur ætti það alveg að sleppa. Þessar umræður enda yfirleitt á Markus stólnum frá IKEA

Það er oft óþægilegt að bera saman skrifstofuhúsgögn þar sem að flestir framleiðendur rebranda stólana sína og aðrar vörulínur með reglulegu millibili. Ég held að það sé engin tilviljun að vinsælustu ábendigarnar, Herman miller Aeron og IKEA Markus eru stólar sem hafa verið framleiddir í meira en áratug í nánast óbreyttri mynd.

Annars held ég að týpa stóls fari að skipta meira máli þegar þú þjáist af verkjum í líkama eða þegar líkamsgerð þín er fyrir utan hefðbundin viðmið um hæð eða þyngd.

Keypti mér Herman Miller Aeron áðan frá USA. Kominn heim fyrir minna en 100.000kr "fully loaded". Mig langaði örlítið meira í Embody en sá hefði verið uþb 80% dýrari þegar dæmið er reiknað til enda.

Penninn getur gefið 20% línuafslátt af Herman Miller og flestu öðru eftir mjög basic prútt. Þrátt fyrir það er miklu ódýrara að panta stakan stól erlendis frá.

kjarnorkudori skrifaði:Keypti mér Herman Miller Aeron áðan frá USA. Kominn heim fyrir minna en 100.000kr "fully loaded".

Getur þú bent mér á hvar þú keyptir hann? Væri til í að kaupa sjálfur :-)

Fungus skrifaði:

kjarnorkudori skrifaði:Keypti mér Herman Miller Aeron áðan frá USA. Kominn heim fyrir minna en 100.000kr "fully loaded".

Getur þú bent mér á hvar þú keyptir hann? Væri til í að kaupa sjálfur :-)

Lítið mál.

Herman Miller eru með 15% afslátt á síðunni sinni og í gegnum Amazon (keypti þaðan fyrir 580$) í augnablikinu. Læt síðan senda stólinn til MyUS.com sem taka uþb 150$ fyrir að koma honum til landsins. Hef notað MyUS oft og mörgum sinnum og það kemur yfirleitt vel út, sérstaklega þegar ég panta frá nokkrum stöðum og læt þá senda allt saman í einu.