spjallid.is

Samkvæmt greinum á PCWorld og forbes.com seldi AMD 52% allra retail borðtölvu-örgjörva síðustu viku á móti 47% hlut Intel.

Ég hefði talið þetta ómögulegt fyrir fáeinum vikum síðan, þetta hefur að mér vitandi aldrei gerst áður. Þessi frétt kemur í kjölfar annara sem virðast benda til að Intel sé í stökustu vandræðum með að framleiða nógu mikið magn af Prescott örgjörvum til að anna eftirspurn og hefur Dell m.a. skipt aftur frá Prescott örgjörvum yfir í Northwood fyrir topp módelin sín. Ennfremur hefur HP nú byrjað að selja borðvélar með AMD örgjörvum og átti það stóran þátt í þessari skyndilegu uppsveiflu.

Þrátt fyrir þetta seldi Intel 60% allra örgjörva(PC) og skiptir þar mestu yfirburðar staða þeirra á fartölvu og netþjóna-markaðnum.

Ég býst fastlega við að AMD geti ekki haldið þessu uppi til lengri tíma litið, jafnvel með fullum afköstum og fullri nýtingu á kísilflögum myndi verksmiðja þeirra í Dresden ekki geta framleitt nógu marga örgjörva til að anna röskum helmings markaðarinns.

Engu að síður eru þetta góðar fréttir fyrir AMD sem er nýlega stigið upp úr miklum fjárhagserfiðleikum. Verri fréttir hins vegar fyrir Intel sem virðist ekki hafa verið upp á sitt besta nýverið.

'Fyrsta'.
Híhí smá sprell.
Annars, flott framtak.

Greinarnar eru hér:

http://www.pcworld.com/news/article/0,aid,115968,00.asp
http://www.forbes.com/enterprisetech/2004/05/03/cx_ld_0503amd.html

ég vona bara að bæði fyrirtækin haldi velli og halda áfram að veita hvoru öðru aðhald ...

Því framtíðin væri ekki björt ef það væri bara einn stór örraframleiðandi....

Hvar væru PC tölvur í dag ef AMD hefði farið á hausinn og Intel sætu einir að kökunni ? þróunin hefði ábyggilega verið mun hægari ...

Skrifa ýmist firsta eða fyrsta og get aldrei munað hvort er rétt

Ég er ekki hér með neinar dómsdagsspár hvað Intel varðar, þeir eiga nægt fjármagn til að komast af í 2-3 ár án þess að selja svo mikið sem einn einasta örgjörva þ.a. þeir verða með okkur lengur hvað sem smá vandræðum líður núna.

mín spá er sú að Intel éti Advanced Micro Devices(amd). Þar sem Intel hefur einhvað sniðugt í nestisboxinu og vill ekki setja það strax á markað.
En það er bara mín spá

Ég held að AMD hafi átt mestan þátt í því að fá samkeppni á markaðinn, án AMD væru Intel örugglega að skríða uppí 1 GHz örgjörva núna.

Maður á ekki að taka mark á svona vitleysu, ok Intlel kostar kannski 20000kall meðan að AMD 145kr og 10 aura.

Ef intel hefði hægt það mikið á þróuninni þá væru allir með PowerPC núna nema intel fanboys eins og MJJ.

Ég er ekkert að segja það, Intel eru einfaldlega vandaðri og betri örgjörvar sem kosta meira fyrir vikið. Þetta er bara staðreynd.
Ég er stoltur Intel eigandi.

Það er eitt betra við Amd, ef þú brýtur hann í sundur þá er þér alveg slétt sama, þú kaupir þér bara nýjan eða færð hann í skóinn, en engin brýtur Intel því þeir eru að skila sínu og kosta meira.

MJJ skrifaði:Ég er ekkert að segja það, Intel eru einfaldlega vandaðri og betri örgjörvar sem kosta meira fyrir vikið. Þetta er bara staðreynd.
Ég er stoltur Intel eigandi.

Vandaðari....hvaða rugl staðreyndir ertu að koma með ?
Ef AMD væru minna vandaðir, þá ættu þeir að bila meira. En ég hef heyrt um fáa örgjörva sem bila.

Ef maður brýtur AMD örgjörva er manni ekkert sama. Þótt þetta kosti minna en Intel. Þið borgið tugi þúsunda fyrir ódýra kísil flögu. Og hugsið nú....hvert fer peningurinn, já til intel. En þrátt fyrir að borga mun minna fyrir AMD örgjörva, þá ertu að fá meira fyrir peninginn.

Alltaf gaman af þessum þráðum. Númer hvað er þessi hérna á vaktinni?

Annars ÁRFAM AMD!!

Hlynzi skrifaði:Ég held að AMD hafi átt mestan þátt í því að fá samkeppni á markaðinn, án AMD væru Intel örugglega að skríða uppí 1 GHz örgjörva núna.

Án Intel væri örugglega ekkert AMD

gumol:

Án Intel væri örugglega ekkert AMD

Það er margt til í því, enda byrjuðu AMD menn að stæla 486 örgjörva Intel og hófu þannig samkeppni. Án Intel værum við sennilega öll með IBM msakínur eða kanski Alpha vélar

Annars sýnist mér MJJ hafa eitthvað slæma reynslu af AMD örgjörvum, það væri gaman að vita afhverju hann fékk þetta kast.

Annars skil ég afhverju hann er svona ánægður með Pentium örran sinn, hann er nefnilega að keyra 2.6GHz á 2.61GHz, það er ekkert smáræði

Annars var þessi þráður ekki stofnaður til að menn færu í einhverja pissukeppni, vinsamlegast virðið það og póstið einvörðungu málefnalegar og ígrundaðar tilgátur eða hugmyndir um framtíðarþróun mála eða annað þessu tengt.

wICE_man skrifaði:Annars var þessi þráður ekki stofnaður til að menn færu í einhverja pissukeppni, vinsamlegast virðið það og póstið einvörðungu málefnalegar og ígrundaðar tilgátur eða hugmyndir um framtíðarþróun mála eða annað þessu tengt.

og öllum öðrum svörum verður eytt......

wICE_man held þú þyrftir að kynna þér sögu þeirra aðeins betur.
http://www.amd.com/us-en/Corporate/Abou ... 33,00.html

Þakka þér fyrir þetta ICman, ég hefði mátt kynna mér þessa athygglisverðu sögu AMD fyrr. Engu að síður er saga og örlög AMD og Intel tvinnuð saman, einhverra hluta vegna hefur Intel þó tekist að halda yfirburða markaðsstöðu gegnum árin og stýrt ferðinni í nýjum stöðlum, þetta virðist þó eitthvað vera að riðlast, t.d. hefur microsoft núna neitt Intel til að taka upp samskonar 64-bita viðbætur og AMD hefur þróað og nú var ég að lesa á Theinquirer.net að Bill Gates ætlaði að henda palladinum út úr Longhorn og nota frekar NX-bitan sem er útfærður í AMD64 örgjörvunum.

Ég held að það taki þó ekki langan tíma fyrir Intel að aðlaga sig að þessum nýjungum og það á eftir að koma í ljós hvort AMD hafi þá staðfestu sem það krefst að vera leiðandi í nýjungum á tölvusviðinu.

Síðan má ekki gleyma að Intel eru sjálfir að taka upp nýja staðla t.d. DDR2 en AMD segjast ætla að bíða þangað til að 667MHz minniskubbar verða framleiddir.

Ég tel það vera jákvætt ef þessir tveir risar (annar talsvert stærri en hinn) eiga eftir að keppa í jafnara mæli en áður, við sjáum best á þrívíddarmarkaðnum hverju stíf samkeppni tveggja áþekkra fyrirtækja getur skilað til neytenda.

kúl.. AMD varð semsagt 35ára fyrir 5 dögum síðan. það er ekkert smá.

Þetta er bara orðinn öldungur